Сабах Ал-Ахмад Ал-Жабер Ал-Сабах

Чөлөөт нэвтэрхий толь — Википедиагаас
Jump to navigation Jump to search
Эрхэм дээд Шейх
 IV Сабах Ал-Ахмад Ал-Жабер Ал-Сабах
صباح الأحمد الجابر الصباح


Одоо хашиж буй
Албаа хүлээн авсан;
2006 оны 1 сарын 29
Өмнөх Саад Ал-Абдуллах Ал-Салим Ал-Сабах

Албан тушаал хашсан
2003 оны 7 сарын 13 – 2006 оны 1 сарын 29
Хаан Жабер Ал-Ахмад Ал-Жабер Ал-Сабах
Саад Ал-Абдуллах Ал-Салим Ал-Сабах
Өмнөх Саад Ал-Абдуллах Ал-Салим Ал-Сабах
Дараах Нассер Ал-Мохаммед Ал-Ахмед Ал-Сабах

Төрсөн 1929 оны 6 сарын 16 (1929-06-16) (90 настай)
Шашин Ислам

Шейх IV Сабах Ал-Ахмад Ал-Жабер Ал-Сабах (Араб: صباح الأحمد الجابر الصباح Sabāh al-Ahmad al-Jābir as-Sabāh; 1929 оны 6 сарын 16-нд төрсөн) нь Кувейтын эмир юм. 2006 оны 1 сарын 29-нд Кувейтын Үндэсний Ассемблейн баталснаар хаан ширээнд заларчээ. Тэрээр Шейх Ахмад Ал-Жабер Ал-Сабахын 4 дэх хүү бөгөөд одоо эрх баригч Ал-Сабахын гэр бүлийн тэргүүн юм.

Хувийн амьдрал[засварлах | edit source]

Тэрээр 1930-аад онд Ал Мубаракя сургуульд элементар боловсрол олж аваад, цааш гэрийн багшаар заалган боловсрол эзэмшжээ. Өмнөх эмир, эцэг нэгтэй ах Жабер Ал-Ахмад Ал-Жабер Ал-Сабах нь угсаа залгамжлах хунтайж Саад Ал-Абдуллах Ал-Салим Ал-Сабахын оронд түүнийг 2003 оны 7 сард ерөнхий сайдаар тохоон томилжээ. Түүнээс өмнө Сабах 1963 оноос 2003 оныг хүртэл 40 жил Гадаад харилцааны сайдын албыг хашиж, дэлхий дээр уг албыг хамгийн удаан хашсан хүмүүсийн нэг байлаа.

Түүний эхнэр Шейха Фитоох нь 1990 оны 8 сард, Иракийн халдлагын өмнөхөн нас нөгчжээ. Тэрээр 4 хүүхэдтэй байсан бөгөөд охин Шейха Салва нь 2002 оны 7 сард хөхний хорт хавдраар, хүү Шейх Ахмед нь 1969 онд автомашины ослоор нас нөгчсөн. Сабах охиныхоо дурсгалд зориулж, өөрийн ордноо "Дар Салва" буюу "Салвагийн ордон" гэж нэрлэжээ. Нөгөө 2 хүү нь Шейх Нассер (Шүүхийн сайд), Шейх Хамед нар болно.

Угсаа залгамжилсан нь[засварлах | edit source]

АНУ-ын дэд ерөнхийлөгч Дик Чени эмирийг нас барсантай холбогдуулж, эмгэнэл илэрхийлэхээр ерөнхий сайд Шейх Сабах Ал-Ахмад Ал-Жабер Ал-Сабахтай уулзаж буй нь. 2006 он.

2006 оны 1 сарын 15-нд Шейх Жабер Ал-Ахмад Ал-Жабер Ал-Сабах нас барж, угсаа залгамжлах хунтайж Шейх Саад эмир болсон. Гэвч тус улсын үндсэн хуульд зааснаар эмир нь парламентийн өмнө тангараг өргөснөөр албан ёсоор хаан ширээнд залрах ёстой байдаг. Гэтэл Шейх Саад тангаргийн үгээ бүтнээр нь унших чадваргүй болсон байв. Зарим эх сурвалж түүнийг Альцхаймерын өвчин, эсвэл түүнтэй төстэй өвчин тусч, ярих чадваргүй (дор хаяж хэсэг хугацаагаар) болсон гэж мэдээлж байлаа[1]. Эрх баригч гэр бүлийн бусад гишүүд ятгасны дүнд 2006 оны 1 сарын 23-нд Шейх Саад Ал-Абдуллах Ал-Салим Ал-Сабах Кувейтын шинэ эмир болох эрхээсээ өвчний учир татгалзав. Ийнхүү гэр бүлийн гишүүд Шейх Сабах Ал-Ахмадыг Кувейтын шинэ эмир болгохоор сонгожээ. 2006 оны 1 сарын 24-нд парламент үүрэгт ажлаасаа татгалзсан албан ёсны захидал хүлээн авахын өмнөхөн Эмир Саадыг албан тушаалаас нь огцруулахаар санал өгсөн[2]. Кувейтын засгийн газар Шейх Сабахыг эмир болгох санал оруулж, парламент дэмжсэнээр 2006 оны 1 сарын 29-нд Шейх Сабах Кувейтын шинэ эмир болжээ.

Эшлэл[засварлах | edit source]

  1. The Estimate: The Kuwait Succession Crisis and the New Leadership, retrieved on Dec 7, 2006
  2. CNN.com: PM set to become new Kuwait emir, retrieved on Dec 7, 2006