Далан

Чөлөөт нэвтэрхий толь — Википедиагаас
Харайх: Удирдах, Хайлт
Далан гэдэг монгол нэр үгний гарал үүслийн таамаг. Мал амьтны далны хэлбэр далангийн хөндлөн огтлолын хэлбэртэй ижил, эдгээр үгийн язгуур нь дал гэсэн баримтууд нь энэхүү таамаглалыг үүсгэж байна.
1. Усны их түвшин (HWL) 2. Бага урсацын голдирол 3. Үерийн татам 4. Дээд налуу 5. Дээд налуу дахь дэвсэг 6. Далангийн хяр 7. Доод налуу 8. Доод налуу дахь дэвсэг 9. Шүүр бүхий дэвсэг 10. Өнгөлгөө, эргийн бэхэлгээ 11. Дээд хашиц 12. Далан 13. Доод хашиц буюу үерээс хамгаалагдсан газар 14. Голын бүс
Калипорниагийн Сакраменто далангийн зураг

Далан, levée (англи хэлэнд: dike, dyke, embankment, floodbank эсвэл stopbank) нь байгалийн хүчин зүйлээр бий болсон эсвэл хүний гараар баригдсан хана маягийн барилга байгууламж, нурууг хэлэх ба ихэнхдээ усны түвшинг тохируулах зорилгоор баригддаг. Далангийн хэрэглээ их байх ба ихэвчлэн газар нутгийг ус, үерээс хамгаалах зориулттай учир голын урсгалын чиглэл, далайн эргийн шугам гэх мэт обьектдоо тэнхлэгийн хувьд параллел чиглэлтэй, ихэвчлэн ул хөрсөөр баригддаг.[1]

Үгийн гарал үүсэл[засварлах | edit source]

Далан - Levee[засварлах | edit source]

Далан[2] буюу levee нь Франц үг levée-ээс гаралтай ба (түвшин өсөх гэсэн утгатай) ихэвчлэн Америк англи хэлэнд хэрэглэгддэг. 1718 онд Шинэ Орлеанд хот байгуулсаны дараа тэнд оршин суудаг байсан англичууд анх одооны утгаар нь хэрэглэжээ.[3] Нэрний үндсэн гарал нь гол ба голын татмаас хяр нь өндөр түвшинд байрлах дэнж, түүний онцлогоос үүдсэн гэж үздэг.

Далан - Dike[засварлах | edit source]

Орчин үеийн бас нэг нэр болох dike эсвэл dyke нь Голланд хэлний "dijk" гэсэн үгнээс гаралтай ба 12-р зуунд Присиагийн даланг (одоогоор Нидерланд ба Германы хэсэгт байдаг) барьж түүнийгээ Frisia dike гэж нэрлэсэнээр эхэлсэн гэж үздэг. Дараа нь 126 kilometres (78 mi) урттай Westfriese Omringdijk даланг 1250 онд хуучин байсан Присиагийн далантай холбож барьж дууссан гэдэг. Ромын он тооллын бичиг хөтлөгч Такитус (МЭ 70) үймээн дэгдээгч Батави омгийнхон тэдний гэр орон, газар нутгаа үерээс хамгаалахын тулд хэсэг хэсэг далан барьлаа гэж тэмдэглэсэн байдаг.[4] Энэхүү dijk гэдэг үг нь шуудуу ба дэнж гэсэн үгнүүдтэй ойролцоо утгыг илэрхийлдэг. Дуудлага ойролцоо англи үгээр to dig (ухах) гэж илэрхийлэгдэж болно.

Хэрэглээ[засварлах | edit source]

Хүний гараар бүтээсэн далангуудын нийтлэг хэрэглээ нь эдэлбэр, аж ахуйн газрыг үерийн уснаас хамгаалах, гол мөрний сав газарт оршин суух хот тосгоныг хамгаалах, далайн эрэг, усан замын зөрлөгийн өөрчлөлтийг бага байлгах, чиглүүлэх гэх мэт юм; мөн даланг голын урсгалыг чиглүүлэх, голдирол өөрчлөх, голын урсгалын хурдыг тохируулах зорилгоор барьж болно. Газрын гадаргын хотгор гүдгэрийг тохиромжтой налуутай трассын дагуу даван туулахын тулд засмал болон сайжруулсан авто замын дор даланг барьж ашигладаг. Авто замын далангийн барилтын технологи нь үер усны далангийн технологиос ангид байна. Мөн далайн эрэг, эх газрын өргөтгөл полдоруудад даланг харж болох ба энд хэрэглэгдэх далангийн хяр нь мөлгөр хөтөл хэлбэртэй байна. Өөрөөр хэлбэл мөрөн болон далайд эргийн өргөтгөл хийхэд даланг эх газрын хүрээлж хамгаалалт байдлаар барьдаг. Мөн даланг дайны үед талбайн хязгаар, шуудууг хүрээлж бэхлэлт байдлаар барьж ашигладаг байжээ. Устай үл харьцах даланг ерөнхийд нь dry-stone wall эсвэл dry-levee буюу хуурай далан гэж нэрлэдэг.

Далан нь бат бөх шороон байгууламж байх, мөн барьж байх үед үерийн эрсдэл тохиолдох магадлал өндөр байдаг тул тусгай технологиор орон бүрт харилцан адилгүй барьж байгуулдаг. Ихэвчлэн гэнэтийн үерийн үед шуудаатай элсээр эхний бэхлэлтийг хийж улмаар өргөтгөн ул хөрсөөр хучиж тогтвортой даланг бий болгож болно.

Эртний далангуудын нэг нь МЭӨ2600 оны үед Харраппен тариаланч хүмүүс барьсан байж магадгүй гэсэн таамагтай Пакистан болон Энэтхэгийн хойт хэсэгт ул мөр нь байдаг.[5] Далангуудыг мөн л 3000 жилийн өмнө Эртний Египетэд барьсан ба энд Нил мөрний зүүн эргээр системчилэн 970км орчим урттай үргэлжилж Газрын Дундад тэнгисын эрэг дээрх Нил делтагаас эхлэн орчин үеийн Авсан хүртэл өргөтгөгдсөн байна. Месопотамийн иргэншил болон Эртний Хятадад томоохон хэмжээний далангийн систем баригдаж байсан. Эртний иргэншлийн хувьд даланд ганц хүчтэй сул тал байсан нь далангийн өндөр ба түүний барилгын стандарт уртынхаа дагууд нэгэн ижил байх ёстой гэсэн шаардлага байсан юм. Нөгөө талаас энэ шаардлагаар баригдсан далангуудын хувьд тухайн үеийн бүтээгчид болон барьж буй иргэдийг удирдах засгийн үйлчлэл хэр байсанийг харуулдаг.

Далан нь ихэвчлэн сайтар бэхжсэн суурь дээр нягтруулгатай шороон овоолгоор баригдана. Суурь нь өргөн, хяраасаа доош конус хэлбэртэй /ихэвчлэн урвуу трапец/ байх ба их бие нь шороон боловч түр хүчитгэлийн элсэн уутнууд байдаг. Учир нь даланг барьж байх үед голын хөндлөн огтлолын багасалтын нөлөөгөөр усны түвшин голын эрэг тус бүрд хурдан нэмэгдэж, голын ёроол дахь шаврын хуримтлал нэмэгдэж буурь тогтворгүй болох зэргээс хамаарч түр хүчитгэлийг хэрэглэдэг. Голын эргээс хоёр тийш үерийн татмыг үлдээж даланг барих ба ихээхэн үертэй бүс нутагт далангийн задралаас сэргийлж хэд хэдэн үе, зурвас далангийн системийг босгодог. Буурь ширгэрхэг ул хөрстэй бол бул чулуугаар далангийн тэхлэгийн чиглэлд мөр хийж тогтворийг сайжруулах ба үүнийг шүд гэж нэрлэдэг.

Далангийн төсөл болон барилгын технологи нь инженерчлэлийн ур ухааныг нарийн шаарддаг. Далангийн дээд ба доод налуу нь элэгдлээс хамгаалагдсан байх ёстой ба хамгийн тохиромжит арга нь тогтвортой налууг өгч үндэсэрхэг өвс тарих арга юм. Өндөр далангийн хамгаалагдсан газар талын налуу буюу доод налууд элэгдэлийн эсрэг дэвсэг, трассуудыг гаргаж өгдөг. Голын хэсгийн налуу буюу дээд налууд усны давалгаа, угаагдлаас сэргийлэхийн тулд далангийн тогтворшилтоос илүү нарийн шийдэл хэрэгтэй байдаг. Дээд налууг хамгаалахын тулд бетон өнгөлгөө, чулуун хаялага, өрлөг, ус үл хүрэх хэсэгт таримал ургамал тарих зэрэг арга хэмжээг авна. Дээд хашицаар эсвэл бууриар шүүрэн орж ирэх усны урсгалыг хааж гидростатик даралт үүсгэхгүйн тулд тусгай шүүрүүлийн элемент, сувгийг барьж өгнө.

Голын үерээс хамгаалах[засварлах | edit source]

Сакраментоо голын далангийн эвдэрсэн хэсэг
Миссиссиппи голын үерийн усны түвшинг барьж буй далангийн зураг Грента хот, 2005оны 3-р сар.

Нилээд ач холбогдол бүхий үеийн далангууд дэлхий даяар том голуудын хоёр талаар баригдсан байдаг ба эдгээрийн жишээ нь Америкийн нэгдсэн улсын Миссиссиппи болон Сакраменто голын эрэг, Европт ихэнх голуудад тухайлбал Нидерландад Счелдд голын эргийн далангууд юм.

Миссиссиппи голын далангийн систем нь дэлхий дээрх хамгийн том далангийн систем юм. Энэ нь Миссуригээс Миссиссиппи делта хүртэл 6000км гаруй урт үргэлжилдэг. Энэ далангийн систем нь Нью-Орлеанс хотыг хамгаалахын тулд 18-р зуунаас эхлэн баригдсан ба анх Лоуисиана дахь франц суурьшигчид эхлүүлсэн байдаг.[6] Анхны Лоусиана далан 0.91м өндөртэй 80км урттайгаар голын эргээр баригдсан байна.[6] АНУ-ын Инженерийн армийн корпус Миссиссиппи голын коммисстой хамтран далангийн өргөтгөлийн ажлыг 1882 оноос эхлүүлж Иллиниосын Каирогоос Миссиссиппи делтагийн ам хүртэл барьж дуусгажээ.[6] 1980 оны дунд үе гэхэд, далангийн одоогийн байгаа уртад хүргэж далангийн өндөрийг 7.3м, зарим хэсэгт 15м хүртэл өндөртэй болгосон байна. Миссиссиппигийн далан нь дэлхийд хамгийн их хэсэгчилсэн далангуудаас бүрддэг. Ийм хэсэгчилсэн хамгийн урт хэсэг нь Арканзасд 610км-ын урттайгаар байрладаг.

Хүчитгэсэн хөрс ба далангийн хамгаалалт – АНУ-ын Инженерийн армийн корпусийн (USACE) санаачлагчид болон хайрцаглаэн тусгаарлах технологийг (geocells-геонүд) практик туршилтын үедээ боловсруулжээ.[7] энэ технологийг нэврүүлсэнээр далангийн тогтворшилт, налуугын бэхэлгээний асуудлыг цогцоор нь шийдэх боломж олгосон юм. Геонүдээр хүчитгэгдсэн хөрс нь тогтворгүй байдлыг эсэргүүцэх сунах хүчдэлийг бий болгодог.

Голын голдиролд нөлөөлөх нөлөөлөл[засварлах | edit source]

Хиймэл далан нь голын байгалийн ёроолын өндөржилт, морфологийг урт хугацааны турш чиглүүлэх ба хэр хурдан эсвэл хэр хүчтэй нөлөөлөх эсэх нь өөр өөр хүчин зүйлээс хамаарах ба үүний нэг нь голын байгалийн хагшаас хөдөлгөх чанар буюу ёроолын ачаалал юм. Хагшаасны хуримтлал эрчимтэй Алльювийн хурдас бүхий голууд энэ шинж чанар давамгайлах хандлагатай байна. Америкийн нэгдсэн улмын Миссиссиппи голын хөндий, Хятадын Шар мөрний хөндийн зарим хэсэгт далангийн гадна талын гадаргын өндөржилт далангийн дотор талын буву голын ёроолын өндөржилтөөс бага байдаг нь тухайн хэсгийн далан голын ёроолын өндөржилтийг хагшаасны хуримтлалаар ихэсгэдэг гэдгийг харуулна.

Далайн эргийн хамгаалалт[засварлах | edit source]

Далайн эргийн орнууд газар тариалан эрхлэх, суурьшилт бий болгох зорилгоор далайн эргийг тэлж таац газар үүсгэдэг ба таац газрын хүрээгээр давалгаа түрлэгээс хамгаалсан даланг барьдаг. Энэ төрлийн даланг ихэвчлэн "aboiteau" гэж нэрлэдэг. In the Lower Mainland around the city of , Бритиш Коламбиагийн Ванкувер хот орчмийн нам дор газар далан (заримдаа "далайн хана" гэнэ) барьж усанд автахаас хамгаалдаг.

Далай үерээс хамгаалах далангууд нь Вадден тэнгисийн хойт эргийн шугмаар баригдсан байдаг ба энэ орчмийн газар түүхэндээ маш олон удаа далайн үерт сүйтгэгдэж байсан.[8] Иймд тэнд амьдардаг хүмүүс болон засгийн газар хамтдаа далайн шуургаас үүдэлтэй тэнгисийн үерээс хамгаалах зорилгоор комплекс далангийн системийг барьсан байна. Эдгээрийн хамгийн том нь Нидерландад байдаг.[9]

Урсгал чиглүүлэх болон давалгаа таслах далан[засварлах | edit source]

Далантай төстэй функц бүхий усны барилга байгууламж нь ихэвчлэн гол болон далайн ёроол, эргийн элэгдлийн эсрэг баригддаг. Урсгал чиглүүлэх далан нь алльювийн хурдастай голд перпендукляр эсвэл тодорхой өнцөг үүсгэж байрлах ба анлуу болон сувгийн эрэг дагуу[10] байрлах бол давалгаа таслагч нь далайн эргийн шугам дагуу төрөл бүрийн байрлалтай байдаг. Баригдсан материалын төрөл шинж чанараас хамааруулан нэвтүүлэх ба үл нэвтрүүлэх гэж ерөнхийд нь ангилна.

Байгалийн далан[засварлах | edit source]

Байгалийн далан нь хүний хөлөөс зайдуу нам дор газрын гол горхины эрэг орчим бий болдог. Тэдгээр нь голын үерийн татам дотор эргийн зах хэсэгт тогтсон шавар болон шавранцар урт дов юм. Нэгэнт тогтсон байгалийн далан нь хүний гараар бүтсэн далан шиг голын татам болон далангийн арын газрыг бага хэмжээний үерт автахаас сэргийлж чаддаг.

Далангийн хуримтлал болон хөгжил нь тахиралдсан буюу меандертай голуудад эрчимтэй байх ба мөн голын усны хөвмөл хагшаасны хэмжээнээс хамаарна. Хөвмөл хагшаасны хэмжээ хэт их бол голын урсгалын хөндлөн огтлол хагшаасыг өнгөрүүлэх хүчин чадал дутагдаж улмаар эргийн дагуу тунаж үлдэх цүлхэх үзэгдлийг бий болгоно. Ингээд дараачийн хэд хэдэн үерийн турш далангийн бие бэхжилтээ авч томорно. Голын голдиролд харгиа ихтэй бол өмнө үүссэн даланг хагшаастай ургсгал давж далан гадна талаасаа өргөжинө.

Үүнтэй адил зарим голын адагт далайн шуурганы улмаас хөвмөл хагшаас эрэглүү туугдаж байгалийн даланг үүсгэх тохиолдол Шар мөрний адагт илэрдэг.

Далангийн эвдрэл ба задрал[засварлах | edit source]

Гол өгүүлэл: Далангийн задрал

Байгалийн болон хүний гараар бүтээсэн далан альн ч тэр хэд хэдэн шалтгаанаар эвдрэх буюу нурдаг . Хамгийн аюултай эвдрэл нь далангийн задрал (англи:levee breach) юм. Далан нь элэгдэх, эсвэл хамгаалагдсан газраас үерт автах замаар далангийн зарим хэсэг задардаг. Задрал нь гэнэт болон алгуур бий болж болох ба энэ нь далангийн элэгдэл, буурь ба дотоод шүүрэлт болон дэд үеийн дорой нягтралын аль аль нь холбоотой.

Зарим үед далан дээгүүр ус хальсанаас бол заврах ба энэ нь ховор тохиолдох боловч хамгийн аюултай эвдрэл байдаг. Үерийн усны түвшинг зөв тооцсон тохиолдолд далангийн хяраар ус халихгүй.

Мөн үзэх[засварлах | edit source]

Лавлахууд[засварлах | edit source]

Тэмдэглэл[засварлах | edit source]

Гадаад линк[засварлах | edit source]

 Commons: Dikes – Викимедиа зураг, бичлэг, дууны сан