Трамп цамхаг
Трамп цамхаг (англи. Trump Tower) -Нью-Йорк хот дахь 68 давхар тэнгэр баганадсан барилга (өндөр нь 202 м). Нью-Йорк хотын 5-р өргөн чөлөө, 56-р гудамжийн уулзварт байрладаг. Төрөл бүрийн хэлбэрээр (оффис, дэлгүүр, зочид буудал, тансаг зэрэглэлийн орон сууц) ашигладаг. Энэхүү тэнгэр баганадсан барилгыг Доналд Трамп болон “Equitable Life Assurance” компани хамтран барьсан. Барилгын ажил 1983 оны 11-р сарын 30-нд дууссан.
2006 онд Forbes сэтгүүл Трамп цамхагийг 288 сая доллараар үнэлсэн байна.
2015 оны 6-р сарын 16-нд Доналд Трамп энэхүү өөрийн цамхагтаа ерөнхийлөгчийн сонгуульд өрсөлдөхөө зарласан. 2016 оны 11-р сарын 9-нд "Трамп цамхагт" Доналд Трамп АНУ-ын Ерөнхийлөгчийн сонгуульд ялснаа мөн зарласан байна.
2017 оны 1-р сарын 11-нд Трамп АНУ-ын 45 дахь Ерөнхийлөгчөөр сонгогдоод анхны хэвлэлийн бага хурлаа хийсэн түүхтэй.