Хөдөлмөрийн Үндэсний Нам

Чөлөөт нэвтэрхий толь — Википедиагаас
Jump to navigation Jump to search
Хөдөлмөрийн Үндэсний Нам
Зөв Хүн Электорат Эвслийн бэлгэдэл
Бадрахын Найдалаа
Намын дарга Бадрахын Найдалаа
Ерөнхий нарийн
бичгийн дарга
Доноровын Гантулга
Орлогч дарга Тогмидын Доржханд
Байгуулагдсан 2011 оны 12-р сарын 5
Төв байр Улаанбаатар
Үзэл баримтлал Социал демократ
Өнгө(нүүд)

██ нил ягаан

Улсын Их Хурал
1 / 76

Хөдөлмөрийн Үндэсний Нам буюу ХҮН нам нь Монголын Улсын Дээд шүүхэд бүртгэлтэй улс төрийн 35 намын нэг, парламентэд суудалтай улс төрийн хүчин.

Түүх[засварлах | edit source]

Хөдөлмөрийн үндэсний нам (ХҮН) анх 2011 онд үүсгэн байгуулагдсан бөгөөд Улсын дээд шүүхийн 2011.12.05-ны өдрийн 14-р тогтоолоор бүртгэсэн байна.

Хөдөлмөрийн Үндэсний Нам 2015 оныг хүртэл Монгол Улсад цөөнгүй байдаг ганц буюу цөөн хүнээс хамаарсан, нам гүм, жижиг нам байсан боловч нь 2015 оноос шинэ манлайлагч гишүүд намын удирдах эрхэнд гарснаар ХҮН эрс шинэчлэгдэн, Монголын улс төрийн амьдралд цоо шинэ өнгө аяс оруулж эхэлжээ.

Шинэчлэгдэн зохион байгуулагдаж, шинэ залуу, боловсролтой, урьд өмнө улс төрд хутгалдаж байгаагүй мэргэжилтнүүд намыг толгойлж, идэвхитэй үйл ажиллагаа явуулж эхэлснээр 2015 оноос хойш ХҮН-ын гишүүд, дэмжигчид олноор нэмэгдэх болсон байна. 2016 оны УИХ-ын сонгуульд амжилттай оролцох нь гарцаагүй гэж улс төр судлаачид дүгнэж, иргэд сонгогчдын дунд ч хүлээлт өндөр байв. Гэтэл намын дотоод асуудал болон бусад улс төрийн хүчин, зарим улс төрчдийн зүгээс явуулсан санаатай хутган үймүүлэх ажиллагааны үр дүнд Хөдөлмөрийн үндэсний намын удирдлагын дунд маргаан дэгдэж, улмаар сонгуульд оролцох боломжгүй болсон юм. Нам нь УИХ-ын сонгуульд оролцоогүй ч гол лидерүүд болох 25 хүн бие даан нэрээ дэвшүүлж, чамгүй олон хүний санал авсан байдаг.

2015 онд намыг шинэчлэн зохион байгуулж, зах зээлд гаргаж ирсэн баг буюу Б.Найдалаа, Т.Доржханд, Д.Гантулга тэргүүтэй баг тууштай үйл ажиллагаа явуулсаар 2018 онд намын дотоод маргааныг бүрэн цэгцэлж, ямар нэг дотоод асуудалгүй болж чадсан байна. ХҮН тогтвортой, идэвхитэй үйл ажиллагаа явуулсаар ирсэн тул иргэдийн итгэл дахин сэргэж, гишүүд, дэмжигчдийн тоо нэмэгдсээр иржээ.

2020 оны УИХ-ын Сонгуульд үзэл баримтлал нэг Монголын социал демократ нам (МСДН), Зүй ёс нам (ЗЁН) намуудтай Зөв ХҮН Электорат эвслийг байгуулан, эвслийг толгойлон оролцжээ. УИХ-ын гишүүнээр Тогмидын Доржханд Хан-Уул дүүргийн тойргоос сонгогдсоноор Зөв ХҮН Электорат эвсэл парламентад суудалтай улс төрийн хүчин болсон байна.

Хөдөлмөрийн үндэсний намын удирдлага дараах бүтэцтэй. Үүнд, Намын дарга Бадрахын Найдалаа, Удирдах зөвлөлийн дарга Тогмидын Доржханд, Ерөнхий нарийн бичгийн дарга Доноровын Гантулга, Удирдах зөвлөлийн гишүүд Баатаржавын Мөнхсоёл, Жаргалсайханы Золжаргал, Нарийн бичгийн дарга Дашдондогийн Үүрцайх, Нийслэлийн намын хорооны дарга Пүрэвсүрэнгийн Наранбаяр.

Үзэл баримтлал[засварлах | edit source]

Монгол Улсыг хөгжүүлэх, Монгол хүн, Монголын орчин нөхцөл, үндэсний зорилгод нийцсэн гэж үздэг ХҮН ДЭЭД үзэл баримтлалтай. ХҮН ДЭЭД үзэл баримтлал нь зүүн төвийн социал демократ үзэл баримталтай нийцдэг байна.

Улсын Их Хурлын сонгууль[засварлах | edit source]

Сонгууль Авсан суудал Саналын тоо Саналын хувь Үр дүн Удирдагч
2020
1 / 76
Зөв Хүн Электорат Эвсэл
209,104 5.2% 1 суудал (1) Бадрахын Найдалаа