Мирза Телетович

Мирза Телетович (Серби: Мирза Телетовић, 1985 оны есдүгээр сарын 17-нд Мостар хотод төрсөн) — Боснийн мэргэжлийн сагсан бөмбөгчин бөгөөд Үндэсний сагсан бөмбөгийн холбооны Бруклин Нетс багт хүчний довтлогчоор тоглодог.

Замнал[засварлах | кодоор засварлах]

Телетович Босни ба Херцеговинын лигийн Слобода Тузла багт элссэн жилдээ 7.2 оноо, 2.7 бөмбөг авалт дунджилав. 17 тоглолтонд 26.4 оноо, 6.6 бөмбөг авалт дунджилсан 2004 онд Бельгийн Остенде багт элсэж Европын шилдэг багуудын өрсөлдөөнд амжилттай тогложээ. 2006 оны Евролигт Испанийн Баскониа багийн довтлогч Телетович 5.3 оноо, 2.8 бөмбөг авалт дунджилж, улмаар 2007 онд НБА-д элсэхээр драфтад өрсөлдсөн сонгогдоогүй юм. 2008 онд лигт гялалзаж, Баскониагийн ахлагч болсон байв. НБА-гийн Бруклин Нетс багаас гурван жилийн гэрээг 15.6 сая доллараар байгуулах[1] татгалзах аргагүй санал ирж, Телетович 2012 онд идээшсэн багаа орхиж байв.

Самбарт довтлохоос илүү зайнаас шидэж оноо цуглуулдаг Телетович анхны дабл-даблаа 2013 оны арваннэгдүгээр сарын 29-нд Хьюстон Рокетсийн эсрэг 18 оноо, 13 бөмбөг авалтаар хийсэн. 2014 оны нэгдүгээр сарын 24-нд Даллас Маверикстай тоглоход хувийн дээд 34 оноог авч байв.[2]

Эшлэл[засварлах | кодоор засварлах]

  1. "Sources: Nets, Mirza Teletovic agree". ESPN.com. Retrieved 3 July 2012.
  2. Notebook: Nets 107, Mavericks 106

Холбоос[засварлах | кодоор засварлах]

 Commons: Мирза Телетович – Викимедиа зураг, бичлэг, дууны сан