Сааб 340
| Сааб 340 | |
|---|---|
.jpg) | |
| Ерөнхий мэдээлэл | |
| Төрөл | Орон нутгийн нисэх онгоц |
| Хийцийн улс | Швед АНУ |
| Үйлдвэрлэгч | Saab AB Fairchild Aircraft |
| Статус | Үйлчилгээнд |
| Үндсэн хэрэглэгч | Rex Airlines |
| Үйлдвэрлэсэн тоо | 459 |
| Түүх | |
| Үйлдвэрлэсэн | 1983–1999 |
| Ашиглалтад авсан | 1984 |
| Анхны нислэг | 1983 оны 1 сарын 25 |
| Хувилбар | Saab 340 AEW&C |
| Хөгжүүлсэн загвар | Saab 2000 |
Сааб 340（Saab 340）нь хоёр хөдөлгүүртэй богино зайны иргэний тээврийн онгоц бөгөөд нийт 33-аас 37 зорчигчийн суудалтай. Шведийн Сааб болон Америкийн Фэйрчайлд хоёр онгоц үйлдвэрлэгч компани 65:35-ийн харьцаатайгаар хөрөнгө оруулан зохион бүтээсэн. 1983 онд анхны нислэгээ хийж амжилттай болсон ч нэр нь SF340-аас 340A болж өөрчлөгдсөн байна. Түүний дараагаар 340B гэсэн дараагийн загвар нь 1989 онд гарсан байна. Хөдөлгүүрийн шинэчлэл болон далавчийн хэмжээнд өөрчлөлт оруулжээ. 1995 онд дахин сайжруулсан альфа Б гэсэн загварыг гаргасан ч, удалгүй буюу 1999 онд тус онгоцны үйлдвэрлэлийг зогсоожээ. Нийт 500 гаруй онгоц үйлдвэрлэгдсэн ажээ. Мөн 340-ийг зорчигч тээвэрлэх чадлыг нь ихэсгэсэн Сааб 2000 бас бий.
Тус онгоцны давуу тал нь гэвэл ердөө 1200 м-ийн зайд газраас хөөрч буух чадалтай гэнэ.
Манай улсад 2006 оны 6-н сарын 7-нд агаарын тээврийн Изинис Эйрвэйз компани Сааб 340B-г 3 ширхэгийг Америкаас оруулж ирсэн. Тус онгоцууд нь 1992-1995 оны загвар бөгөөд Техас мужид Американ Ийгл (American Eagle) компанид нислэг үйлдэж байжээ. Дотоодын нислэгт ашиглагдах энэ онгоц нь монголын цаг уурт зориулан тусгай тоноглол: FMS, EGPWS, Gravel Kit, Heating System, Stand Alone GPS, ELT зэргийг хийлгэсэн гэнэ. Мөн GE CT7-9B маркийн хөдөлгүүртэй, Hamilton Sundstrand сэнстэй. Одоо эдгээр онгоцууд дотоодод Улаанбаатраас Мөрөн, Чойбалсан, Баянхонгор, Даланзадгад, Улаангом, Ховд хотуудад нисч байна.
Тус онгоцыг ашигладаг улсууд
[засварлах | кодоор засварлах]- Америк (Colgan Air, Mesaba Airlines, American Eagle Airlines, Pen Air, RegionsAir)
- Австрали (Rex, Macair Airlines)
- Мексик (Aerolitoral)
- Шинэ Зеланд (Air Nelson)
- Британи (Loganair)
- Япон (Japan Air Commuter, Хоккайдо Эашистем, Далайн эргийн хамгаалалтын алба)
- Канад (Calm Air, Transwest Air, Quebec Air Express)
- Швед (Golden Air, Шведийн батлан хамгаалах яам)
- Румын (Carpatair)
- Монгол (Изинис Эйрвэйз)
Үзүүлэлтүүд
[засварлах | кодоор засварлах]- Нисгэгчийн тоо：2
- Зорчигчийн тоо：30-34
- Нэг удаад туулах зам:1,735km
- Далавчийн урт： 21.44m (70ft 4in)
- Урт： 19.73m (64ft 9in)
- Өндөр： 6.97m (22ft 11in)
- Хурд：522 km/h
- Хөдөлгүүр： GE компани CT-7-9A/9B загварын турбо хөдөлгүүр 2 талдаа
- Цахилгаан：1,870 shp
- Онгоцны хөдөлгүүр： Dowty Rotor эсвэл Hamilton Standard (Нийт голч нь 132in, сэнсний 4 алгатай)
- Хамгийн дээд даацын жин： 13,155 kg
