Игуасу хүрхрээ
Игуасу́ хүрхрээ (испани. Cataratas del Iguazú, порт. Cataratas do Iguaçu) —Бразил (Парана муж) болон Аргентин (Мисьонес аймаг) хоёр улсын хил дээр орших Игуасу мөрөнгийн 275 хүрхрээнүүдийг хэлнэ. Энэхүү хүрхрээнүүд хоёр улсын нутаг дэвсгэр дахь "Игуасу" хэмээх үндэсний цэцэрлэгт хүрээлэнд оршдог байна.
Аялал жуулчлал
[засварлах | кодоор засварлах]
Игуасу хүрхрээ бол Өмнөд Америкийн жуулчдын хамгийн их очдог газруудын нэг юм. Жил бүр 1.5-2 сая жуулчин энд ирдэг байна. Ажиглах тавцангууд нь жуулчдад зориулагдсан байдаг. Хүрхрээний ойролцоо явган болон автомашины аялалын маршрутууд байдаг. Замууд нь хүрхрээний бэлээр явдаг тул жуулчдад ус нэвтэрдэггүй хувцас санал болгодог. Игуасу хүрхрээний ойролцоо олон улсын нисэх онгоцны буудал, олон арван зочид буудал, амралтын газар, явган хүний зам барьсан юм. Нутгийн иргэд аялал жуулчлалаар ирсэн зочдод зориулж орон нутгийн хувцас өмсдөг, нутгийн бүжиг, дуу сонирхуулдаг байна.