Даги хатан (1266-1322) бол хиад боржигин Чингим хунтайжийн дунд хүү Дармабал ноёны их хатан юм. Тэрээр Хонгирад овгйин хүн юм. Дармабалад Хайсан хүлэг хаан, Буянт хаан нарыг төрүүлж өгсөн. Тэрээр 1307-1322 он хүртэл Юань улсад хамгийн их нөлөөтэй хүн байж, Тэмүдэр нарын зальхай сайд нарыг ивээлдээ авч, төрийг самарч байсан.

Гэр бүл

Элэнц өвөг:Хонгирадын Анчин ноён (Бөртэ хатны ах)
Эцэг:Хүндтөмөр (Анчин ноёны ач хүү)
Нөхөр: Дармабала ноён (хожим Хайсан хаан, Шүньзун хаан гэж нэхэн өргөмжилсөн)
Хүүхэд: Хайсан, Аюурбарбад, Сэнгэраги гүнж

Намтар

1307 оны 6 сард Хайсан ван, хаан суугаад төрүүлсэн эхээ хатан эхэд өргөмжилсөн. Дүү Аюурбарбадыг хунтайж болгожээ.
1310 оны 10 сард эзэн хаан, хунтайж нар олон сайдыг дагуулж, Синшэнгүнь ордонд Даги хатныг Тянь Син Шэн Цы Рэнь Жао И Шоу Юань хуантайхоу (天兴圣慈仁昭懿寿元皇太后) гэж өргөмжилжээ.
1311 оны 4 сард Аюурбарбад, хаан сууж, тэрээр хатан эх хэвээр үлдсэн.
1320 оны 4 сард Шадбал хунтайж, хаан оронд суугаад Тажи хатныг их хатан эх, өөрийн эх Раднашири хатан эх гэж өргөмжилжээ.
1322 оны 11 сарын 1 нд 56 насандаа таалал төгссөн. 1323 онд Гэгээн хаан эмэг эхдээ Жао Сянь Юань Шэн хатан гэж нэхэн өргөмжилж, өвгөдийн сүмд түүний тахилыг Дармабала Шүньзун хааны тахилын хамт тавьсан.