Меконг мөрөн

Чөлөөт нэвтэрхий толь — Википедиагаас
Jump to navigation Jump to search
Меконг мөрөн
Тайландаар урсах Меконг мөрөн
Mеконг мөрний байршил
Эх Хөхнуур, Хятад
Адаг Өмнөд Хятадын тэнгис
Байршил Хятад, Мьянмар, Тайланд, Лаос, Камбож, Вьетнам
Урт 4350 км[1] (өөр эх сурвалжид 4500 км)
Эхийн өндөр 5374 м
Адгийн өндөр 0 м
Урсац -дундаж 16.000 м³/с
Ус цуглуулах талбай 795.000 км²[1] (өөр эх сурвалжид 810.000 км²)
Голын систем Меконг мөрөн

Меконг мөрөн (лаосаар- ປະເທດລາວ, Кхонг — «бүх усны эх»; кхмер хэлээр គុង; вьетнамаар -Sông Cửu Long, Кыулонг буюу «Есөн лууны гол») — Хятад, Мьянмар, Лаос, Тайланд, Камбож, Вьетнам улсыг дайрч өнгөрдөг. Энэтхэг-Хятадын хойгийн хамгийн том мөрөн юм. Меконг мөрөн - 4350 орчим км урт бөгөөд тус мөрний сав газар нь 810 мянган квадрат км эзэлдэг байна. Уртаараа дэлхийд 12-т ордог байна.

Төвөдийн Тангла нуруунаас эхээ авдаг бөгөөд Төвөдөд “За Чу”- (түвд རྫ་ཆུ་) , хятадууд Ланцанзян (澜沧江) гэж нэрлэдэг байна. Меконг мөрөн Зүүн Өмнөд Азийн 6 орныг дайрч Өмнөд Хятадын тэнгист цутгадаг.

Үндсэндээ борооны ус, эх авдаг хэсэгтээ цас мөсөөр тэжээгддэг мөрөн юм. Эх хэсэгтээ 1 сар орчим хөлддөг. Зун намар үерлэдэг. Усны түвшин 8-9 сард хамгийн дээд цэгтээ хүрдэг 4 сард доод цэгтээ хүрдэг байна.

Голын доод хэсгийг будаа тариалалтыг услахад ашигладаг. Меконг мөрөн 75 сая кВт эрчим хүч гаргах хүчин чадалтай боловч бүрэн ашиглагдаагүй иржээ. Вьентьян хот орчимд усны түвшин бага байх үед 700 км, түвшин ихсэх үед 1600 км, Пномпень хот орчим 350 км газар усан тээвэр хийдэг ажээ.

Камбожийн хөндий орчим Меконг мөрөн ихээхэн өргөн бөгөөд өндөр /21 м/ Кхон хүрхрээ үүсэгдэг.

Меконг мөрний сав газрын гол нууранд гол төлөв “карп” төрлийн загас байдаг. Мөн голын дельфин, матар, усны шувуу элбэг байдаг байна.

Цахим холбоос[засварлах | edit source]

 Commons: Меконг мөрөн – Викимедиа зураг, бичлэг, дууны сан
Wiktionary
Wiktionary: Меконг мөрөн – Энэ үгийг тайлбар толиос харна уу

Эшлэл[засварлах | edit source]

  1. 1.0 1.1 Зөвлөлтийн их нэвтэрхий толин дахь Mеконг мөрний тухай өгүүлэл, 3 дахь хэвлэлт 1969–1978 он