Жамбын Пүрэв

Чөлөөт нэвтэрхий толь — Википедиагаас
Jump to navigation Jump to search
Жамбын Пүрэв
Төр. он 1921 оны 2 сарын 18 (1921-02-18)
Тө. газар Монгол улсын Өвөрхангай аймгийн Хайрхандулаан сум
Нас бар. 2011 оны 4 сарын 4
      (90 насалсан)
Үндэстэн Монгол үндэстэн
Иргэн Flag of Mongolia.svg Монгол
Ажил Зохиолч

Жамбын Пүрэв (1921 оны 2-р сарын 18 - 2011 оны 4-р сарын 4) Монгол Улсын Төрийн шагналт, Соёлын гавъяат зүтгэлтэн, зохиолч. Төрсөн нутаг Өвөрхангай аймгийн Хайрхандулаан сумын нутаг Өргөн Ширэг гэдэг газар малчин ард Жамбын гэр бүлд төржээ. Бага насаа өвөг эцгийн гэрт өнгөрөөж 1937 онд Улаанбаатар хотод ирж Аж үйлдвэрийн комбинатын гутлын фабрикад ажилчин, 1939 онд Монгол Ардын Хувьсгалт цэрэгт татагдан улмаар офицерийн сургууль төгсч, тэндээ курсын даргын алба хааж байгаад 1943 онд Намын боловсон хүчний дээд сургууль, Монгол Улсын Их сургууль, Москва хотноо А.М.Горькийн нэрэмжит Утга зохиолын дээд сургуулийн дээд курсыг тус тус төгсчээ.

Ж.Пүрэв нь МУИС-ийн түүхийн багш, намын хорооны дарга, Улаанбаатар хотын намын хорооны хоёрдугаар нарийн бичгийн дарга, ХААЯамны орлогч сайд, Сангийн аж ахуйг удирдах ерөнхий газрын дарга, Хэвлэл, утга зохиол хянах ерөнхий газрын дарга, Соёлын яамны дэргэдэх Намын хорооны дарга, МАХН-ын Түүхийн институтэд эрдэм шинжилгээний ахлах ажилтан, “Үнэн” сонинд утга зохиолын ажилтан, МЗЭ-ийн хороонд мэргэжлийн зохиолч зэрэг ажил хийж байгаад 1982 онд тусгай тэтгэвэрт гарчээ.

Ж.Пүрэв нь 1950 оноос уран зохиолын ажил туурвин, "Зүрхний хилэн", “Манан будан”, “Аянга”, "Хөгжмийн эгшиг" зэрэг 30 роман, 22 тууж, 200 өгүүлэл, 40 найруулал, тэмдэглэл зэрэг богино хэлбэрийн зохиол, "Түлхүүрийн нууц" жүжиг, "Хан бүргэд" дуурийн цомнол, "Их хааны удам", "Эртний нутгийн солонго" кинозохиол бичсэн байна.

Их зохиолчийн Төрийн шагнал хүртсэн “Зүрхний хилэн”, “Манан будан”, “Хөгжмийн эгшиг” романуудыг Болорсудар хэвлэлийн газар ХХ-р зууны шилдэг романаар өргөмжлөн, дахин нийтийн хүртээл болгосон байна.

Хэвлэгдсэн романы жагсаалт[засварлах | edit source]

  1. Хөгжмийн эгшиг 1967 он
  2. Аянга 1968 он
  3. Гурван зангилаа 1971 он
  4. Ундрах инженер 1975 он
  5. Аадар бороо 1977 он
  6. Мянган захидал 1980 он
  7. Зүрхний хилэн 1983 он
  8. Манан будан 1988 он
  9. Сэтгэлийн дуулал 1991 он
  10. Сүмбэр хангай өршөөсөн заяа 1994 он
  11. Алтан очирт титэм 1996 он
  12. Гамшиг зовлон 1996 он
  13. Бүргэд харьд үүрлэдэггүй 1998 он
  14. Хөшөө чулууны захиас 1999 он
  15. Чонын үүр 2001 он
  16. Гэмшилухаарал 2001 он
  17. Буруу харсан хатиг 2001 он
  18. Боржин цохио доргилоо 2002 он
  19. Нууцалсан тайлан 2002 он
  20. Хүн чулуу 2003 он
  21. Хубилай хаан 2003 он
  22. Ичих нүүргүй ертөнц 2003 он
  23. Нүгэл нүглээ дагадаг 2003 он
  24. Босоо ороолон 2004 он
  25. Үхээрийн сүнс 2004 он
  26. Мөхөлтэй өрсөлдсөн он жил 2005 он
  27. Шуналын ян 2005 он
  28. Их өргөөний голомт 2006 он
  29. Үнэний эрэлд 2007 он

Гавьяа Шагнал[засварлах | edit source]

  • БНМАУ-ын Төрийн шагнал /1984/ - “Зүрхний хилэн” романаараа,
  • Монгол Улсын Соёлын Гавьяат Зүтгэлтэн /2006/ цол,
  • Монголын зохиолчдын эвлэлийн шагнал
  • Соёлын тэргүүний ажилтан /1971/
  • Сүхбаатарын одон,
  • Хөдөлмөрийн гавъяаны улаан тугийн одон 2 удаа,
  • Алтан гадас одон 2 удаа болон бусад хүндэт, ойн медалиудаар шагнагдсан байна.