Чонжун ван

Чонжун ван И Бангва (солонгос: 이방과; ханз: 李芳果) (1357 оны 7 сарын 1 – 1419 оны 9 сарын 26) нь 1398-1400 он хүртэл Чусонь улсыг удирсан ван юм бөгөөд тус улсыг үндэслэгч И Сонгегийн хоёр дахь хөвүүн. Тэрээр төрийн эргэлт гаргаж төрсөн эцгээ вангийн сууринаас нь түлхэн унагаж өөрөө улсын ван болсон. Гэвч 1400 онд дүү И Пань Вон буюу ирээдүйн Тэжун ванд эрх мэдлээ шилжүүлж, алс хөдөө нутагт амьдарч 1419 онд таалал төгссөн.

Товч тойм[засварлах | кодоор засварлах]

Тэрээр 1357 онд И Сонге жанжны анхны эхнэр Хан овогтноос төрсөн. Курё улсын сүүл үед эцгийн хамт дайн тулаанд оролцож байж, 1392 онд эцэг жанжин нь улсын ван болох үед Ёнань гүнь (영안군; 永安君) цол хүртсэн. Түүний эцэг ван бээр анхны эхнэрийн зургаан хөвүүдээс залгамжлагчаа сонголгүй, хоёр дахь эхнэрийн бага хөвүүн И Бансокыг Жон Дужон тэргүүтэй түшмэдийн ятгалгаар сонгосон нь гэр бүл дотроо эрх мэдлийн төлөө тэмцэл үүсэх эхлэлийг тавьсан. 1398 онд Тэжу вангийн бие өвчинтэйг ашиглаж тавдугаар хөвүүн Жон Дужон нарын түшмэд өмнөх эхнэрээс төрсөн хөвүүдийг алахаар хуйвалдаж байгааг И Банвон дүү нь мэдэж, төрийн эргэлт хийн Жон Дужон нарын түшмэд, И Бансок дүүгээ алж, ах И Бангваг залгамжлагч болгуулжээ. Тус ондоо Тэжу ван эрх мэдлээ хөвүүндээ шилжүүлснээр И Бангва нь Чосон улсын хоёр дахь ван болсон юм.

Тэрээр ван болсны дараа нийслэл хотыг Хансон руу нүүлгэсэн эцгийнхээ зарлигийг цуцлан буцаан Кэгён руу шилжүүлсэн. 1400 онд түүний хоёр дүү И Банвон, И Банган нар дараагийн залгамжлагч болохын төлөө байлдахад И Банвоны тал ялалт байгуулан, И Банган болон ардаас нь турхирсан жанжин Пак Бо зэрэг түшмэдийг яллан шийтгэжээ. Энэ явдлаас удалгүй тэрээр вангийн сэнтийгээ дүү И Банвонд шилжүүлж, огцорсон ван (тайшан ван) болсон. 1419 онд Кэсон хотод нас барсны дараа Хүнын (후릉) бунханд нутаглуулсан. Таалал төгссөний дараа "Гунжон ыимүнь жанмү онинь сүньхё дэ ван" (공정의문장무온인순효대왕; 恭靖懿文莊武溫仁順孝大王) гэж нэхэн өргөмжлөөд, дээдсийн сүмд тахих цолыг "Чонжун" (정종; 定宗) гэхээр болов.

Гэр бүл[засварлах | кодоор засварлах]

Хатад, хүүхэд:

  1. Кёнжу Ким овгийн Жонань хатан (정안왕후 김씨) (1355 – 1412)
  2. Чүнжү Жи овгийн Сонбин татвар эм (성빈 지씨)
    1. И Хүсэйн, Докчон гүнь (덕천군 이후생) (1397 – 1465), 10-р хөвүүн
    2. И Малсэйн, Допён гүнь (도평군 이말생) (1402 – ?), 12-р хөвүүн
  3. Чүнжү Жи овгийн Сүг-ый татвар эм (숙의 지씨)
    1. И Вонсэйн, Ыпён гүнь (의평군 이원생) (1391 – 1461), 1-р хөвүүн
    2. И Мүсэйн, Сонсон гүнь (선성군 이무생) (1392 – 1460), 4-р хөвүүн
    3. И Хосэйн, Имсон гүнь (임성군 이호생), 11-р хөвүүн
    4. Хамян үнжү[1] (함양옹주), 1-р охин
  4. Хэйнжү Ги овгийн Сүг-ый татвар эм (숙의 기씨) (? – 1457)
    1. И Гүнсэйн, Сүньпён гүнь (순평군 이군생) (1392 – 1456), 2-р хөвүүн
    2. И Ысэйн, Кымпён гүнь (금평군 이의생) (? – 1435), 3-р хөвүүн
    3. И Юнсэйн, Жонсок гүнь (정석군 이융생) (1409 – 1464), 4-р хөвүүн
    4. Сүкшин үнжү (숙신옹주), 2-р охин
    5. И Соньсэйн, Мүрим гүнь (무림군 이선생) (1419 – 1475), 15-р хөвүүн
    6. Санвонь үнжү (상원옹주), 5-р охин
  5. Нампён Мүнь овгийн Сүг-ый татвар эм (숙의 문씨)
    1. И Гвисэйн, Жон-ый гүнь (종의군 이귀생) (1393 – 1451), 5-р хөвүүн
  6. Хэйпён Юнь овгийн Сүг-ый татвар эм (숙의 윤씨) (1368–1417)
    1. И Доксэйн, Сүдо гүнь (수도군 이덕생) (1393 – 1449), 7-р хөвүүн
    2. И Ноксэйн, Имонь гүнь (임언군 이녹생) (1399 – 1450), 8-р хөвүүн
    3. И Боксэйн, Сокбо гүнь (석보군 이복생), 9-р хөвүүн
    4. И Босэйн, Жанчонь гүнь (장천군 이보생) (1418 – 15 March 1465), thirteenth son
    5. Инчонь үнжү (인천옹주), 7-р охин
  7. Пёнчан И овгийн Сүг-ый татвар эм (숙의 이씨) (? – 1443)
    1. И Жонсэйн, Жиннам гүнь (진남군 이종생) (1406 – 1470), 6-р хөвүүн
  8. Юү овгийн Га-ый гүнж (가의궁주 유씨)
    1. И Булно (이불노) (1388–1410), намтар тодорхойгүй

Ээж нь тодорхойгүй охид:

  1. Докчонь үнжү (덕천옹주), 3-р охин
  2. Госон үнжү (고성옹주), 4-р охин
  3. Жоньсань үнжү (전산옹주), 6-р охин
  4. Хамань үнжү (함안옹주), 8-р охин
Өмнөх
Тэжу ван
Чусонь улсын ван
1398-1400
Дараах
Тэжун ван

Эшлэл[засварлах | кодоор засварлах]

  1. Чосоны хуулиар Вангийн их хатнаас төрсөн охин гүнж цол, Татвар эмээс төрсөн охин үнжү цол хүртэх хуультай байсан.