Шарль Азнавур
Шарль Азнаву́р (франц. Charles Aznavour, армен. Շառլ Ազնավուր, төрөхдөө — Шахну́р Вахина́к Азнавуря́н (армен. Շահնուր Վաղինակ Ազնավուրյան); 1924 оны 5-р сарын 22-нд Парис хотод төрсөн— 2018 оны 10-р сарын 1-нп Францын Мурьес коммунд нас барсан) —армени гаралтай францын уянгын дуучин, хөгжмийн зохиолч, яруу найрагч бөгөөд жүжигчин.
2004 онд Арменийн үндэсний баатар цол хүртсэн. "Time" сэтгүүл болон "CNN"-ний хамтарсан судалгаагаар Шарль Азнавур 20-р зууны шилдэг поп жүжигчнээр тодорч, Дуу зохиолчдын алдрын танхимд багтжээ.
Ш.Азнавур 1300 орчим дуу бичиж, 60 кинонд тоглож, 200 сая гаруй диск борлуулжээ.
Тэрээр 2009 оны 5-р сарын 5-наас нас барах хүртлээ Швейцарт суугаа Арменийн улсын Элчин сайд, НҮБ-ын төв байранд тус улсын байнгын төлөөлөгчөөр ажиллаж байжээ. Тэрээр амьдралынхаа сүүлийн 40 жилийг Швейцарт өнгөрүүлсэн юм.
Тэрээр нас барах хүртлээ идэвхтэй концертын үйл ажиллагаагаа үргэлжлүүлсэн. Азнавур 85 жилийн урлагийн амьдралын туршид 294 цомог гаргаж, 94 оронд 1100 орчим концерт тоглосон байна.
Намтар
[засварлах | кодоор засварлах]Шарль Азнавур 1924 оны 5-р сарын 22-нд Францад 1923 оны сүүлээр Францад дөнгөж ирсэн армян үндэстний гэр бүлд төржээ. Эцэг Мамикон Азнавурян 1897 онд Оросын хаант улсын Тифлис мужид төрсөн. Азнавурын эх Кнар Багдасарян-Азнавурян Туркт амьдардаг армян худалдаачны гэр бүлээс гаралтай байжээ.