Ням-Осорын Учрал
| Ням-Осорын Учрал | |
| Монгол Улсын Их Хурлын Гишүүн | |
|---|---|
| 2016-одоо хүртэл | |
| Цахим хөгжил, харилцаа холбооны сайд | |
| 2022 оны 8 сар - одоо хүртэл | |
| Өмнөх | Шинээр байгуулагдсан |
| НАМЗХ-ны Ерөнхийлөгч | |
| 2019-одоо хүртэл | |
| Өмнөх | Ганзоригийн Тэмүүлэн |
| Монгол Улсын Засгийн газрын хэрэг эрхлэх газрын дарга | |
| 2024 оны 7 сарын 10 - 2025 оны 6 сарын 3 | |
| Өмнөх | Дашзэгвийн Амарбаясгалан |
| Дараах | Сандагийн Бямбацогт |
| Овог нэр | Ням-Осорын Учрал |
| Төрсөн | Улаанбаатар |
| Нам эвсэл | Монгол Ардын Нам |
Ням-Осорын Учрал (1987 оны 1-р сарын 2-нд Улаанбаатар хотод төрсөн) - 2016, 2020, 2024 онуудад Монгол Улсын Их хурлын гишүүнээр гурван удаа сонгогдсон хүн.
Н.Учрал нь 1987 оны 01 дүгээр сарын 02-нд төрсөн айлын том, түүний аав нь 2021 онд Ардын багш цол хүртсэн, доктор Намсрайн Ням-Осор "Их Засаг" олон улсын их сургууль үүсгэн байгуулагч, ээж нь багш мэргэжилтэй түүхийн ухааны доктор Ж.Цэцэгмаа.
Боловсрол
[засварлах | кодоор засварлах]- 2003 онд Их Засаг лицей сургууль, бүрэн дунд боловсрол эзэмшсэн,
- 2007 онд Их засаг олон улсын их сургууль, эрх зүйч мэргэжлээр төгссөн.
- 2010 онд Их Британийн Глоустершер их сургууль, Лимкоквин их сургуулийн Англи улсын Лондон хотын салбарт бизнесийн удирдлагын магистр хамгаалсан,
- 2012 онд Монгол улсын Боловсролын их сургууль, түүхийн ухааны магистрын зэрэгтэй,
- 2013 онд ОХУ-ын Шинжлэх ухааны академийн Сибирийн салбар, Түүхийн ухааны докторын зэрэг хамгаалсан.
Ажилласан байдал
[засварлах | кодоор засварлах]- 2007-2008 онд "Их засаг" олон улсын их сургуулийн ТУЗ-ийн дэд дарга
- 2010-2016 онд Рояаль Академи, Рояаль олон улсын дээд сургуулийн үүсгэн байгуулагч, ерөнхий захирал.
- 2012-2014 онд Нийслэлийн Монгол ардын намын хорооны улс төрийн хэлтсийн дарга,нийслэлийн БЗД-ийн Иргэдийн Хурлын төлөөлөгч.
- 2015 онд Засгийн газрын Хэрэг эрхлэх газарт Монгол улсын Шадар сайд У.Хүрэлсүхийн ажлын алба, Шадар сайдын олон нийттэй харилцах бодлогын зөвлөх.
- 2016 онд Улсын Их Хурал дахь Монгол Ардын намын /МАН/ бүлгийн зөвлөх.
- 2010 оноос Монголын Франчайзингийн Ассоциацийн ерөнхийлөгч,
- 2015 оноос МАН-ын дэргэдэх НАМЗХ-ны Дэд ерөнхийлөгч, 2019 оноос Ерөнхийлөгч,
- 2015 оноос "Yes Mongolia" Монголын залуу багш нарын холбооны ерөнхийлөгч,
- 2016 онд, 2020 онд Монгол Улсын Их Хурлын гишүүнээр Сонгино хайрхан дүүргийн 72 дугаар тойргоос хоёр удаа сонгогдсон.
- 2020 оноос Монгол Улсын Их Хурлын гишүүн, УИХ-ын Инновац, цахим бодлогын Байнгын хорооны дарга.
- 2022 оны 8-р сараас Цахим хөгжил, харилцаа холбооны сайд
- 2023 оноос Нийслэлийн Сүхбаатар дүүргийн МАН-ын хорооны даргаар ажиллаж байв.
- 2024 онд УИХ-ын гишүүнээр сонгогдоод Засгийн газрын ХЭГ-ын дарга, сайдаар ажиллаж байна.
Н.Учрал 2020 оны 11-р сард хүнд өвчин тусч амжилттай эмчлүүлсэн.
Гэр бүлийн байдал
[засварлах | кодоор засварлах]2008 онд Ч.Сэлэнгэтэй гэрлээд гурван хүүхэдтэй болсон.
Түүний эмэгтэй дүү Н.Ундрал МҮОНТВ-ийн хөтлөгч.
Шагнал
[засварлах | кодоор засварлах]2015 онд Боловсролын тэргүүний ажилтан цол тэмдэг хүртсэн.