III Жорж
III Жорж хаан буюу Жорж Уильям Фредерик (англи. George William Frederick, King George III; 1738 оны 5-р сарын 24-нд Лондонд төрж, 1820 оны 1-р сарын 29-нд Виндзор цайзад нас барсан) — Их Британийн Хановер угсааны (англи. House of Hanover) хаан.
III Жоржийн удаан хугацааны хаанчлалын 1760-1820 оны (59 жил - II Елизабет ба Викториа нарын хаанчлалын дараа гурав дахь нь) хооронд дэлхийн дахинд олон томоохон үйл явдал болсон юм. Үүнд: Долоон жилийн дайны төгсгөл, Америкийн колониуд Их Британиас тусгаар тогтнож, АНУ үүсэн байгуулагдсан, Францын Их хувьсгал, Наполеоны дайнууд зэрэг юм. Жорж хаан сэтгэцийн хүнд өвчтэй байсан учраас 1811 оноос хойш эрх мэдлийг асран хамгаалагч гүйцэтгэж иржээ.