Марио Гёце

Чөлөөт нэвтэрхий толь — Википедиагаас
Харайх: Удирдах, Хайлт
Марио Гётце
FIFA WC-qualification 2014 - Austria vs. Germany 2012-09-11 - Mario Götze 01.JPG
Гётце Германы шигшээд (2012)
Хувийн мэдээлэл
Бүтэн нэр Марио Гётце[1]
Төрсөн огноо 1992 оны 6 сарын 3 (1992-06-03) (22 настай)
Төрсөн газар Герман, Мемминген
Өндөр 1.76 м[2]
Байрлал Довтолгооны хагас хамгаалагч
Багийн мэдээлэл
Одоогийн баг Бавари Мюнхен
Дугаар 19[3]
Өсвөрийн баг
1995–1998 Ронсберг
2001–2009 Боруссиа Дортмунд
Мэргэжлийн замнал*
Он Баг Гараа (Гоол)
2009–2010 Боруссиа Дортмунд II 1 (0)
2009–2013 Боруссиа Дортмунд 83 (22)
2013– Бавари Мюнхен 27 (10)
Шигшээ баг
2007 Герман (15-) 2 (0)
2007–2008 Герман (16-) 8 (3)
2008–2009 Герман (17-) 13 (5)
2009 Герман (21-) 2 (0)
2010– Герман 35 (11)
* Мэргэжлийн замналын тоглолтын (гоол) үзүүлэлтийг дотоодын лигтэй нь уялдуулсан болно. Сүүлд шинэчилсэн: 2014 оны 5 сарын 3.

† Гараа (Гоол).

‡ Шигшээ багийн гараа болон гоолыг сүүлд шинэчилсэн: 2014 оны 7 сарын 13

Марио Гёце (герм. Mario Götze, 1992 оны зургаадугаар сарын 3-нд Мемминген хотод төрсөн) — Германы хөлбөмбөгчин бөгөөд Бавари Мюнхен болон Германы шигшээд тоглодог. Тэр 2014 оны ДАШТ-ий шувтаргад Аргентины хаалганд 113 дахь минутанд хожлын цор ганц гоолыг оруулсан билээ.

Замнал[засварлах]

Дортмундад 8 настайгаасаа хичээллэсэн Гёце Бундеслигийн анхны тоглолтоо 2009 оны арваннэгдүгээр сарын 21-нд Майнцтай хуурай тэнцэхэд Якуб Блашчиковскиг сэлгэн 88 дахь минутанд хийж байв. Дортмунд 2011-2012 онд Бундеслигт аваргалахад тэр тодорсон юм.

2013 оны дөрөвдүгээр сарын 23-нд Гёцег Бавари Мюнхен 37 сая еврогоор элсүүлсэнээ зарлав.

Шигшээ[засварлах]

2010 оны арваннэгдүгээр сарын 17-нд Германы шигшээд Шведтэй тоглоход сэлгээгээр гараалсан бол анхны гоолоо 2011 оны наймдугаар сарын 11-нд Бразилтай тоглоход 19 нас 68 хоногтойдоо оруулан шигшээн түүхэнд хамгийн залуу гоолдогчоор бичигдэв.

2014 оны ДАШТ-ий сонгонд дөрөв гоолдсон Гёце тэмцээний хэсэгт[4] Португали (4:0)[5], Ганатай (2:2) тоглоход нээлтийн гоолуудыг хийжээ.[6] Улмаар шувтарганд Аргентинтай нэмэлт цаг сунгахад гоёмсог гоолыг оруулан шигшээн дөрөв дэх түрүүг авахад тусалсан юм.[7]

Шигшээн гоолууд[засварлах]

Амжилт[засварлах]

Боруссиа Дортмунд
Бавари
  • Германы аварга (1): 2014
  • Германы цомын эзэн (1): 2013/2014
  • Германы супер цомын эзэн (1): 2013
  • Клубүүдийн дэлхийн аварга (1): 2013
  • Telekom-Cup тэмцээний аварга (1): 2013
  • Нийт: 5 цом
Герман
Хувийн
  • Фриц Вальтерийн нэрэмжит медаль:2009
  • Фриц Вальтерийн нэрэмжит медаль:2010
  • Бундеслигийн нээлтийн гоол: 2010/2011
  • Бундеслигийн бэлгэдлийн гарааны тоглогч: 2010/2011
  • Алтан жаал шагналын эзэн: 2011

Хувийн амьдрал[засварлах]

Гёце Германы Бавари мужийн Мемминген хотод төрсөн. Түүний аав Юрген Гёце нь Дортмундын Технологийн Их сургуулийн алдартай профессор хүн бол ах Фабиан Гёце Бохумд тоглодог.

Эшлэл[засварлах]

  1. "FIFA Club World Cup Morocco 2013: List of Players" (PDF), FIFA, 7 December 2013, p. 5. 7 December 2013-нд авсан. 
  2. Bayern Profile Mario Götze. FC Bayern. 22 May 2014-д хандсан.
  3. Die 19 für Götze, die 15 für Kirchhoff (German). FC Bayern Munich (21 June 2013). 11 July 2013-д хандсан.
  4. "Germany World Cup 2014 squad", The Telegraph, 2 June 2014. 22 June 2014-нд авсан. 
  5. "Germany 4-0 Portugal", BBC, 16 June 2014. 22 June 2014-нд авсан. 
  6. "Germany vs Ghana", BBC, 22 June 2014. 22 June 2014-нд авсан. 
  7. Götze volley gives Germany their fourth World Cup title. Deutsche Welle. 14 July 2014-д хандсан.

Холбоос[засварлах]