Найки

Чөлөөт нэвтэрхий толь — Википедиагаас
Jump to navigation Jump to search
Найки Инк.
Хууль эрх зүйн хэлбэр Хувьцаат компани
Үүсгэн байгуулагдсан 1964 онд (Блю Риббон Спортс нэртэйгээр),
1971 онд (Найки Инк.)
Үүсгэн байгуулагч Билл Бовермэн
Фил Найт
Төв байр Бивертон, Орегон, Америкийн Нэгдсэн Улс
Үйл ажиллагааны бүс Дэлхий даяар
Удирдах хүмүүс Марк Паркер (ТУЗ-ийн дарга, ерөнхийлөгч)
Фил Найт (ТУЗ-ийн гишүүн)
Орлого 32,4 тэрбум USD (2016)[1]
Ажилчид 70.700 (2016 он)[1]
Цахим хуудас www.nike.com

Найки, Инк. (америкийн англиар буюу албан ёсоор Nike Inc. [ˈnaɪki][2]; грекийн νίκη nike [níːkɛː], монг. "ялалт" буюу Найкэ, ялалтын бурхан үгээс гаралтай) нь 1964 болон 1971 онуудад үүсгэн байгуулагдсан, олон улсад үйл ажиллагаа эрхэлдэг америкийн спортын бараа үйлдвэрлэгч компани юм. Компанийн төв нь АНУ-ын Орегон муж улсын Бивертонд байрладаг. Найки нь 1989 оноос хойш спортын бараагаар дэлхийд тэргүүлэх болсон.[3] 2018 оны дундуур Найкигийн зах зээлийн үнэлгээ нь 110 сая тэрбум америк долларт хүрсэн бөгөөд үүгээр тус компани нь дэлхийн хамгийн үнэ цэнэтэй 100 компанийн нэгд тооцогдох болжээ.[4].

Түүх[засварлах | edit source]

Найки Эйр Макс

Южин дахь Орегон их сургуулийн тамирчин байсан Билл Бовермэн ба Фил Найт нар хамтран 1964 оны зургаадугаар сард Блю Риббон Спортс гэх нэртэй аж ахуйн нэгжийг байгуулжээ. Тус компани эхэндээ Оницука Тигер (өнөөгийн Asics) маркийн спорт гутал үйлдвэрлэж байгаад 1971 оноос Найки нэрийн дор өөрийн хээтэй ултай хөнгөн гутал үйлдвэрлэж эхэлсэн нь тухайн үедээ америкт шинэ гутлын үйлдвэрлэлийн нэгэн хийц байв.[5] 1972 онд тэдний анхны өөрсдөө үйлдвэрлэсэн гутлын цуглуулга худалдаанд гарчээ.[6]

Найки гутлаа тамирчидтай холбож чадсан нь тэдний борлуулалтын тоог нэмэгдүүлэв. Тус компани нь Мюнхенд зохиогдсон 1972 оны зуны олимпын наадмын 5000 метрт гүйн дөрөвт орсон Стив Префонтейны гутлыг бэлтгэн өгсөн нь бусад гүйлтийн тамирчдад үнэндээ сурталчилгаа болсон байна.[7] Найки 1978 оноос эхлэн европод гутлаа борлуулж эхэлжээ.

Найки 1984 онд тухайн үедээ сагсан бөмбөгийн шинэхэн мэргэжлийн тоглогч байсан Майкл Жордантай гэрээ хийн авчээ. Тэд хамтдаа нэлээд хэдэн загварыг гарган нэлээд цуглуулгтай болов. Хамтын ажиллагаа эхэлсэн эхний жилдээ Найки Эйр Жордан маркаар 130 сая долларын орлоготой ажиллав. Жордан тус компанид нийт 2,6 тэрбум долларын орлого оруулсан хэмээн үздэг байна.[8][9][10]

1989 онд Найки дэлхийн спортын бараа үйлдвэрлэгчдийн жагсаалтыг тэргүүлэх болсон ба өнөө ч энэ хэвээрээ байна.[3]

Лого[засварлах | edit source]

Найкигийн лого буюу свуш хэмээн нэрлэгдэх бэлгэдлийг тухайн үедээ график дизайнаар сурч байсан Кэролин Дэвидсон зурсан ба түүнийхээ хөлсөнд 35 доллар авч байжээ.[11] Өнөөдөр „Найкигийн дэгээ“ нь дэлхий даяартай хамгийн маркийн нэрнүүдийн нэг юм.

Бүтээгдэхүүн[засварлах | edit source]

Тамирчдын ивээн тэтгэгч[засварлах | edit source]

Найки нь төрөл бүрийн спортын тамирчдыг ивээн тэтгэдэг ба үүний жишээнд:[12]

Цахим холбоос[засварлах | edit source]

 Commons: Nike – Викимедиа дуу дүрсний сан

Эшлэл[засварлах | edit source]

  1. 1.0 1.1 Financial Statements for Nike Inc - Google Finance (англиар)
  2. yahoo.com: Найки маркийн нэрийг дуудаx дуудлагын тааврыг тайллаа, (герман хэл дээр)
  3. 3.0 3.1 Компанийн өөрийн түүхийн товчоон - 1980-аад он (англиар)
  4. Nike on the Forbes Top Regarded Companies List. In: Forbes. ([1] [abgerufen am 20. November 2017])
  5. Charles Panati: Universalgeschichte der ganz gewöhnlichen Dinge. Frankfurt 1994, S. 233 f.
  6. Unternehmenseigene Geschichtsdarstellung – 1950er Jahre Nikebiz (englisch)
  7. Nikebiz: Unternehmenseigene Geschichtsdarstellung – 1970er Jahre Nikebiz (englisch)
  8. The “Jordan Effect” The world’s greatest basketball player is also one of its great brands. What is his impact on the economy? CNN Money.com, 22. Juni 1998 (englisch)
  9. How Michael Jordan Still Makes $100 Million A Year. forbes.com, 11. März 2015; abgerufen am 13. Juni 2016
  10. The Economics Of Nike’s Air Jordan Brand. themarketmogul.com, 19. September 2015; abgerufen am 13. Juni 2016
  11. Designguide.at: Das Nike-Logo. 35 Dollar für einen Logo-Entwurf. Abgerufen am 22. Juli 2014.
  12. The Nike monopoly in sport (backpagefootball.com vom 28. Februar 2014, abgerufen am 6. März 2014)