Санжаагийн Өлзийхүү

Чөлөөт нэвтэрхий толь — Википедиагаас
Jump to navigation Jump to search
Санжаагийн Өлзийхүү
Хувийн танилцуулга
Төрсөн он1967 оны арванхоёрдугаар сарын 18
Төрсөн газарУлаанбаатар
Яс үндэсХятад үндэстэн
Улсын иргэнFlag of Mongolia.svg Монгол (БНМАУ → МУ)
Ажил үйлжүжигчин
Жүжигчний танилцуулга
Тайзны нэрӨлзийхүү
Төрөлхошин үзэгдэл, УСК, жүжиг
Танил үе1990-ээд он — одоо
Төгссөн ньСоёл Урлагийн Их Сургууль (1992)
Алдар цол
Төр нийгмийн шан
Монгол улсын гавьяат жүжигчин
Монгол улсын соёлын тэргүүний ажилтан

Санжаагийн ӨлзийхүүМонголын хошин урлаг, тайз, дэлгэцийн жүжигчин.

Намтар[засварлах | edit source]

Монгол Улсын Гавьяат жүжигчин С.Өлзийхүү 1967 оны арванхоёрдугаар сарын 18-нд Улаанбаатар хотод нисгэгч Санжаасүрэнгийн ганц охин болон мэндэлжээ. Тэрбээр багадаа эцэг, эхээсээ өнчирч үлдэн, нагац эмээ дээрээ өссөн байна. С.Өлзийхүү санаашрамтгай, мөрөөдөмтгий, элдвийг эргэцүүлэн боддог, дуулах дуртай охин байжээ. Тэр жүжигчин бус эмч болохыг мөрөөддөг байжээ.

С.Өлзийхүү 1985 онд нийслэлийн 24 дүгээр дунд сургуулийг төгсөөд АУДС-д элсэхээр уралдаант шалгалтад орсон боловч тэнцээгүй тул сувилагч мэргэжлийг сонгожээ. Тэрбээр 1987 онд АУДуС-ийг “онц” дүнтэй төгсөөд Клиникийн нэгдүгээр эмнэлгийн сэхээн амьдруулах тасагт гавьяат эмч Лхагважавын удирдлаган дор ажлын гараагаа эхэлжээ. Дуулж, хөгжимдөх авьяастай, урлаг, уран сайхны арга хэмжээнд оролцож явдаг залуухан сувилагч бүсгүй “Бүх ард түмний урлагийн наадам”-аас мөнгө, хүрэл медаль хүртэж байв. Түүнийг жүжигчний мэргэжил эзэмшихэд авьяасаас нь илүү дунд сургуулийн найз О.Энхтуулынх нь ятгалга нөлөөлсөн гэдэг.

1992 онд СУИС-ийн кино драмын факультетыг драмын жүжигчний мэргэжлээр төгссөн улаан дипломтой жүжигчин бүсгүй Үндэсний Жүжгийн Академик театрт жүжигчнээр хуваарилагдаж, урлагийн алтан тайзнаа хөл тавьжээ. Борис Немцовын “Өглөөний тэнгэрийн одод” жүжгийн Лора түүний анхны "албан ёсны" дүр байсан бөгөөд түүнээс хойш В.Шекспирийн “Ромео Жульетта”, Г.Лоркагийн “Хүслийн таранвай”, С.Маршакийн "Буудлын авхай" зэрэг 30-аад жүжиг, "Их хааны удам", “Цахилж яваа гөрөөс”, “Хааны сүүлчийн хатан”, “Эзэнгүй айл”, “Ядуугийн зовлон”, “Бүтэлгүй новш” зэрэг 20 гаруй киноны гол болон туслах дүрд тогложээ.

Түүнчлэн хошин урлагийн ууган хамтлагуудын нэг “Өнгөт инээд”-ийн уран бүтээлийг түүнгүйгээр төсөөлөшгүй. Тэрбээр “Азтай бадарчин” алтан цомын эзэн уран бүтээлч юм. Үзэгчдэд инээд бэлэглэх буянтай үйлсэд зүтгэж яваа авьяаслаг, дайчин жүжигчин юм. "Өнгөт инээд" продакшн нэрээ сольж, шинэ инээдийг бэлэглэхээр шийдэж "Шилдэг өнгө" нэртэй болсон бөгөөд "Дурлалын сум" нэртэй цоо шинэ киногоо үзэгчдийн хүртээл болгохсон байдаг.

Цол, шан[засварлах | edit source]

  • _____ он — Монгол Улсын Соёлын тэргүүний ажилтан
  • 2019 он - Монгол улсын гавьяат жүжигчин

Эх сурвалж[засварлах | edit source]

"Өнгөт инээд" хамтлагийг үүсгэн байгуулагч, түүний хамтлагаас "Маск" продакшн бие дааж гарч ирсэн.

Хань Ц.Хүсэлбаатар найруулагч мэргэжилтэй "Өнгөт инээд" болон шинээр мэндэлсэн "Шилдэг өнгө" продакшны бүх хошин урлагийн тоглолт болон дэлгэцийн бүрэн хэмжээний киног найруулсан.