Рэнцэнгийн Пүрвээ

Чөлөөт нэвтэрхий толь — Википедиагаас
Jump to navigation Jump to search
Рэнцэнгийн Пүрвээ
Төр. он 1933 он
Тө. газар Монгол улсын Булган аймгийн Тэшиг сум
Үндэстэн Монгол үндэстэн
Иргэн Flag of Mongolia.svg Монгол
Ажил эмч

Рэнцэнгийн Пүрвээ - БНМАУ-ын Төрийн шагналт, анхны Ардын Эмч, гэрлийн эмч.

Намтар[засварлах | edit source]

  • МУИС-ийн анагаахын салбарыг 1955 онд төгсч,
  • 1956 онд Булган аймгийн эмнэлэгт аппарат тавих болж түүний дамжаанд Москвад очиж дүрслэл оношлогооны чиглэлээр нэг жил суралцсан тэр цагаас хойш рентген аппарат, зургийн хальс, компьютер томографийн нарийн аппарат хэрэгсэлтэй нөхөрлөж гэрлээр эмгэг анатомийг олж харахад мэргэшсэн Монголын анхны эмч нарын нэг.
  • Москвагийн зүрх судасны төв институтэд 1964, 1968 онд,
  • Японы компьютер томографийн эмчийн дамжаанд 1986 онд суралцаж мэргэжлээ дээшлүүлжээ.
  • 1955-1956 онд Булган аймагт,
  • 1957-1961 онд Улсын төв эмнэлэгт,
  • 1961-1995 онд Анагаах ухааны хүрээлэнд эрдэм шинжилгээний ажилтан, Улсын клиникийн төв эмнэлгийн гэрлийн зөвлөх эмч,
  • 1995 оноос хойш зөвлөх эмчээр ажиллаж иржээ.
  • АУИС-д олон жил багшлахын сацуу гэрлийн эмч нарын 20-иод удаагийн дамжааг удирдаж төгсгөсөн, гэрлийн эмч нарын гол багш ажээ.

Уран Бүтээл[засварлах | edit source]

“Эмч нарын гарын авлага” ном бичиж хэвлүүлжээ.

Гавьяа Шагнал[засварлах | edit source]

  • БНМАУ-ын Төрийн шагнал /1981/ - Зүрх судасны мэс заслын аргыг эмнэлгийн практикт нэвтрүүлэх ажлыг амжилттай зохион байгуулж хэрэгжүүлсэн учир Т.Шагдарсүрэн нарын 5 хүний хамт
  • БНМАУ-ын анхны Ардын Эмч /1990-11-19. №32/