Википедиа — Чөлөөт нэвтэрхий толь
Лерой Расселл Баррелл (Англи: Leroy Russel Burrell, 1967 оны 2 сарын 21-нд Пеннсилвани муж улсын Филадельфи хотод төрсөн) нь Америкийн Нэгдсэн Улсын хөнгөн атлетикч, 100 метрийн гүйлтийн 2 удаагийн дэлхийн дээд амжилтын эзэн юм. Тэрээр анх 1991 оны 6 сард 9.90 секундын үзүүлэлтээр дэлхийн дээд амжилт тогтоосныг мөн оны 9 сард болсон дэлхийн АШТ-ий үеэр Карл Льюис эвджээ. Тэр тэмцээнд Баррелл өөрийнхөө тэр амжилтыг ахиулсан боловч Льюисийг гүйцэлгүй мөнгөн медаль зүүсэн юм. Баррелл 1994 онд 9.85 секундын үзүүлэлтээр 2 дахь удаадаа дэлхийн дээд амжилтыг тогтоосон нь Атлантад болсон 1996 оны олимпод Донован Бэйли 9.84 секунд болгож ахиулах хүртэл хадгалагдсан билээ.
Америкийн Нэгдсэн Улс
