Төрөөгийн Баасанхүү

Төрөөгийн Баасанхүү
Хувийн мэдээлэл
Төрсөн огноо	12 сарын 29, 1989 (36 настай); Тэс сум, Увс аймаг
Алдар цол
Бөхийн цол	Улсын харцага
Улсын харцага	2016
Улсын начин	2013
Аймгийн арслан	2012
Аймгийн заан	2009
Тойргийн аймгийн начин	2008

Төрөөгийн Баасанхүү нь Увс аймгийн Тэс сумын уугуул, үндэсний бөхийн улсын харцага юм. Тэрээр үндэсний бөхөөс гадна самбо, жүдо бөхөөр хичээллэдэг бөгөөд самбо бөхийн 2009 оны залуучуудын УАШТ-ийн хүрэл, жүдо бөхийн оюутны УАШТ-ийн хүрэл медальтай. Том ах Т.Даваажав нь сумын цаан цолтой, дунд ах Т.Мягмаржав нь аймгийн арслан цолтой, улсад 3 давж байсан.

Амжилт

2008 онд Увс аймагт 5 давж Тойргийн аймгийн начин цол
2009 онд Увс аймгийн наадамд үзүүрлэн Аймгийн заан цол
2012 онд Өмнөговь аймгийн наадамд түрүүлж Аймгийн арслан цол
2013 онд Улсын наадамд 5 давж Улсын начин цол
2016 онд Улсын наадамд 6 давж Улсын харцага цол тус тус хүртсэн.

Улсын наадмын дэвжээнд

Он	Амжилт	Бөхийн тоо
2013	АХ-ын 92 жилийн ойн баяр наадамд улсын гарьд Н.Ганбаатараар дөрөв, улсын арслан Б.Ганбатаар тав давж " Монгол улсын начин " цолыг хүртсэн.	512
2016	АХ-ын 95 жилийн ойн баяр наадамд аймгийн арслан Б.Тайвангаар дөрөв, улсын начин Л.Лха-Очироор тав, аймгийн арслан (улсын начин) Д.Амарсайханаар зургаа давж " Монгол улсын харцага " цолыг хүртсэн.	1024

Аймгийн наадмын дэвжээнд

Он	Амжилт	Бөхийн тоо
2009	Увс аймгийн баяр наадамд зургаа давж, аймгийн арслан Т.Мягмаржавд өвдөг шороодон үзүүрлэж " Аймгийн заан " цол хүртсэн.	128
2012	Өмнөговь аймгийн баяр наадамд улсын начин Ш.Дарханбатаар найм даван түрүүлж " Аймгийн арслан " цол хүртсэн.	256