Хайнц Гудериан

Хайнц Гудериан
Хайнц Гудериан
	1888 оны 6 сарын 17 – 1954 оны 5 сарын 14; (65 насалсан)
	;
Хоч	Шнеллер Хайнц
Төрсөн газар	Кулм, Баруун Прусс
Нас барсан газар	Швангау, Аллгеу
Эх орон	Германы Эзэнт Гүрэн (1918 он хүртэл); Ваймарын Бүгд Найрамдах Улс (1933 он хүртэл); Нацист Герман
Албан үүргийн он жилүүд	1907 – 1945
Цол	Генералоберст
Цэргийн удирдах албан тушаал	2. Панцер Дивиз, XVI. Армийн Корпус, XIX. Армийн Корпус, Панцергрупп Гудериан, Панцергрупп 2
Тулалдаанууд/дайнууд	Дэлхийн нэгдүгээр дайн; Дэлхийн хоёрдугаар дайн
Шагналууд	Ritterkreuz des Eisernen Kreuzes mit Eichenlaub

Хайнц Вильхельм Гудериан (Герман: Heinz Wilhelm Guderian, 1888 оны 6 сарын 17 – 1954 оны 5 сарын 14) нь Дэлхийн хоёрдугаар дайны үеийн Германы Армийн генерал, цэргийн онолч, шинэчлэгч юм. Германы панцер хүчин нь түүний бүтээлүүд, ялангуяа Ахтунг – Панцер!-т үндэслэж бий болж, хөгжсөн билээ. Тэрээр Панцер Корпусын командлагч, Панцер Армийн командлагч, Зэвсэгт Хүчний зааварлагч-генерал, Армийн Штабын даргаар (Chef des Generalstabs des Heeres) ажиллаж байв. Гудериан 1940 оны 7 сард генерал (General der Panzertruppe) цол хүртэж, хожим хошууч генерал буюу Генералоберст болжээ. Тэрээр мөн Германы Ерөнхий Штабын даргын албыг хашиж байлаа.

Дэлхийн нэгдүгээр дайн ба амьдрал

Гудериан Баруун Пруссын(west prussia) Кулм хотод Фридрих болон Клара нарын хүү болж төржээ.Түүний эцэг,өвөө нь Пруссын офицер байсан тул цэргүүдээр хүрээлэгдэн өсөв.1903 онд тэр гэрээ орхиж цэргийн сургуульд элсжээ.Сайн сурагч байсан ч сүүлийн шалгалтандаа унасан байна.1907 оны 2 сарын 28нд эцгийнх нь удирдлаган дор байсан 10 дугаар Хановерийн хөнгөн явах цэргийн батальонд(Hannoversche Jäger-Bataillon Nr. 10) оржээ.Тэрээр 1908 оны 1 сарын 27нд 2-р дэслэгч болж, 1906 оны 6-р сарын 22-ны өдөр патентаа хүлээн авав.1913 оны 10 сарын 1нд Маргарет Гёрнетэй гэрлэж хоёр хүү төрүүлэв.Хайнц Гунтер(1914-2004) ба Курт(1918-1984).

Дэлхийн 1р дайн эхлэхэд Гудериан харилцаа холбооны офицер ба радио станцын командлагчаар ажиллаж байв.1914 оны 11р сард 1р дэслэгч болов.1915 оны 5 сараас 1916 оны 1 сарын хооронд Гудериан 4р армийн дохионы тагнуулыг хариуцаж байв.Энэ үед тэр Вердуний тулаанд оролцож 1915 оны 11 сарын 15нд ахмад цол хүртжээ.Дараа нь 14-р явган цэргийн дэглэмийн хоёрдугаар батальоны командлагч болохоос өмнө 4-р явган цэргийн дивизэд илгээгджээ.918 оны 2-р сарын 28-нд Гудериан Жанжин штабын корпуст томилогдов. Гудериан эзлэгдсэн Италид үйл ажиллагааны офицероор дайныг дуусгасан. Тэрээр Германы эзэнт гүрэн тэмцлээ үргэлжлүүлэх ёстой байсан гэж үзэн 1918 онд эвлэрлийн гэрээ байгуулсантай санал нийлэхгүй байв.