Цэрэндуламын Сэвжид

Чөлөөт нэвтэрхий толь — Википедиагаас
Jump to navigation Jump to search
Цэрэндуламын Сэвжид
Төр. он 1916 он
Тө. газар Монгол улсын Дорноговь аймгийн Хатанбулаг сум
Нас бар. 1984 оны 7 сарын 23
      (68 насалсан)
Үндэстэн Монгол үндэстэн
Иргэн Flag of Mongolia.svg Монгол
Ажил Бүжиг дэглэч
Хүүхэд Сүхбаатар

Цэрэндуламын Сэвжид - БНМАУ-ын Ардын Жүжигчин, Төрийн шагналт, XX зууны манлай бүжиг дэглэгч.

Намтар[засварлах | edit source]

Багадаа нутгийнхаа Толийн хийдэд шавилан сууж бурхны шашны ном үзэнгээ цамд бүжиглэж байсан энэ хүн ардын бүжгийн урлагийг сонгодог хэлбэрээр баяжуулж хөгжүүлэхэд амьдралаа зориулсан байна.

Ажилласан байдал[засварлах | edit source]

1936-1939 онд Дорноговь аймгийн клубт жүжигчин,
1939-1946 онд цэргийн театр, ансамблийн бүжигчин,
1946-1959 онд Улсын төв театрт, Ховд, Баян-Өлгий аймгийн театрт бүжигчин, бүжгийн багш,
1959 оноос хойш нас бартлаа УАДБЧ-д бүжиг дэглэгчээр ажилласан.

Бүтээлүүд[засварлах | edit source]

Үндэсний бүжгийн урлагийг хөгжүүлэх хэрэгт 50 шахам жилийн хүч хөдөлмөр, авьяас билгээ зориулж “Мандухай цэцэн хатан”, “Шарай голын гурван хаан”, “Учиртай гурван толгой” зэрэг 10 гаруй дуурь, хөгжимт драмын жүжгийн бүжиг, “Партизан”, “Хүүхэлдэй”, “Адуучин”, “Хатад”, “Хөдөө нутгийн залуус”, “Эрдэнэт”, “Ээрүүлт” зэрэг 200 шахам бүжиг дэглэж, төв, орон нутгийн театр, чуулга, соёлын ордны урын санг баяжуулжээ. “Гөөлөө”, “Саальчин”, “Жалам хар”, “Агсал-цацал” бүжиг нь ДЗО-ны их наадмын шагнал хүртсэн байна.

Гавьяа Шагнал[засварлах | edit source]

“Монгол бүжгийн чуулга”, “Ээрүүлт”, “Халх бүжиг”-ээрээ төрийн шагнал хүртжээ. Хөдөлмөрийн гавьяаны улаан тугийн одон, Цэргийн болон Хөдөлмөрийн хүндэт медаль, ойн хүндэт медалиудаар шагнагджээ.

Хүү С.Сүхбаатар нь Төрийн шагналт, бүжиг дэглэгч.