Хэнри Киссинжер

Чөлөөт нэвтэрхий толь — Википедиагаас
Jump to navigation Jump to search
Хэнри Киссинжер AНУ-ын гадаад хэргийн сайд байхдаа, 1973 он

Хэнри Альфред Киссинжер- (герм. Heinz Alfred Kissinger - Хайнц Альфред Киссингер, 1923 оны 5 сарын 27-нд Германы Фюрт хотод төрсөн) нь АНУ-ын төрийн зүтгэлтэн, дипломат, олон улсын харилцааны шинжээч. 1969-1975 онуудад АНУ-ын Үндэсний Аюулгүй байдлын асуудал эрхэлсэн Зөвлөх, 1973-1977 онуудад АНУ-ын төрийн нарийн бичгийн дарга. Парисын Энхтайвны Хэлэлцээр байгуулсантай холбогдуулж 1973 онд Нобелийн Энхтайвны шагнал хүртсэн.

1969-1977 онуудад тэрээр АНУ-ын гадаад бодлогод томоохон үүрэг гүйцэтгэсэн. АНУ, ЗХУ-ын хоорондох харилцааг сэргээх үйл ажиллагааг санаачилж, АНУ-ын Ерөнхийлөгч Р.Никсоны үед АНУ-ын БНХАУ-тай харилцааг "сайжруулах" асуудлыг боловсруулж хэрэгжүүлсэн америкийн дипломат юм. “Вьетнамын дайнд” эцэс болгох Парисийн энхийн Хэлэлцээрийг байгуулахад оролцсон зэрэг тэр үеийн АНУ-ын Гадаад бодлогыг тодорхойлогч гол хүний нэг байсан.

Намтар[засварлах | edit source]

Хэнри Киссинжер Германд бага сургуулийн багш Луис Киссингер /1887-1982/ гэрийн эзэгтэй эх Паула Штерн Киссингер нарын еврей гэр бүлд ууган хүү болж төрсөн. Түүнийг төрөхөд нь анх Хайнц Альфред Киссингер гэж нэрлэдэг байсан гэтэл еврейчүүд нацистуудад мөрдөн мөшгүүлж байсан тул Киссингерийнхэн АНУ руу 1938 онд дүрвэж Нью-Йорк хотод амьдарч эхэлэхдээ өнөөгийн Хэнри Альфред Киссинжер гэж нэрээ авсан байна.  

Х.Киссинжер бага сургуулиа дүүргээд дунд сургуульд сурч байхад нь 1943 онд цэрэгт татсан бөгөөд тэр жил мөн Америкийн иргэн болжээ. Дэлхийн хоёрдугаар дайны үеэр Германы фронтод герман хэлтэй тул америкийн цэргийн тагнуулын салбарт ажиллаж байжээ.

Х.Киссинжер Харвардын Их сургуульд 1950 онд бакалавр, 1952 онд магистр, 1954 онд Доктор хамгаалсан байна.

1955-1956 онуудад Олон улсын харилцааны Зөвлөл гэх америкийн хувийн байгууллагын гадаад бодлого, цөмийн зэвсэг судлалын төвийн захирал байсан.

1956-1958 онуудад "Ах дүү Рокфейлеруудын Сан" (англ. Rockefeller Brothers Fund)-гийн тусгай судалгааны төслийн захиралаар ажилласан.

1958 онд Харвардад Олон улсын харилцааны Төв (англ. Center for International Affairs), байгуулагдахад захиралын туслахаар ажиллаж эхэлсэн. Тус Төв тусгай улс төр, дипломат асуудлыг шийдвэрлэх мэргэжилтнүүд бэлтгэж эхэлсэн. Х.Киссинджер энэ албан тушаалд 1960 он хүртэл байхдаа улс төрчид-эрдэмтэн судлаачдыг хооронд нь холбож уяалдуулахад ихэхэн үүрэг гүйцэтгэсэн.

Өнөөдөр олон улсын зөвлөх "Kissinger Associates" компанийг тэргүүлж байна.

Х.Киссинжерийн алдарт "Дипломат ажиллагаа" /Diplomacy/ номыг 2000 онд ахмад дипломатч Д.Чулуундорж монгол хэлнээ орчуулсан байна.

Цахим холбоос[засварлах | edit source]

 Commons: Henry Kissinger – Викимедиа зураг, бичлэг, дууны сан