Рэйчел Макадамс
| Рэйчел Макадамс | |
|---|---|
 | |
| Төрсөн | Рэйчел Энн МакАдамс 1978 оны 11 сарын 17 Канад, Онториа, Лондон |
| Ажил | Жүжигчин |
| Он жил | 2001–одоо |
Рэйчел Энн МакАдамс (Англи: Rachel Anne McAdams, 1978 оны арваннэгдүгээр сарын 17-нд төрсөн)[1] нь Канадын жүжигчин юм.
Йоркын их сургуулийг театр, дэлгэцийн урлагийн чиглэлээр 2001 онд төгсөж 2004 оныг хүртэл тайзны урлагт ажиллаж байгаад Линдсей Лохантай хамтран тоглосон Хөгжилтэй охид инээдмийн кинонд туслах, Райан Гослингтой хамтран тоглосон Өдрийн тэмдэглэл романтик кинонд гол дүр тус тус бүтээж дэлгэцийн урлагийн замналаа эхлүүлсэн байдаг. Харин Рэйчел 2005 онд Оуэн Уилсон, Винс Вон, Кристофер Уокен нарын инээдмийн киноны нэрт мастеруудтай хамт Урилгагүй зочид, Ирландын нэрт жүжигчин Киллиан Мёрфитой хамт аймшгийн төрлийн Улаан нүд, Сара Жессика Паркер, Клэр Дэйнс, Дайан Китон, Люк Уилсон нарын хамт инээдмийн Гэр бүлийн чулуу зэрэг кинонуудад тоглож олон олон драмын кинонуудаараа алдаршсан Жулия Робертсын залгамжлагч хэмээн кино урлагийнхан болон сонирхогчидоор үнэлүүлсэн юм.
Түүний авъяас чадвар нь илэрхий тодорч байсан энэ үед гэр бүлийн тодорхойгүй шалтгааны улмаас 2008 оныг хүртэл жүжигчиний замналаасаа түр хөндийрсөн ба 2006 оны шилдэг бүтээлүүд болох загварын чиг хандлагыг илэрхийлсэн Прада өмссөн чөтгөр болон тагнуулч Жэймс Бондын ээлжит цуврал Казино Рояль кинонуудад тоглох байсан ч тоглоогүй гэдэг.
2009 онд Макадамс Бен Аффлек, Рассел Кроу нартай Тоглоомын Вант улс, Эрик Банатай Цаг хугацаагаар аялагчын эхнэр, Роберт Дауни, Жүүд Лоу нартай Шерлок Холмс зэрэг кинонуудад тоглож урлагтаа эргэн ирсэн гэдгээ нотлосон юм. 2010 оны инээдмийн Өглөөний мэнд Нью-Жерси кинонд Рэйчел гол дүрийн сэтгүүлч эмэгтэйн дүрийг бүтээсэн бөгөөд Харрисон Форд болон Дайан Китон нар туслах дүрүүдэд тогложээ. Одоо тэр нэрт найруулагч Вүүди Аллений зохиолыг нь бичиж, найруулсан Парисын шөнө кинонд тэрээр тоглоод буй.
Америкийн Нэгдсэн Улсад Ногоон картаар[2] суурьшдаг бөгөөд Рэйчел Уэльсийн жүжигчин Майкл Шинтэй дээр дурдсан Парисын шөнө киноны зураг авалтын үеэр уулздаг болж эхэлсэн байна.[3][4] Өмнө нь тэрээр нутагт нэгт жүжигчин Райан Гослингтой 2004-2007 оны хооронд амьдарч байсан[5][6] бөгөөд 2009 онд Америкийн жүжигчин Жош Лукастай нэр холбогдож байв.
Макадамс Кундалини йогоор өдөр болгон хичээллэдэг[7] тэрээр эко-байгаль уриан дор GreenIsSexy.org вэбсайтыг хоёр найзынхаа хамт ажиллуудаг.[8]
Үсний нь унаган өнгө цайвар бөгөөд мэргэжлийнхээ онцлогоос шалтгаалаад бор, улаан өнгөөр үсээ будуулдаг.[9]
Нэмэлтээр уншиж болох[засварлах | кодоор засварлах]
- Vecchiarelli, Nicole (November 2010). "The Movie Star Next Door". InStyle.
{{cite news}}:|access-date=requires|url=(help) - Otto, Jeff (June 23, 2004). "IGN Interviews Rachel McAdams". IGN. News Corporation. Retrieved June 15, 2011.
Эшлэл[засварлах | кодоор засварлах]
- ↑ Birth announcement in The London Free Press, December 7, 1978.
- ↑ http://www.dailymail.co.uk/tvshowbiz/article-1325647/Rachel-McAdams-ordered-stop-making-stupid-movies-immigration-official.html
- ↑ Slonim, Jeffrey. "Michael Sheen & Rachel McAdams Confirm They Are Dating". People.
- ↑ "Rachel McAdams and Michael Sheen Dating". The National Ledger. The National Ledger, LLC. October 7, 2010. Archived from the original on Гуравдугаар сар 5, 2016. Retrieved June 13, 2011.
- ↑ Lehner, Marla (October 17, 2007). "Ryan Gosling Consoled Fans After Rachel McAdams Split – Breakups, Rachel McAdams, Ryan Gosling". People. Retrieved August 3, 2010.
- ↑ Singer, Sally (January 2010), "The Notebook, Part Two", Vogue, no. 08449, p. 92
- ↑ "Archive copy". Archived from the original on 2011-06-23. Retrieved 2011-08-06.
{{cite web}}: CS1 maint: archived copy as title (link) - ↑ Berman, Liz (March 30, 2009). "Rachel McAdams: I Just Heard About Twitter". People. Retrieved June 15, 2011.
- ↑ "Archive copy". Archived from the original on 2011-09-10. Retrieved 2011-08-06.
{{cite web}}: CS1 maint: archived copy as title (link)
Холбоос[засварлах | кодоор засварлах]
Commons: Рэйчел Макадамс – Викимедиа зураг, бичлэг, дууны сан