Авимимус

Авимимус. Үлэг гүрвэл, шувуу хоёрын эволюци хөгжлийг нэг чиглэлтэйгээр авч үзэх үү, эсвэл тэдгээр нь өөр хоорондоо ямар ч ойр дөт хамааралгүй гэж үзэх үү гэдэг бол амьтны аймгийн тодорхой бүлгүүдийн үүсэл хөгжлийг зөвөөр шийдвэрлэх цогцолбор асуудлын нэг юм. Монгол орон дахь цэрдийн галавын тунамал хурдсаас анх олдсон Авимимусийн төрлийн амьтан бол хэдийгээр динозавр болох нь баттай боловч шувууны олон шинжийг агуулсан, ялангуяа урд мөчиндөө далавчны эх үүсвэр болох өдний гуурстай байсан төдийгүй яваандаа урд шуу, сарвууны шивнүүр яснууд нь шувуутай адил болж хөгжсөн байна гэж зөвлөлтийн судлаач С. М. Курзанов үзэж байна.

Авимимусын чулуужсан ясыг Монгол, зөвлөлтийн палеонтологичид 1971 онд Өмнөговь аймгийн Сэврэй сумын Удан сайр гэдэг газраас олжээ. Уг чулуужсан яс агуулсан хурдсын геологийн насыг хожуу цэрд, 70 сая жилийн өмнөх цаг үе гэж тодорхойлжээ.[1]

Ашигласан материал[засварлах | кодоор засварлах]

  1. Хүүхэд - Залуучуудын нэвтэрхий толь 2 - 1986 - хуудас 324