Энхбатын Бадар-Ууган

Энхбатын Бадар-Ууган Эрэгтэйчүүдийн бокс Төлөөлдөг улс: Монгол Хувийн мэдээлэл Бүтэн нэр Энхбатын Бадар-Ууган Төрсөн огноо 1985 оны 6 сарын 3 Төрсөн газар Монгол улс, Улаанбаатар

Медалиуд Зуны олимп Бээжин 2008 -54 кг Азийн наадам Доха 2006 -54 кг Дэлхийн АШТ Чикаго 2007 -54 кг

Энхбатын Бадар-Ууган нь Олимпын алтан медальт тамирчин.1985 оны зургадугаар сарын 3-нд Улаанбаатар хотод төрсөн. Нийслэлийн 97 дугаар дунд сургуулийг төгссөн. Эхнэр охины хамт амьдардаг. Одоо Үндэсний шигшээ багийн тамирчин. Боксын спортоор 1998 оноос эхлэн хичээллэж 54 кг-ын жинд тоглож байсан. Эцэг Энхбат нь Төв аймгийн Баяндэлгэр сумын хүн.

Амжилтын товчоон

• 2008 онд Олимпод анх удаагаа оролцож Монголын түүхэнд анх удаа боксын төрлөөр Олимпын алтан медаль авлаа.
• 2007 онд АНУ-ын Чикаго хотод болсон Дэлхийн аварга шалгаруулах тэмцээнээс мөнгөн медаль авсан.
• 2007 оны Ази тивийн аварга
• 2007 оны улсын аварга
• 2006 оны Оюутны дэлхийн аварга
• Доха-2006 Азийн наадмын хүрэл медальт
• Герман улсад болдог Химийн цом тэмцээний аварга
• Туркийн Ахмад Комертийн нэрэмжит тэмцээний аварга
• Чехийн Усти-над-Лабем хотод болдог олон улсын тэмцээний мөнгөн медальт.
• 2007, 2008 оны Монголын шилдэг тамирчин
• 2008 оны дэлхийн шилдэг эрэгтэй боксчноор шалгарсан.

Мөн үзэх

• Олимпын медальт монголчууд