Магваны Бямбадорж

Магваны Бямбадорж (1950-2012) Монголын эстрадын дуучин, хуульч-өмгөөлөгч. Монголын хөгжмийн урлагийн түүхэнд цахилгаан хөгжимтэй эстрад хөгжмийн түүхийг бичилцсэн анхдагчдын нэг. 1950 онд Улаанбаатар хотод төрсөн. 1958 онд 1-р ангид орж, 1968 онд нийслэлийн 10 жилийн 2-р дунд сургуулийг төгссөн. 1968 онд МУИС-д элсэн орж, хуулийн мэргэжил эзэмшсэн, мэргэжлийнхээ дагуу ажиллаж байсан өмгөөлөгч.

1966 онд 8-р ангийн сурагч байхдаа З.Хангалын "Өвлийн үдэш" дууг анх дуулсан.

1968 оноос МУИС-ийн "Оюутны цахилгаан гитарын чуулга"-тай тухайн үеийн хит дуунуудыг дуулж байв.

1969 онд Монголын цахилгаан хөгжмийн улсын анхны чуулга, МРТУХ-ны Цахилгаан хөгжмийн чуулга (Төрийн соёрхолт "Баянмонгол" чуулга)-ын албан ёсны нээлтийн тоглолтод ая дуугаа өргөж тус чуулгатай хамтран ажиллаж "Нүдэн нуур", "Хавар болжээ хонгор минь", "Мөнгөн шөнө" зэрэг дууг дуулж Радиод бичүүлсэн нь Монголын Радиогийн Алтан фондод оржээ.

Уран бүтээл

• "Мөнгөн шөнө" (шүлэг С.Оюун, хөгжим Л.Батаа) [1] Жич: Бичлэгт "ая Л.Батаа" гэхийг "ая Баатарсүх" гэж ташаа бичжээ.
• "Нүдэн нуур" (шүлэг Ш.Шажинбат, хөгжим С.Баатарсүх) [2]
• "Хавар болжээ хонгор минь" (шүлэг Ц.Ринчинхорлоо, хөгжим Л.Батаа) [3]