Кристин Лагард
Кристин Лагард | |
|---|---|
| Christine Lagarde | |
 Албан ёсны хөрөг, 2019 | |
| Европын Төв Банкны ерөнхийлөгч | |
| Албан тушаалаа авсан 2019 оны 11 сарын 1 | |
| Дэд ерөнхийлөгч | Луис де Гиндос |
| Өмнөх | Марио Драги |
| Олон Улсын Валютын Сангийн захирал | |
| Албан тушаал хашсан 2011 оны 7 сарын 5 – 2019 оны 9 сарын 12 | |
| Орлогч | |
| Өмнөх | Доминик Страусс-Кан |
| Дараах | Кристалина Георгиева |
| Эдийн засаг, санхүү, аж үйлдвэрийн сайд | |
| Албан тушаал хашсан 2007 оны 6 сарын 19 – 2011 оны 6 сарын 29 | |
| Ерөнхий сайд | Франсуа Фильон |
| Өмнөх | Жан-Луи Борлоо |
| Дараах | Франсуа Баройн |
| Хөдөө аж ахуй, загас агнуурын сайд | |
| Албан тушаал хашсан 2007 оны 5 сарын 18 – 2007 оны 6 сарын 19 | |
| Ерөнхий сайд | Франсуа Фильон |
| Өмнөх | Доминик Буссереау |
| Дараах | Мишел Барнье |
| Гадаад худалдааны сайд | |
| Албан тушаал хашсан 2005 оны 6 сарын 2 – 15 May 2007 оны 5 сарын 15 | |
| Ерөнхий сайд | Доминик де Вильепин |
| Өмнөх | Франсуа Фильон |
| Дараах | Херве Новелли |
| Хувийн мэдээлэл | |
| Төрсөн | Кристин Маделин Одетт Лагард 1 сарын 1, 1956 Парис, Франц |
| Улс төрийн нам | Нийтийн Хөдөлгөөний төлөө Эвлэл (2007–2011) |
| Бусад улс төрийн харьяалал | Европын Ардын Нам |
| Эхнэр, Нөхөр | Вилфрид Лагард (г. 1982; сал. 1992) |
| Хүүхэд | 2 |
| Боловсрол | Парис Вест Их Сургууль Нантер Ла Дефенс Улс Төр Судлалын Хүрээлэн, Ой-эн-Провенс |
| Гарын үсэг |  |
Кристин Маделин Одетт Лагард (Франц: Christine Madeleine Odette Lagarde, хуучин овог Лаллуэтт, Lallouette; 1956 оны 1 дүгээр сарын 1-нд Парис хотод төрсөн)[1] нь Францын төрийн зүтгэлтэн, хуульч бөгөөд 2019 оны 11 дүгээр сарын 1-нээс Европын Төв Банкны ерөнхийлөгчөөр 8 жилээр томилогдож ажиллаж байгаа эмэгтэй юм.
1981 оноос хойш 25 жил АНУ-ын Чикаго дахь дэлхийн алдартай «Baker & McKenzie» хуулийн компанид өмгөөлөгчөөр ажилласан.
2011-2019 онуудад Олон Улсын Валютын Сангийн захирлаар 8 жил ажилласнаас гадна нутагтаа Доминик де Вильепиний Засгийн газарт худалдааны сайдаар, Франсуа Фильоны засгийн газарт эдийн засаг, санхүү, аж үйлдвэрийн сайд (2008—2010) , мөн хөдөө аж ахуй, загас агнуурын сайдаар (2007—2008) ажиллаж байв. Лагард нь Их Наймын орнуудын эдийн засгийн сайдын албыг хашсан анхны эмэгтэй бөгөөд мөн ОУВС-гийн анхны эмэгтэй захирал юм.[2]
Хөдөлмөрийн хуульч Лагард олон улсын хуулийн фирм Бэйкэр энд Маккэнзигийн ерөнхийлөгчийн албан тушаалд хүрсэн анхны эмэгтэй болно. 2009 оны 11 сарын 16-нд Файнансиал Таймс сонин түүнийг Еврозоны хамгийн шилдэг сангийн сайдаар нэрлэж байсан удаатай.[3] Мөн 2009 онд Форбс сэтгүүл Лагардыг дэлхийн хамгийн хүчирхэг эмэгтэйчүүдийн жагсаалтад 17-рт бичсэн.[4]
Тэрээр өмнөх захирал Доминик Страусс-Кан бэлгийн халдлагын хэрэгт сэжиглэгдсэний улмаас албан тушаалаасаа огцорсны дараа 2011 оны 6 сарын 28-нд Олон Улсын Валютын Сангийн захирлаар 5 жилийн хугацаатай сонгогдож 2011 оны 7 сарын 5-наас үүрэгт ажилдаа оржээ[2][5][6]. 2016 оны 7сарын 5-нд уг албандаа өрсөлдөгчгүйгээр дахин сонгогдсон. 2016 оны 12 сард Францын шүүх түүнийг бизнесмен Бернар Тапитай холбоотой шүүх хуралд нөлөөлсөн гэмт хэрэгт буруутай гэж үзсэн боловч ямар нэгэн ял шийтгэл оноогоогүй. 2019 онд Форбс сэтгүүл түүнийг дэлхийн хамгийн хүчирхэг 100 эмэгтэйн нэгээр нэрлэжээ.
Тэрээр хоёр хүүтэй бөгөөд газрын теннис тоглох хоббитой.
Эшлэл
[засварлах | кодоор засварлах]- ↑ "Le Nouvel Economiste". Эх хувилбараас архивласан: 2011-08-28. Татаж авсан: 2011-07-07.
- ↑ 2.0 2.1 "IMF Executive Board Selects Christine Lagarde as Managing Director". Press Release. IMF. 28 June 2011. Татаж авсан: 28 June 2011.
- ↑ From Ralph Atkins, Andrew Whiffin and FT reporters. (16 October 2009). "FT ranking of EU finance ministers". Financial Times. Татаж авсан: 2 January 2010.
- ↑ (Англи) « The 100 Most Powerful Women », forbes.com
- ↑ "Lagarde wins IMF top job, presses Greece on crisis". Reuters. 28 June 2011. Татаж авсан: 1 July 2011.
- ↑ "Christine Lagarde named IMF chief". BBC News. 28 June 2011. Татаж авсан: 28 June 2011.
Цахим холбоос
[засварлах | кодоор засварлах]
Commons: Кристин Лагард – Викимедиа зураг, бичлэг, дууны сан
