Дашхүүгийн Баярсайхан
Дашхүүгийн Баярсайхан | |
|---|---|
| Төрсөн | 1971-04-29 |
| Харьяалал | Монгол |
| Мэргэжил | Сэтгүүлч |
| Television | Монголын Үндэсний Олон Нийтийн Телевиз |
| Хань | Цэвэгжавы Цэрэнжнав (2008 оноос) |
| Хүүхэд | Анужин (Охин), Түвшин (Хүү) |
| Parents | Бямбажавын Дашхүү (Эцэг), Лувсандоржийн Цэрэнбадам (Эх) |
| Вэбсайт | https://www.facebook.com/profile.php?id=100035053967632 |
Дашхүүгийн Баярсайхан (1971 оны 4 сарын 29-нд төрсөн) нь хөлбөмбөгийн спортын мастер, спортын сэтгүүл зүйн магистр, спортын сэтгүүлч, Монгол Улсын Соёлын Гавьяат Зүтгэлтэн юм[1]. Монголын спортын сэтгүүл зүйн салбарт 2001 оноос хойш ажиллаж буй.[2]
Намтар
[засварлах | кодоор засварлах]Бага нас
[засварлах | кодоор засварлах]1971 оны 4 сарын 29 өдөр Улаанбаатар хотын 1-р төрөх эмнэлэгт айлын 4 дэх хүү болон төрсөн. Эцэг Б.Дашхүү нь Арьс ширний үйлдвэрийн нэгдлийн Том ширний үйлдвэрт будгийн оператор, эх Л.Цэрэнбадам нь Савхин эдлэлийн үйлдвэрт эсгүүрчнээр ажиллаж байв. Баярсайхан 1979 онд Ажилчны районы ерөнхий боловсролын 75-р сургуульд элсэн ороод 1989 онд төгсөж, бүрэн дунд боловсрол эзэмшсэн.
Залуу нас
[засварлах | кодоор засварлах]1989 онд Монголын Ардын армид татагдаж Зэвсэгт хүчний 126-р нэгтгэл, Зүүнбаян гарнизоны артиллерын 133-р ангид тагнуулч-байлдагчаар алба хаасан. Алба хааж байх хугацаандаа Ардын армийн "Алдар" спорт нийгэмлэгт хөл бөмбөгийн төрөлд тамирчин-цэрэг байв. 1991 онд хугацаат цэргийн албанаас бэлтгэл түрүүч цолтой чөлөөлөгдсөн. 1991 оноос 1999 он хүртэл хөлбөмбөгийн "Сор" клуб, "Бизнесийн чөтгөрүүд" баг, "Дэлгэр" баг, "Эрчим" клубт тус тус зүүн жигүүрийн хамгаалагчаар тоглож байлаа. Мөн 1991 оноос 1999 он хүртэл Үслэг эдлэлийн "Сор" компанид эсгүүрчнээр ажиллаж байсан.[3]
Боловсрол
[засварлах | кодоор засварлах]- 1979-1989 Ерөнхий боловсролын 75-р сургууль, Бүрэн дунд боловсрол
- 1999-2002 Радио телевизийн дээд сургууль, Спортын сэтгүүл зүйн бакалавр
- 2011-2013 Монгол улсын боловсролын их сургууль, Спортын сэтгүүл зүйн магистр
Карьер
[засварлах | кодоор засварлах]- 1991-1998 Үслэг эдлэлийн "Сор" компани, Эсгүүрчин
- 2001-2004 Монгол Телевиз, Спортын "Чандмань" студи, Редактор
- 2004-2008 Монгол Телевиз, Спортын "Чандмань" студи, Ерөнхий редактор
- 2008-2013 Монголын Үндэсний Олон Нийтийн Телевиз, Спорт эрүүл мэндийн нэгдсэн редакц, Ерөнхий редактор
- 2013-2016 Монголын Үндэсний Олон Нийтийн Телевиз, Залуучууд спортын редакц, Редактор
- 2016-2018 Монголын Үндэсний Олон Нийтийн Телевиз, Монголын мэдээ телевиз, Редактор
- 2018-2022 Монголын Үндэсний Олон Нийтийн Телевиз, MNB Спорт суваг, Ахлах редактор
Эшлэл
[засварлах | кодоор засварлах]- ↑ "Archive copy". Archived from the original on 2022-11-12. Татаж авсан: 2022-11-12.
{{cite web}}: CS1 maint: archived copy as title (link) - ↑ https://news.mn/r/2435281/
- ↑ https://www.mnb.mn/i/229095