Jump to content

Ким Жун-хёнь (дуучин)

Википедиа — Чөлөөт нэвтэрхий толь
Kim Jong-hyun
2017 оны 7 сард SM Town Live тоглолтын үеэр
Ерөнхий мэдээлэл
Төрсөн нэр김종현 / Ким Жун Хён
Тайзны нэрJonghyun
Төрсөн1990 оны 4 сарын 8 (1990-04-08)
Сөүл
ГаралӨмнөд Солонгос
Нас барсан2017 оны 12 сарын 18
(27 насалсан)
Хөгжмийн урсгалК-Поп, R&B
Мэргэжилдуучин, ая зохиогч, радио хөтлөгч, зохиолч
Идэвхтэй2008–2017
СтудиSM
Хамтардаг уран бүтээлчидSHINEE
SM Town
SM the Ballad
Цахим хуудасOfficial website


Ким Жун-хёнь (1990/04/08[1] - 2017/12/18)[2] нь SM Entertainment-д харьяалагддаг байсан Өмнөд Солонгосын дуучин, ая зохиогч, дууны продюсер, радио хөтлөгч, зохиолч байжээ.

Түүний нэрийг латин галигийг баримтлан Жонхён гэж бичих нь бий. Тэрээр 9 жилийн турш Өмнөд Солонгосын хөвгүүдийн SHINee хамтлагийн гоцлол дуучин байсан бөгөөд хамтлагийнхаа хамт Солонгос, Япон хэл дээр арван хоёр цомог гаргасан. Тэрбээр мөн SM Entertainment-ийн төслийн хамтлаг болох SM The Ballad-д хоёр EP цомог гаргахад оролцсон юм.

Тэрээр 2015 оны 1 сард анхны бие даасан EP цомог болох "Base"-ээ гаргаж, тус цомог нь Billboard-ын World Albums Chart болон Gaon цомгийн жагсаалтуудыг тэргүүлжээ. Мөн оны 9 сарын 17-нд "Story Op.1" цомгоо гаргасан. Түүний анхны студийн цомог болох "She Is" нь 2016 оны 5 сарын 24-нд гарсан бөгөөд дараа нь түүний 2-р цомог болох "Story Op.2" нь 2017 оны 4 сарын 24-нд гарчээ. 2015 оны 10 сарын 2-ноос "The Story by Jonghyun" хэмээх ганцаарчилсан аялан тоглолтоо эхлүүлж, үүний дараа дараагийн жилүүдэд гурван удаа аялан тоглолт хийсэн юм. Түүнийг Өмнөд Солонгосын шилдэг дуучдын нэг гэж үздэг байв.[3] Тэрээр мөн К-попт ховор тохиолддог уран бүтээлийн хяналт, хөгжим бүтээхэд гар бие оролцдог гэдгээрээ их магтаал хүртдэг байжээ.[4]

Тэрээр 2017 оны 12 сарын 18-нд амиа хорлож нас барах хүртлээ Shinee хамтлагийн гоцлол дуучин төдийгүй бие даасан уран бүтээлчийн хувиар уран бүтээлээ идэвхтэй туурвиж байв. Түүний сүүлчийн цомог "Poet | Artist" нь 2018 оны 1 сарын 23-нд түүнийг нас барсны дараа худалдаанд гарсан. Уг цомгийн бүх ашгийг түүний ээжид өгч, буяны сан байгуулахад зарцуулна гэж мэдэгджээ. 2018 оны 9 сард түүний гэр бүл сэтгэл зүйн эрүүл мэндтэйгээ тэмцэж буй залуу уран бүтээлчдэд туслах зорилгоор Shiny Foundation-ийг байгуулсан юм.[5][6][7][8]

Бага нас болон боловсрол

[засварлах | кодоор засварлах]

Тэрээр Сөүлд төрсөн. Дунд сургуульд байхдаа сургуулийнхаа хөгжмийн хамтлагт орж,[9] Сөүлийн Практик хөгжмийн ахлах сургуульд сурч байсан ч[10] 10-р ангидаа сургуулиа орхиж, хөгжмийн карьераа хөөжээ. Дараа нь Myongji их сургуульд шилжихээсээ өмнө Chungwoon их сургуульд элсэн орж, кино болон хөгжмийн чиглэлээр магистрын зэрэг хамгаалсан.[11]

Карьер

[засварлах | кодоор засварлах]

2005–2014: Карьерийн эхлэл

[засварлах | кодоор засварлах]
Гол өгүүлэл: Shinee

2005 онд тэрээр 15 настайдаа сургуулийн хөгжмийн хамтлагтайгаа хамт сургуулийн нэгэн дууны наадамд оролцож байгаад SM Entertainment-ын хараанд өртжээ.[12][13] Улмаар 2008 оны 5 сарын 25-нд SBS-ийн Inkigayo хөгжмийн нэвтрүүлэг дээр таван гишүүнтэй SHINee хамтлагийн нэг гишүүн болон дэбютээ хийсэн.[14] 2009 онд хамтлагийнхаа "Romeo" цомгийн "Juliette" дууны үгийг бичиж, дуу зохиогчийн хувиар хамтлагтаа хувь нэмрээ оруулж эхэлжээ.[15][16]

2010 оны 10 сард хорь гаруй айдол хамтлагийн гишүүдтэй хамтран G-20 Сөүлийн дээд хэмжээний уулзалтыг сурталчилсан "Let's Go" дуунд хамтран ажиллажээ.[17] 2010 оны 11 сард SM Entertainment-аас үүсгэн байгуулсан баллад, R&B жанрт төвлөрсөн төслийн хамтлаг болох SM the Ballad-д орж,[18] тус төслийн хамтлаг нь 2010 оны 11 сарын 29-нд "Miss You" нэртэй анхны EP цомгоо гаргасан.[19]

2011 оны 6 сард KBS телевизийн "Immortal Songs: Singing the Legend" хэмээх уралдаант нэвтрүүлэгт оролцож,[20] нэг агентлагт харьяалагддаг Super Junior хамтлагийн Yesung-ыг ялсан ч, завгүй цагийн хуваариас болоод эхний ангийн дараагаас шоугаа орхисон юм.[21]

2013 оны 10 сард тэрээр IU-ын 3 дахь студийн цомог "Modern Times"-т багтсан "A Gloomy Clock" дууны аяыг зохиосноор хөгжмийн зохиолчоор дэбютээ хийжээ. Найзын хувиар IU-д бэлэглэсэн уг дууны үгийг Jong-hyun, IU хоёр хамтран бичиж, мөн хамтран дуулсан юм.[22] Үүнээс хоёр сарын дараа, 12 сард Son Dam-bi-ын "Red Candle" дууны үг аяыг мөн Jong-hyun бичжээ.[23]

2014 оны 2 сард MBC телевизийн "Blue Night" хэмээх радио нэвтрүүлэгт хөтлөгчөөр орж, радио хөтлөгчийн дэбютээ хийжээ.[24][25] Дөрвөн жил завсарласны дараа SM the Ballad 2014 оны 2 сарын 13-нд шинэ гишүүнтэйгээр хоёр дахь EP цомог болох Breath-аараа эргэн ирж,[26] тус цомгийн гол дууг Jong-hyun болон Girls' Generation хамтлагийн Taeyeon нар хамтран дуулсан юм.[27] 2014 оны 8 сард өөрийн хамтлагийн гишүүн Taemin анхны EP цомгоо гаргаж, тэрээр цомогт нь зориулан "Pretty Boy" дууг бичиж өгчээ.[28][29]

Хувийн амьдрал

[засварлах | кодоор засварлах]

Тэрээр 2010 оны 10 сараас 2011 оны 6 сар хүртэл жүжигчин Shin Se-kyung-тай үерхэж байсан.[30][31]

2013 оны 4 сард тэрээр автомашины осолд орж, хамраа гэмтээсэн.[32][33] SM Entertainment-аас түүнийг ослын дараа яаралтай мэс засал хийлгэсэн гэж мэдээлсэн.[34] 2013 оны 12 сард Өмнөд Солонгосын нийгмийн тэгш бус байдлыг гэрэлтүүлэхэд чиглэсэн эсэргүүцлийг дэмжиж байгаагаа илэрхийлэхийн тулд тэрээр твиттер хуудасныхаа зургийг трансжендер, бисексуал эсэргүүцэгчдийн бичсэн зурвас болгон өөрчилжээ.[35] Энэ нь улс орны соёлын хатуу байдал, нийгмийн хэм хэмжээг чухалчлах, ЛГБТ нийгэмлэгийг ялгаварлан гадуурхах үзлийг шүүмжилсэн мессеж байсан юм.[36]

Үхэл

[засварлах | кодоор засварлах]

Тэрээр 2017 оны 12-р сард Сөүлийн зүүн өмнөд хэсэгт байрлах Ганнам дүүргийн Чондам-донг хотод хоёр хоног байр түрээсэлжээ.[37] 2017 оны 12-р сарын 18-ны өдрийн 12:00 цагт бүртгүүлж ороод[38], тэр өдрийн орой 16 цаг 42 минутад түүний эгч Kim So-dam яаралтай түргэн тусламж руу анхны дуудлага хийж, түүнийг амиа хорлох гэж байна гэж мэдэгджээ. Учир нь тэрээр эгч рүүгээ "Сүүлийн үдэлт", "Намайг сайн байсан гэж хэлээрэй" гэх мэт олон мессеж илгээсэн байсан юм.[38][39] Түүнийг хамгийн сүүлд байрны хажууд байрлах дэлгүүрт харжээ.[40][41][42]

Цагдаа нар болон аврах албаныхан түүнийг 18 цаг 10 минутын орчимд түрээсэлж байсан байрандаа ухаангүй байхад нь олжээ. Нэн даруй Konkuk их сургуулийн эмнэлэгт хүргэсэн ч, зүрх нь зогссон байдалтай эмнэлэгт ирсэн юм. Яаралтай тусламж үзүүлсэн боловч ухаан оролгүй улмаар 18 цаг 32 минутад эмнэлэгт нас баржээ.[39][43][44] Мөрдөн байцаагчид тухайн газраас хайруулын тавган дээр шатаасан нүүрсний шахмал түлш олсон бөгөөд түүнийг угаарын хий эсвэл хорт утаанд амьсгал нь боогдож нас барсан гэж үзсэн. Түүний гэр бүлийнхний хүсэлтээр задлан шинжилгээ хийхгүй байхаар шийдвэрлэж,[45] түүний үхлийг амиа хорлолт гэж эцэслэн дүгнэжээ.[46]

Түүний оршуулга 12-р сарын 19-ний үдээс хойш Сөүлийн Pungnam-dong дахь Asan эрүүл мэндийн төвийн оршуулгын танхимд болов.[47] Гурван өдөр үргэлжилсэн оршуулгын ёслолд BTS, IU, BoA, Girls 'Generation, EXO зэрэг алдартнууд болон фэнүүд нь оролцжээ.[48][49] Түүгээр ч зогсохгүй олон улсын фэнүүд дэлхийн өнцөг булан бүрээс түүнд хүндэтгэл үзүүлэв.[50][51][52] 12-р сарын 21-ний өдөр олон нийтийн оршуулгын дараа гэр бүл, ойр дотны найзууд нь оролцдог хувийн оршуулга хийхийн тулд эмнэлгээс түүнийг шилжүүлж, дараа нь олон нийтээс нууцлагдмал тодорхойгүй газарт оршуулжээ.[53][54][55]

Түүний үхлийг янз бүрийн хэвлэл мэдээллийн хэрэгслүүд сэтгэлийн хямралтай холбон тайлбарлаж байсан юм.[56] Түүнийг нас барсны дараа хамт ажилладаг дуучин, Dear Cloud хамтлагийн гишүүн буюу түүний найз Nine9 нь түүний амиа хорлосон тэмдэглэлийг Instagram дээрээ оруулжээ. Тэрээр 12-р сарын 9-нд болох тоглолтоосоо 2-3 хоногийн өмнө найз Nine9-руугаа илгээсэн байсан юм.[57][58] Тус тэмдэглэлд сэтгэл гутралдаа залгиулсан, алдар хүндтэйгээ тэмцсэн тухай дурдсан байв. Түүний найз илгээсэн тэмдэглэлийг нь хараад ихэд түгшиж, Jonghyun-тай байнга холбоотой байгаарай гэж түүний агентлагт хэлж сануулжээ. Түүнд туслах гэж оролдсон боловч энэ нь зөвхөн түүний үхэх хугацааг л хойшлуулж, түүнийг бүрэн зогсоож чадаагүй юм.[59]

Үр дагавар

[засварлах | кодоор засварлах]

Jonghyun-ыг нас барсны дараа #StayStrongShawols [60][61] #YouDidWellJonghyun гэсэн хаштагууд твиттер дээр трэнд сэдэв болсон юм.[62] 2017 оны 12-р сарын 30-ны өдөр тэрээр Billboard-ийн Social 50 чартад 2-р байранд жагсаж, википедиа дээр 425,000 хандалт авчээ.[63] Jonghyun-ы үхэл Өмнөд Солонгос дахь энтертайнмент агентлагуудын ширүүн өрсөлдөөн болоод сэтгэцийн эрүүл мэндийн асуудлыг хөндсөн юм.[64]

Түүний "Lonely" дуу нь Өмнөд Солонгосын онлайн хөгжмийн платформуудыг тэргүүлж,[65] үндэсний хэмжээний Gaon Digital чартад дахин 1-р байранд орж, түүний "Story Op.2" цомог нь Gaon цомгийн чартын 7-р байранд,[66] анхны цомог "She Is" нь чартын 4-р байранд тус тус бичигджээ.[67] Мөн "Lonely" дуу нь Billboard-ийн дэлхийн дижитал дууны борлуулалтын чартын 6-р байранд, "Story Op.2" цомог нь дэлхийн цомгийн жагсаалтын 5-р байранд тус тус орсон юм.[68] Түүгээр ч зогсохгүй, түүний бичсэн "Skeleton Flower" ном дахин хэвлэгдэж, бестселлер болжээ.[69][70]

Түүний "Night Goblin" шоунд оролцсон дугаар 2017 оны 12-р сарын 24-нд цацагдах байсан боловч JTBC телевизээс үүнийг олонд цацахгүй байхаар шийдсэн.[71] SHINee 2018 оны 2-р сард Японд цуврал тоглолт хийхээр төлөвлөж байсан бөгөөд удаан ярьж хэлэлцсэний эцэст[72] тэд хуваарийн дагуу тоглолтоо хийхээр шийдсэн юм.[73]

Хүндэтгэл

[засварлах | кодоор засварлах]

Түүнийг нас барахад дэлхийн олон дуучин хөгжимчид, салбарын мэргэжлийн хүмүүс гашуудаж байв. Нэг агентлагт харьяалагддаг EXO[74], Taeyeon[75], TVXQ [76] нар өөрсдийн тоглолтын үеэр түүнд хүндэтгэл үзүүлжээ. SM Entertainment-ийн уран бүтээлчид болох EXO, Red Velvet, Super Junior, NCT 127 болон JYP Entertainment-ийн Got7 зэрэг уран бүтээлчид жилийн эцсийн хөгжмийн нэвтрүүлгүүд дээр номин далайн өнгөтэй "R.I.P. JH" хатгамал бүхий хар тууз зүүж оролцов.[77][78]

MBC радио 12-р сарын 21-нд Jonghyun-ы олон жилийн турш хөтлөн явуулсан радио нэвтрүүлэг болох Blue Night-д зориулсан тусгай дугаарыг хийхээр төлөвлөж байсан боловч "түүний дуу хоолойг дахин сонсговол нийгэмд үзүүлэх нөлөө ямар байх нь тодорхойгүй" гэж үзсэний улмаас цуцлахаар болжээ.[79] SM Entertainment түүнийг нас барсны дараа "Dear My Family" дууг буяны дуу болгон гаргаж, агентлагын бусад уран бүтээлчидтэй хамт түүний хоолойн бичлэгийг нэмж гаргасан юм.[80] SM Entertainment-аас 2018 оны 1-р сарын 27-оос 4-р сарын 30-ны хооронд Coex Artium дотор түүний дурсгалын үйл ажиллагааг зохион байгуулжээ.[81]

Лавлах бичиг

[засварлах | кодоор засварлах]
  1. ↑ Mark Russell (April 29, 2014). K-Pop Now!: The Korean Music Revolution. Tuttle Publishing. p. 67. ISBN 978-1-4629-1411-1. Архивласан огноо May 27, 2016. Татаж авсан: October 30, 2016.
  2. ↑ "Shinee singer Jonghyun: K-pop boy band superstar dies". BBC News. December 18, 2017. Архивласан огноо December 18, 2017. Татаж авсан: December 18, 2017.
  3. ↑ Kang, Tae-myung (October 18, 2015). 가요관계자들이 뽑았다! 아이돌 보컬 BEST 10 [People involved in music picked the best 10 idol vocalists]. TV Report (солонгос хэлээр). Archived from the original on July 31, 2018. Татаж авсан: July 21, 2018.
  4. ↑ "Shinee Jonghyun Breaks Loose with Creative Artistry in 2015: A Walk Through Two EPs 'Base,' 'Story Op.1,' A Lyric Novel, Concert Series". Venture Capital Post. December 17, 2015. Архивласан огноо November 11, 2016. Татаж авсан: September 10, 2016.
  5. ↑ Lee, Jan (September 8, 2018). "Family of late Shinee star Jonghyun sets up foundation to support young artists". The Straits Times. Архивласан огноо September 9, 2018. Татаж авсан: September 9, 2018.
  6. ↑ Herman, Tamar (September 7, 2018). "Family of SHINee's Jonghyun Sets Up Foundation to Support Young Artists". Billboard. Архивласан огноо September 8, 2018. Татаж авсан: September 9, 2018.
  7. ↑ Choi, Ji-won (September 7, 2018). 故 종현 유족, 청년 예술인 돕기 '빛이나' 재단 설립...'심리치료+장학사업' [The late Jong-hyun bereaved family members set up a foundation to help young artists... Psychotherapy + scholarship project]. Star Today (солонгос хэлээр). Татаж авсан: September 9, 2018.
  8. ↑ "빛이나 소개 [Introduction to Shiny]". Shiny Foundation (Korean хэлээр). Архивласан огноо November 27, 2020. Татаж авсан: 29 December 2020.{{cite web}}: CS1 maint: unrecognized language (link)
  9. ↑ "5인조 틴에이저그룹 '샤이니', 실력&풋풋함…"누나들이 예뻐해요"" [The five-member teenage group 'SHINee', Skill & Freshness..."My sisters are beautiful"]. The Dong-a Ilbo. 2008-05-29. Архивласан огноо 2016-07-26.
  10. ↑ "샤이니 종현, 성실하고 겸손..모든 선생님이 좋아했다" [SHINee Jonghyun, sincere and humble. All the teachers liked him.]. The Chosun Ilbo (солонгос хэлээр). 2017-01-12.
  11. ↑ Kwon, Joon-hyup (December 18, 2017). "우울증 힘들다" '샤이니' 종현 사망 ["Depression is hard" Shinee's Jonghyun dies]. Kukmin Ilbo (солонгос хэлээр). Архивласан огноо February 20, 2018. Татаж авсан: February 19, 2018.
  12. ↑ Lam, Lydia (December 18, 2017). "Shinee's Jonghyun dies in apparent suicide: A look back at K-pop singer's life". The Straits Times. Архивласан огноо February 20, 2018. Татаж авсан: February 19, 2018.
  13. ↑ Park, Hae-young (December 28, 2017). 유명 아이돌 `샤이니` 종현 숨진 채 발견 [Jonghyun, famous "Shinee" idol, found dead]. MK News (солонгос хэлээр). Архивласан огноо February 20, 2018. Татаж авсан: February 19, 2018.
  14. ↑ SM 대형 신인 '샤이니' 25일 '인기가요' 통해 데뷔 [SM's new rookie group Shinee to debut with 'popular music' on 25 May]. HanKyung (солонгос хэлээр). August 20, 2008. Archived from the original on July 11, 2016. Татаж авсан: June 20, 2011.
  15. ↑ Glasby, Taylor (June 21, 2016). "Standing alone, Kim Jonghyun is unlike any other K-pop idol". i-D. Архивласан огноо August 10, 2017. Татаж авсан: August 11, 2017.
  16. ↑ Kim, Hyung-woo (May 18, 2009). 샤이니 종현 '줄리엣' 첫작사 비화 "고전영화 로미오와 줄리엣 영감" (인터뷰) [Shinee Jonghyun's first time writing lyrics for 'Juliette': "The inspiration was the classic movie Romeo and Juliet" (Interview)]. Newsen (солонгос хэлээр). Архивласан огноо November 28, 2020. Татаж авсан: June 22, 2022.
  17. ↑ "K-Pop Stars Band Together for G20 Theme Tune". The Chosun Ilbo. October 14, 2010. Архивласан огноо July 19, 2012. Татаж авсан: February 21, 2015.
  18. ↑ Lee, Eon-hyuk. 규현·종현·제이, 신예 지노와 프로젝트 SM더발라드 그룹 결성 [Kyuhyun, Jonghyun, Jay, and rookie Jino form SM the Ballad Group]. Newsen. Эх сурвалжаас архивласан огноо March 12, 2012. Татаж авсан: February 21, 2015 – via Joins.{{cite news}}: CS1 maint: unfit URL (link)
  19. ↑ Cho, Eun-ji (November 27, 2010). SM the Ballad, 28일 '인기가요'로 데뷔 무대 [SM the Ballad, 28 days 'popular music' to debut']. TV Daily (солонгос хэлээр). Архивласан огноо August 28, 2019. Татаж авсан: August 6, 2020 – via Nate.
  20. ↑ Kim, Myung-hyun (May 6, 2011). "Idol stars cast for singing contest program". TenAsia. Архивласан огноо September 23, 2013. Татаж авсан: March 30, 2012.
  21. ↑ Jang, Chang-hwan (June 10, 2011). "불후의명곡2 너무 잔인" 네티즌 왜 난리? ["Immortal Songs 2 is too brutal" netizens ask why?]. Osen (солонгос хэлээр). Архивласан огноо April 11, 2018. Татаж авсан: April 10, 2018.
  22. ↑ Lee, Keum-jun (September 23, 2013). '컴백' 아이유, 최백호-양희은 등 '초호화 피처링' 눈길 [IU Returns with Featured Artists Including Choi Baek-ho and Yang Hee-eun]. Asia Economy (солонгос хэлээр). Архивласан огноо December 3, 2013. Татаж авсан: October 8, 2013.
  23. ↑ Jeon, Su-mi (December 23, 2013). "Son Dam Bi to Comeback with Shinee Jonghyun's Song 'Red Candle′". CJ E&M enewsWorld. Translated by Jung, Yeawon. Archived from the original on March 1, 2014. Татаж авсан: December 20, 2013 – via Mwave.
  24. ↑ 샤이니 종현 다음달 3일부터 MBC 라디오 '푸른밤' 지기 [Shinee Jonghyun hosts MBC Radio's 'Blue Night' starting from the 3rd of next month]. Sports Kyunghyak (солонгос хэлээр). January 23, 2014. Архивласан огноо December 17, 2019. Татаж авсан: April 10, 2018.
  25. ↑ Lee, Sun-min (January 24, 2014). "Shinee singer joins MBC radio". Korea JoongAng Daily. Archived from the original on July 19, 2016. Татаж авсан: January 26, 2014.
  26. ↑ Jackson, Julie (February 13, 2014). "SM ballad artists serenade fans in joint recital". The Korea Herald. Архивласан огноо May 18, 2018. Татаж авсан: May 19, 2018.
  27. ↑ Sohn, Ji-young (February 5, 2014). "SM group to release sophomore album 'Breath' next week". The Korea Herald. Архивласан огноо July 5, 2018. Татаж авсан: May 19, 2018.
  28. ↑ Ahn, Sung-mi. "'Deja-Boo' is my musical color: Jonghyun". Kpop Herald. Архивласан огноо February 11, 2018. Татаж авсан: August 11, 2017.
  29. ↑ Sohn, Ji-young (August 11, 2014). "Taemin of Shinee to release first solo album". Kpop Herald. Архивласан огноо October 7, 2016. Татаж авсан: June 17, 2016.
  30. ↑ "[단독] 신세경·'샤이니' 종현, 동갑커플 탄생…"우린 서로의 이상형" (종합)". 더팩트 (солонгос хэлээр). 2010-10-27. Архивласан огноо December 21, 2021. Татаж авсан: 2021-12-21.
  31. ↑ 최, 은영 (2011-06-20). "신세경, 종현과 결별 인정.."최근 친구로"". m.edaily.co.kr (солонгос хэлээр). Архивласан огноо December 21, 2021. Татаж авсан: 2021-12-21.
  32. ↑ Yoon, Sung-yeul (April 4, 2013). '교통사고' 종현, 코뼈골절진단.."입원 치료 전념" ["Car accident" Jonghyun diagnosed with broken nose... "Receiving hospital treatment"]. Star News (солонгос хэлээр). Archived from the original on September 11, 2016. Татаж авсан: September 10, 2016.
  33. ↑ Benjamin, Jeff (May 6, 2013). "Shinee Ask 'Why So Serious?' Without Member Jonghyun". Billboard. Архивласан огноо July 5, 2018. Татаж авсан: July 9, 2018.
  34. ↑ Yoon, Sung-yeol (April 15, 2013). '코뼈수술' 종현, 퇴원.."샤이니 합류시점 논의中" ["Nose surgery" Jonghyun discharged from hospital... "Debating when to join Shinee"]. Star News (солонгос хэлээр). Архивласан огноо July 16, 2018. Татаж авсан: July 16, 2018.
  35. ↑ Young, Moon (December 15, 2013). "Jong-hyun of Shinee shows support for sexual minorities". The Korea Herald. Архивласан огноо July 10, 2018. Татаж авсан: August 6, 2020.
  36. ↑ 종현 '안녕들 하십니까' 동참…아이돌의 사회 참여, 제대로 알고 하는걸까? [Jonghyun joins 'How are you?'... Idols participate in society]. Sports World i (солонгос хэлээр). December 15, 2013. Архивласан огноо July 10, 2018. Татаж авсан: July 9, 2018.
  37. ↑ Yoon, Sang-geun (December 18, 2017). 경찰 "샤이니 종현, 사망 이틀전 누나에 우울증 호소" [Police, "Shinee's Jonghyun, two days before his death, complained of depression to his sister"]. Star News (солонгос хэлээр). Архивласан огноо August 31, 2018. Татаж авсан: December 23, 2017.
  38. ↑ 38.0 38.1 Lee, Gwang-hyo (December 18, 2017). 샤이니 종현,레지던스서 갈탄 자살.."침대와 테이블 사이 방바닥..구토 흔적도" (종합) [Shinee's Jonghyun, Residence Galán Suicide... "Trace of vomit on the floor between the bed and the table"]. Aju Business Daily (солонгос хэлээр). Архивласан огноо December 25, 2017. Татаж авсан: December 24, 2017.
  39. ↑ 39.0 39.1 "[Update] Shinee's Jonghyun dies in hospital". The Korea Herald. December 18, 2017. Archived from the original on December 18, 2017. Татаж авсан: December 18, 2017.
  40. ↑ Lee, Ga-young (December 20, 2017). CCTV에 담긴 종현의 생전 마지막 모습 [Jonghyun's last appearance on CCTV]. JoongAng Ilbo (солонгос хэлээр). Архивласан огноо December 24, 2017. Татаж авсан: August 6, 2020.
  41. ↑ Загвар:Cite video
  42. ↑ Han, Kyung-jin (December 19, 2017). "종현은 두 개의 '나' 사이에서 고민했던 것 같다" ["I think Jonghyun was torn between two 'me's."]. Chosun (солонгос хэлээр). Архивласан огноо December 22, 2017. Татаж авсан: December 24, 2017.
  43. ↑ "(LEAD) Shinee member Jonghyun dies in apparent suicide: police". Yonhap News Agency. December 18, 2017. Archived from the original on December 18, 2017. Татаж авсан: December 18, 2017.
  44. ↑ Aroesti, Justin McCurry Rachel (December 18, 2017). "Lead singer of South Korean boy band Shinee dies". The Guardian. ISSN 0261-3077. Архивласан огноо December 18, 2017. Татаж авсан: December 18, 2017.
  45. ↑ "Jonghyun: Note shows K-pop star's struggles with depression". BBC News. December 19, 2017. Архивласан огноо December 19, 2017. Татаж авсан: December 19, 2017.
  46. ↑ Lee, Won-joon (December 19, 2017). 경찰, 故샤이니 종현 부검 안해..."스스로 목숨 끊은 듯" [Police will not be doing an autopsy on the late Shinee's Jonghyun... "as it seems he killed himself."]. News 1 (солонгос хэлээр). Архивласан огноо December 22, 2017. Татаж авсан: December 23, 2017.
  47. ↑ 이별을 준비하는 故 샤이니 종현 팬들 [The late Shinee's Jonghyun fans preparing to say goodbye]. No Cut News (солонгос хэлээр). December 20, 2018. Архивласан огноо July 10, 2018. Татаж авсан: July 9, 2018.
  48. ↑ Kim, So-yeon (December 20, 2017). 故 종현을 보내며...팬들은 포스트잇에 마지막 인사를 전하고 있다 [Sending off the late Jonghyun... Fans are sending their final goodbyes on Post-it notes]. Star Mk (солонгос хэлээр). Архивласан огноо July 9, 2018. Татаж авсан: July 9, 2018.
  49. ↑ Lee, Won-joon; Kim, Se-hyun (December 21, 2017). "배웅하러 왔어요, 평생 후회할까봐"…故종현 팬들과 마지막 인사 ["I'm here to see you off, I'm afraid I'll regret it for the rest of my life."... Last goodbye with the late Jonghyun's fans]. News1 (солонгос хэлээр). Архивласан огноо December 9, 2019. Татаж авсан: July 9, 2018.
  50. ↑ Park, So-jin (December 19, 2017). 칠레 한국대사관 앞에 종현을 추모하는 팬들이 모였다 [Fans gathered in front of the Korean embassy in Chile to pay tribute to Jonghyun]. Huffington Post Korea (солонгос хэлээр). Архивласан огноо August 9, 2018. Татаж авсан: July 9, 2018.
  51. ↑ 故 ‘샤이니’ 종현 발인, 외교부와 전세계 팬들이 함께 추모 [The starting of the late Shinee's Jonghyun's funeral procession, the Ministry of Foreign Affairs and fans from all over the world cherish his memory]. Kukmin Ilbo (солонгос хэлээр). December 21, 2017. Архивласан огноо September 9, 2018. Татаж авсан: July 9, 2018.
  52. ↑ Jung, Se-yoon (December 21, 2017). 샤이니 종현 전세계적인 추모 분위기...방송사 자료화면 실수에 팬들 항의도 [Shinee's Jonghyun's world-wide memorial... Fans complain about mistakes in the broadcasting company's data]. Kookje (солонгос хэлээр). Архивласан огноо July 10, 2018. Татаж авсан: July 9, 2018.
  53. ↑ "Jonghyun: K-pop stars carry Shinee singer's coffin". BBC News. December 21, 2017. Архивласан огноо December 21, 2017. Татаж авсан: December 21, 2017.
  54. ↑ "K-pop stars carry Shinee singer Jonghyun's coffin after suicide". Channel News Asia. December 21, 2017. Архивласан огноо December 22, 2017. Татаж авсан: December 21, 2017.
  55. ↑ Herman, Tamar (December 21, 2017). "Shinee's Jonghyun Laid to Rest In Private Ceremony". Billboard. Архивласан огноо December 23, 2017. Татаж авсан: December 22, 2017.
  56. ↑ Han, Yong-hye (December 18, 2017). "작은 한숨 내뱉기도 어려운 하루를 보냈단 걸" 샤이니 종현, 그는… ["You spent a hard day to let out even a small sigh" Shinee's Jonghyun wrote...]. JoongAng Ilbo (солонгос хэлээр). Архивласан огноо December 25, 2017. Татаж авсан: August 6, 2020.
  57. ↑ Yoon, Sang-geun (December 19, 2017). 나인 소속사 대표 "나인, 故종현 끝까지 붙잡았지만"(인터뷰) [Nine's agency representative said, "Nine held onto the late Jonghyun until the end, but..." (interview)]. Star News (солонгос хэлээр). Архивласан огноо August 31, 2018. Татаж авсан: December 23, 2017.
  58. ↑ Nine9 (December 18, 2017). "Instagram post". Instagram. Архивласан огноо January 12, 2018. Татаж авсан: December 26, 2017.
  59. ↑ "Jonghyun's coffin carried by K-pop stars at funeral". Entertainment Weekly. December 21, 2017. Архивласан огноо December 22, 2017. Татаж авсан: December 21, 2017.
  60. ↑ "Jonghyun, Star K-Pop Producer And Singer, Dead At 27". NPR. December 18, 2017. Архивласан огноо December 24, 2017. Татаж авсан: December 25, 2017.
  61. ↑ Yan, Seto Kit (December 19, 2017). "Malaysian K-pop fans mourn the death of Jonghyun". Star 2. Архивласан огноо July 10, 2018. Татаж авсан: July 9, 2018.
  62. ↑ "Jonghyun fans take comfort in 'pearl aqua Moon' images". BBC News. December 21, 2017. Архивласан огноо December 24, 2017. Татаж авсан: December 25, 2017.
  63. ↑ Rutherford, Kevin (December 30, 2017). "Jonghyun, Shinee Debut on Social 50 Chart Following Singer's Death". Billboard. Архивласан огноо January 1, 2018. Татаж авсан: January 1, 2018.
  64. ↑ Kim, Mi-hwa (December 20, 2017). 정은지 "故 종현 비보에 눈물..건강한 연예계 됐으면.." [Jung Eun-ji: "Jonghyun's death made me cry... I wish the entertainment industry would be healthy."]. Star News (солонгос хэлээр). Архивласан огноо August 31, 2018. Татаж авсан: December 24, 2017.
  65. ↑ ［芸能］死亡のＳＨＩＮｅｅ・ジョンヒョンさん ソロ曲がチャート１位に [[Entertainment] Shinee Jonghyun's solo song is number one on the charts]. Yonhap News (Japanese хэлээр). December 19, 2017. Архивласан огноо December 25, 2017. Татаж авсан: December 24, 2017.{{cite news}}: CS1 maint: unrecognized language (link)
  66. ↑ Jeong, Jee-won (December 29, 2017). [공식입장] 故종현 'Lonely' 가온차트 2관왕, 마지막까지 화려했다 [The late Jonghyun's Lonely topped two Gaon charts, it was impressive until the end]. Osen (солонгос хэлээр). Архивласан огноо December 29, 2017. Татаж авсан: December 29, 2017.
  67. ↑ Park, Dong-seon (December 29, 2017). '세계적 아티스트의 유작, 차트재조명 되다' 故 샤이니 종현(JONGHYUN), 51주차 가온차트 주요 분야 점령 ['The legacy of a world-class artist, the chart is re-examined' Shinee's Jonghyun took over major areas of Gaon Chart in the 51st week]. RPM9 (солонгос хэлээр). Архивласан огноо December 29, 2017. Татаж авсан: December 29, 2017.
  68. ↑ Benjamin, Jeff (December 27, 2017). "Jonghyun & Shinee Music Returns to New Highs on the Charts After His Death". Billboard. Архивласан огноо December 28, 2017. Татаж авсан: December 28, 2017.
  69. ↑ Lee, Jae-hoon (January 19, 2018). [베스트셀러] 故 종현 '산하엽' 재출간 앞두고 1위 [[Bestseller] The late Jonghyun's 'Skeleton Flower' takes first place ahead of its re-release]. Newsis (солонгос хэлээр). Архивласан огноо July 10, 2018. Татаж авсан: August 6, 2020.
  70. ↑ Lee, Seung-min (January 25, 2018). 故 종현 소설책 베스트셀러 4위 진입...'나의 영어 사춘기' 1위 이어가 [The late Jonghyun's novel entered the bestseller list in the fourth week... 'My English Puberty' stays at number one]. Interview 365 (солонгос хэлээр). Архивласан огноо July 10, 2018. Татаж авсан: July 10, 2018.
  71. ↑ Hwang, So-young (December 21, 2017). '밤도깨비' 측 "故 종현, 촬영분 방송 NO…스페셜로 대체"[공식] ['Night Goblin': "The late Jonghyun's episode will not be broadcast... Replaced with a special" [Official]]. The Daily Sports (солонгос хэлээр). Архивласан огноо August 6, 2020. Татаж авсан: August 6, 2020.
  72. ↑ Kim, Jin-seok (December 24, 2017). 샤이니 측 "내년 日 공연, 신중히 생각하고 있어"[공식] [Shinee: "We're thinking carefully about next year's concert in Japan" [Official]]. The Daily Sports (солонгос хэлээр). Archived from the original on December 25, 2017. Татаж авсан: August 6, 2020 – via Naver.
  73. ↑ Lee, So-dam. [입장전문] 샤이니, 손편지 공개.."日공연 진행..종현과 함께란 생각" [[Full text] Shinee release handwritten letters..."Performance in Japan...I think I will be with Jonghyun"]. Osen (солонгос хэлээр). Архивласан огноо January 9, 2018. Татаж авсан: August 6, 2020 – via Naver.
  74. ↑ EXO、日本コンサートでSHINee ジョンヒョンさんを追悼「とても恋しく大好きです…永遠に忘れません」 [Exo mourns Shinee's Jonghyun at a Japanese concert "I love you so much... I will never forget it"]. KStyle News (Japanese хэлээр). December 23, 2017. Архивласан огноо December 24, 2017. Татаж авсан: December 23, 2017.{{cite news}}: CS1 maint: unrecognized language (link)
  75. ↑ 少女時代 テヨン、コンサート前にSHINee ジョンヒョンさんを追悼「私の声が聞こえるように歌います」 [Girls' Generation Taeyeon mourns Shinee's Jonghyun before concert "Sing so you can hear my voice"]. KStyle News (Japanese хэлээр). December 23, 2017. Архивласан огноо December 24, 2017. Татаж авсан: December 23, 2017.{{cite news}}: CS1 maint: unrecognized language (link)
  76. ↑ 東方神起、東京ドーム公演でSHINee ジョンヒョンさんに追悼のメッセージ「彼を忘れないで」 [TVXQ's message in memory of Shinee's Jonghyun at their Tokyo Dome performance "Don't forget him"]. KStyle News (Japanese хэлээр). December 22, 2017. Архивласан огноо December 24, 2017. Татаж авсан: December 23, 2017.{{cite news}}: CS1 maint: unrecognized language (link)
  77. ↑ 엑소-레드벨벳-NCT127 'R.I.P JH' 故종현 추모 [Exo, Red Velvet, NCT 127 'R.I.P JH' Late Jonghyun Memorial] (солонгос хэлээр). Star Korea - Hankook Ilbo. December 25, 2018. Архивласан огноо July 8, 2018. Татаж авсан: July 9, 2018.
  78. ↑ Ahn, Sung-hoo (December 26, 2017). [TD포토+] 엑소-레드벨벳-NCT127 '종현 추모하는 가슴팍 검은 리본 R.I.P JH' [Exo, Red Velvet, NCT 127 'Black Ribbon RIP JH on the chest in remembrance of Jonghyun']. TV Daily (солонгос хэлээр). Архивласан огноо January 5, 2018. Татаж авсан: January 14, 2018.
  79. ↑ Choi, Bo-ran (December 20, 2017). 故종현, 라디오로 다시 만난다…'푸른밤' 22일 추모방송 [The late Jonghyun will be met again on the radio... 'Blue Night' commemorative broadcast on the 22nd]. YTN (солонгос хэлээр). Архивласан огноо December 22, 2017. Татаж авсан: August 6, 2020 – via Nate.
  80. ↑ Herman, Tamar. "Shinee's Jonghyun Featured Posthumously on SM Entertainment Charity Single 'Dear My Family'". Billboard. Архивласан огноо December 31, 2017. Татаж авсан: 3 January 2017.
  81. ↑ Herman, Tamar (May 2, 2018). "SM Entertainment Shares New Statement About Shinee's Jonghyun's Memorial". Billboard. Архивласан огноо March 27, 2022. Татаж авсан: March 27, 2022.
"https://mn.wikipedia.org/w/index.php?title=Ким_Жун-хёнь_(дуучин)&oldid=794901"-с авсан