Ардын Багш

Монгол Улсын цолыг эрхэм хүндэт цол, хүндэт цол гэж хоёр ангилна. Хүндэт цолыг нь Ардын Зүтгэлтэн цол, Гавьяат Зүтгэлтэн цол, Сансрын Нисэгч цол, Хүндэт Иргэн цол гэж дөрөв эрэмблэн ангилдаг. Монгол Улсын Ардын Зүтгэлтэн цол нь

• Монгол Улсын Ардын Жүжигчин
• Монгол Улсын Ардын Зураач
• Монгол Улсын Ардын Уран Зохиолч
• Монгол Улсын Ардын Багш
• Монгол Улсын Ардын Эмч гэсэн таван төрөл байна.

Түүх

Монгол Улсын Ардын Багш цолыг Ардын Их хурлын Тэргүүлэгчдийн 1981 оны 07 дугаар сарын 30-ны 281 дүгээр зарлигаар бий болгожээ. Ардын Багш цолыг хүртээх дүрэмд өсвөрийн үеийг сурган хүмүүжүүлэх, мэргэжлийн боловсон хүчин бэлтгэх, ардын боловсрол, сурган хүмүүжүүлэх ухааныг хөгжүүлэх үйл хэрэгт гарамгай гавьяа байгуулсан багш, сурган хүмүүжүүлэгчид уг цолыг олгоно гэж заажээ. Энэ цолын анхныхыг УБДС-ийн багш Г.Батсүх 1981 онд хүртжээ.

Ардын Багш нар

1. БАТСҮХ Гунгаажавын 1981
2. БАДАМСЭД Хүрлээгийн 1989
3. ЧОЙЖИЛСҮРЭН Дагвын 1991
4. ДОЛГОРСҮРЭН Гарамын 1993
5. ОТГОНСҮРЭН Оролжавын 2001
6. ЦЭВЭЭН Цэрэнгийн 2001
7. МИЕЭГОМБО Гомбын 2003
8. ЦЭРЭНДОРЖ Бавуугийн 2005
9. МААМ Үнэнбилэгийн 2005
10. ШАГДАР Шаравын 2006