Цэцэнгоо

Чөлөөт нэвтэрхий толь — Википедиагаас
Jump to navigation Jump to search
Цэцэнгоо
Төрсөн нэрᠰᠡᠴᠡᠩᠭ᠋᠋ᠣᠣ᠎ᠠ (сичинггуу-а)
Төрсөн өдөр1950 оны 1 сарын 19 (1950-01-19) (68 настай)
Төрсөн газарХятад улсын Гуандун
мужийн Гуанжоу хот
Яс үндэсмонгол үндэстэн
Улсын иргэнХятад улсХятад улс Хятад (анх)
ШвейцариШвейцари Швейцари (1986 оноос)
Ажил үйлжүжигчин
ТөрөлУСК, ОАК
Танил үе1970 он — одоо
Алдар цол
Ажил мэргэжлийн шан
Хонконгийн кино шагнал
«Шилдэг эмэгтэй жүжигчин» (1984)
«Шилдэг эмэгтэй жүжигчин» (2007)

Цэцэнгоо[1] (1950 онд төрсөн, 斯琴高娃, Siqin Gaowa) — Хятадын жүжигчин, монгол хүн, Швейцарын иргэн.

Намтар, урлаг[засварлах | edit source]

Цэцэнгоо 1950 онд Хятад улсын Гуандун мужийн Гуанжоу хотод монгол хүний үр болон төрсөн. 1955 онд эцгийнхээ нутаг Улаанхад аймгийн Нинчэн шяньд ирж суужээ.[2] 1964 онд ӨМӨЗО-ы Дуу бүжгийн чуулгад бүжигчнээр элсч улмаар хөтлөгч болж арван таван жил болов.

1979 онд «Харих сэтгэл жигүүртэй» кинонд тоглож шагнуулснаас эхлэн кино жүжигчин болсон. 1984 онд «Урсан өнгөрч буй он жил» кинонд тоглосноор Хонконгийн кино шагналаас шилдэг эмэгтэй жүжигчнээр шалгарч байв.[3] 2007 онд тэр шагналыг дахин хүртсэн. 2001 онд «Энх Амгалангийн төр» олон бүлэгт киноны Хаш хатан эхийн дүрийг бүтээсэн нь Монгол улсын үзэгч олонд хүрсэн.

Нөхөр, улс[засварлах | edit source]

1968 онд гэрлэсэн. 1976 онд салахад нөхөр нь хүүгээ авсан бол охин нь Цэцэнгоотой үлдсэн.[4] 1986 онд одоогийн нөхөр хөгжимчин Чэн Ляньшэньтэй цуг Швейцар улсын иргэн болсон.[5] Гэхдээ ажил мэргэжил, нутаг усны хүсэлт, шаардлагаар Хятадад олон ирдэг.

Зүүлт, тайлбар[засварлах | edit source]

  1. Цэцэнгоо, аль эсвэл Сэцэнгоо, Цэцэнгуа, Сэцэнгуа, Сичингуа, Сичингоо.
  2. «Солонго» сүлжээ. Алдарт жүжигчин Цэцэнгоо
  3. mongol.cri.cn — Кино жүжигчин Цэцэнгоо
  4. Photo: Siqingaowa with his first ex-husband.
  5. Review Third marriage Siqingaowa: play "Tigress" lead to family breakdown.

Гадаад холбоос[засварлах | edit source]