Уур амьсгалын өөрчлөлт

Чөлөөт нэвтэрхий толь — Википедиагаас
Jump to navigation Jump to search

Уур амьсгалын өөрчлөлт гэдэг нь дэлхийн бөмбөрцөг даяар, эсвэл тодорхой бүс нутгийн уур амьсгалын нөхцөл хувьсан өөрчлөгдөхийг хэлнэ.

Байгалийн буюу хүний үйл ажиллагаанаас гаралтай нүүрсхүчлийн хий, метан, азотын давхар исэл, гидрофторт нүүрстөрөгчүүд, перфторт нүүрстөрөгчүүд, гексафторт хүхэр гэх мэт хийг хүлэмжийн хий гэнэ. Эдгээр хийнүүдийн агаар мандал дахь агууламж нэмэгдсэнээр дэлхийгээс цацрах дулааны цацрагийг дэлхий рүү буцаан ойлгож агаарын температур нэмэгдэх буюу хүлэмжийн нөлөөлөл/ үзэгдэл бий болгосноор (дэлхийн дулаарал), улмаар дэлхийн уур амьсгал өөрчлөгдөхөд нөлөөлж байна.

Түүнчлэн байгалийн хүлэмжийн үзэгдэл байхгүй байсан бол дэлхийн гадаргын температур ус хөлдөх цэгээс доош байх байсан, энэ утгаараа хүлэмжийн үзэгдэл нь дэлхий дээр амьдрал буй болох боломжийг бүрдүүлдэг. Гэвч хүний үйл ажиллагаа, малтмал түлш, шатах тослох материалын шаталт, ойн бүрхэвчийг устгах зэргээс үүдэн агаар мандал дахь хүлэмжийн хийн агууламж нэмэгдэж, дэлхийн дулаарлыг улам эрчимжүүлж, улмаар уур амьсгал өөрчлөгдөхөд хүргэж байна. Гренландын мөсөн уулууд хайлж, урссанаар дэлхийн далайн усны түвшин эрдэмтдийн тооцоолж байснаас илүү хурдтайгаар нэмэгдэж байгаа аж. Хэрэв энэ эрчээрээ явбал 2100 он гэхэд далайн түвшин 1,31 метрээр нэмэгдэх аж. Харин 2500 он гэхэд тивүүдийн мөнх цас, мөсөн гол, мөнх цэвдэг, Антарктидын мөс хайлах зэрэг шалтгааны улмаас дэлхийн далайн түвшин 13 метрээр нэмэгдэнэ гэх судалгааг эрдэмтэд гаргасан байна.

Цахим холбоос[засварлах | edit source]

 Commons: Уур амьсгалын өөрчлөлт – Викимедиа зураг, бичлэг, дууны сан
Wiktionary
Wiktionary: Уур амьсгалын өөрчлөлт – Энэ үгийг тайлбар толиос харна уу