Дүйнхордоржийн Далантай
 | Энэ нийтлэл ямар ч эх сурвалжгүй байна. |
| Хувийн мэдээлэл | |
|---|---|
Хочнууд | Сайхан |
| Төрсөн огноо | 1885 он |
| Нас барсан огноо | 1937 (51–52 насалсан) |
| Алдар цол | |
| Бөхийн цол | Улсын арслан |
| Улсын арслан | 1923 |
| Улсын заан | 1922 |
| Улсын наадмын барилдааны амжилт | |
| Түрүүлсэн | 1 |
| Үзүүрлэсэн | 1 |
| Шөвгөрсөн | 2 |
Дүйнхордоржийн Далантай (1885 - 1937) нь Архангай аймгийн Ихтамир сумын харьяат, үндэсний бөхийн улсын арслан юм.
Далантай арслан нь 2 метр орчим өндөр нуруутай, том сайхан биетэй, тэгшхэн галбиртай, эргэлдсэн алаг нүдтэй, яралзсан цагаан шүдтэй, тас хар хөмсөгтэй, царайлаг сайхан хүн байсан тул нутгийнхан нь түүнийг «Сайхан» хэмээн нэрлэдэг байжээ.
Амжилт
[засварлах | кодоор засварлах]- 1922 онд цэргийн наадамд 9 давж үзүүрлэн улсын заан цолд хүрэв.
- 1923 онд цэргийн наадамд 10 давж түрүүлэн улсын арслан цол хүртэв.
Далантай арслангийн барилдааных нь тухай эдгээрээс өөр тодорхой баримт тэмдэглэгдэн үлдээгүй байна. Д.Далантай арслан нь хав дөрвөлжин барьцнаас баруун талаараа хавирах, баруун гараараа ачих, тойгдох дархан мэхтэй хүчит бөх байжээ.
Хэлмэгдүүлэлтэд өртсөн нь
[засварлах | кодоор засварлах]Буддын шашны гавж цолтой байсан нь түүнийг 1937 онд хувьсгалын эсэргүү хэрэгт холбогдуулж цаазлах шалтгаан болжээ. 1991 онд Улсын дээд шүүхээс түүний хэргийг цагаатгасан байна.
Гэр бүл
[засварлах | кодоор засварлах]Тэрээр хуучнаар Хан-Өндөр уулын хошууны Үлэмжбадрах сум (одоогийн Өндөр-Улаан сум)-ын харьяат байгаад, 1931 онд засаг захиргааны хуваарь шинэчлэгдэхэд Ихтамир сумынх хэмээн дуудуулах болжээ. Дүү Д.Магшир нь мөн улсын заан цолтой бөх.
Хүү Д.Нямжав нь түүнийг баригдаад явахад нь 1 ой гарантай байсан гэдэг. Түүний үр ач нар нь өдгөө (Далантай арслангийн эцэг) Дүйнхэр тэргүүний Үлэмжбадрах овоог тахин, Өндөр-Улаан сумаар нутагладаг аж.