Вүүди Аллен

Вүүди Аллен Woody Allen
Вүүди Аллен 2011 онд
Бүтэн нэр	Аллен Стюарт Конигсберг
Иргэншил	Америкийн Нэгдсэн Улс
Төрсөн огноо	1935 оны 12 сарын 1
Төрсөн газар	Брүүклин, Нью-Йорк, Америкийн Нэгдсэн Улс
Танил үе	1950—одоо
Мэргэжлийн замнал
Мэргэжил	кино найруулагч, зохиолч, жүжигчин, продюсер, хөгжимчин
Гавьяа шагнал	«Оскар» (1978 — хоёр, 1987, 2012) «Алтан бөмбөрцөг» (1986, 2012, 2014) БАФТА (1978 — хоёр, 1980, 1985, 1986 — хоёр, 1987 — хоёр, 1993, 1997)

Аллен Стюарт Конигсберг (англи. Heywood "Woody" Allen; төрөхдөө — Аллан Стюарт Конигсберг (англи. Allan Stewart Konigsberg); 1935 оны 12-р сарын 1, Нью-Йорк, Брүүклин төрсөн) — Америкийн кино найруулагч, зохиолч, хошин урлагийн жүжигчин, продюсер, хөгжимчин. АНУ-ын кино урлагийн «Оскар»-ын 4 удаагийн шагналтан.

Аллен утгаггүй зүйл болон егөөдөлтэй хошин шогийн жүжиг, мөн Ингмар Бергманы бүтээлийн нөлөөтэй бүтээсэн сэтгэлзүйн жүжгүүдээрээ олон нийтийн хайрыг татсан хүн юм. Эдгээр хоёр тусдаа урлагийн жанрын огтлолцол дээр Аллен шинэ төрөл болох "ухаалаг хошин шогийн" төрлийг бий болгосон гэж үздэг.

Вүүди Аллен өөрөө кино зохиолоо бичээд найруулагчаар ажиллах төдийгүй кинонд өөрөө тоглодог онцлогтой. Түүний кинонуудын дуртай сэдвүүд болон олон тооны хошигнолуудын дунд сэтгэл судлал болон сэтгэл судлаачид бөгөөд секс ба өөрийн еврей үндэстэний зан төрх байдаг юм. Найруулагч нь бүх амьдралынхаа туршид Нью-Йорк хот амьдарч ирсэн тул энэ хот түүний ажил үйлсэд мөн онцгой байр суурь эзэлдэг байна. Тэрээр кинондоо ялангуяа "Нью-Йоркийн гурвалсан" кинонд ("Анни Холл"8 "Интерьер" ба "Манхэттэн") тусгалаа олжээ.

Намтар

Аллен хүү Нью-Йорк хотын Бруклины Мидвудын хороололд төрж өссөн байна. Ирээдүйн найруулагчийг төрөхөд нь Аллен Стюарт Конигсберг гэж нэр өгчээ. Аллены өвөө, эмээ нь Литва (Исаак Кенигсберг, Женни Коплин) болон Австри (Леон Шерри, Сара Хофф)-аас ирсэн цагаачид байсан бөгөөд тэдний төрөлх хэл нь еврей хэл байв. Түүний эх Нетти (1906-2002) нь гэр бүлийн амтатны дэлгүүрт нягтлан бодогчоор ажилладаг байсан бол эцэг Мартин Конигсберг (1900-2001) зоогийн газрын зөөгч, үнэт эдлэлийн сийлбэрчин байжээ. Түүний эцэг эх хоёулаа Манхэттенд өссөн байна.

Тэрээр мөн Летти (1943 онд төрсөн) гэж эмэгтэй дүүтэй. 1990-ээд оны дунд үеэс Летти Аронсон ахынхаа киноны продюсер байжээ. Тэрээр Аллены тухай баримтат кинонд мөн тоглосон (2012) байна.

Мөнгө олохын тулд тэрээр сонины буланд шог онигоо бичиж эхэлсэн байна. Энэ үеэр тэрээр Вүүди Аллен хэмээх нууц нэрийг авсан. Өөрийнх нь хэлснээр Аллены анхны хошигнолыг хов живийн хэсэгт нийтэлсэн байна. Аллен 16 настай байхад түүний авъяас чадварыг хошин шогийн жүжигчин Милт Камэн "нээн илрүүлж" түүнийг Сид Цезарийн (англи. Isaac Sidney «Sid» Caesar, 1922—2014) алдартай шоунд ажилд оруулжээ. Арван долоон настайдаа тэрээр нэрээ Хейвуд Аллен болгон өөрчилсөн юм.

Ахлах сургуулиа төгсөөд Аллен Нью-Йоркийн их сургуульд элсэн орж, харилцаа холбоо, кино урлагийн чиглэлээр суралцжээ. Аллен тийм ч хичээнгүй, байгаагүй учраас хэсэг хугацааны дараа сургуулиасаа хөөгджээ. Дараа нь тэрээр Нью-Йорк хотын коллежид богино хугацаанд суралцсан. Энэ үед Аллен уран зохиол, кино урлаг, тайзан дээр идэвхтэй ажиллаж эхэлсэн байна.

Хувийн амьдрал

Аллены анхны эхнэр нь Харлин Розен байсан бөгөөд Аллен саксофон тоглож, Розен төгөлдөр хуур тоглож байсан сонирхогчдын "жааз" концерт дээр танилцжээ. Тэд 1956 оны 3-р сарын 15-нд Холливудад гэрлэж, дараа нь Нью-Йорк руу нүүж, Аллен янз бүрийн шоуны хошигнол дээр ажиллаж, эхнэр нь гүн ухааны чиглэлээр суралцжээ. Энэ гэрлэлт таван жил үргэлжилсэн. Гэрлэлтээ цуцлуулсны дараа Розен Алленыг зарим мэдэгдлийнх нь төлөө шүүхэд өгч, 1 сая ам.долларын нэхэмжлэл гаргаж байжээ.

Вүүди Аллен хоёр дахь эхнэр жүжигчин Луиза Лассер 1966-1969 он хүртэл гурван жил амьдарчээ. Лассер түүний дөрвөн кинонд тоглосон ("Мөнгө шүүрээд гүй" (1969), "Банана" (1971), "Сексийн талаар үргэлж мэдэхийг хүсдэг байсан ч асуухаас айдаг байсан" (1972), "Оддын тоосны дурсамж" (1980). Тэрээр Ласерртай салаад 1997 он хүртэл гэрлээгүй байна.

Цахим холбоос

•  Commons: Вүүди Аллен – Викимедиа зураг, бичлэг, дууны сан
• Wikiquote (en) — Дэвид Линч
• Вүүди Аллен — Internet Movie Database
• Вүүди Аллен — Allmovie
• Woody Allen — TCM Movie Database
• Вүүди Аллен (англ.) — Internet Broadway Database

  

Вүүди Аллений шагнал