Цэрэндоржийн Чулуунбат

Чөлөөт нэвтэрхий толь — Википедиагаас
Jump to navigation Jump to search
Цэрэндоржийн Чулуунбат
Ерөнхий мэдээлэл
Төрсөн нэр Цэрэндоржийн Чулуунбат
Тайзны нэр Харангын Чука
Төрсөн 1957 оны 2 сарын 16 (1957-02-16) (62 настай)
Хөгжмийн урсгал Рок, поп
Зэмсэг Аргил гитар, вокал
Студи Up Music Продакшн
Хамтардаг хөгжимчид Драммын Театрын хөгжимчин 1973-75
Залуус хамтлаг 1975-1977
Соёмбо хамтлаг 1977-1989
Харанга 1989-одоо


Цэрэндоржийн Чулуунбат МУУГЗ (1957 оны хоёрдугаар сарын 16-нд төрсөн) нь Харанга хамтлагийн аргил гитарчин, мөн Энимон хамтлагийн продюсер юм. 2009 оны наадмаар "Монгол Улсын Урлагийн Гавъяат Зүтгэлтэн" цол тэмдэгийг хүртсэн

Харангаас өмнө[засварлах | edit source]

Тэрээр 1973 онд Сэлэнгэ аймгийн Драммын Театрт хөгжимчнөөр 1975 он хүртэл ажиллаж ажил хөдөлмөрийн гараагаа эхлэсэн юм. 1975-77 онд Залуус хамтлагт тоглож байгаад 1977 онд цэрэгт татагдаж, Соёмбо хамтлагт орсон юм. Соёмбо хамтлагт байхдаа Харанга хамтлагийн гитарчин Ц.Энхманлай, Я.Одсүрэн, бөмбөрчин Н.Пүрэвдаш нартай танилцсан билээ. Энэ хугацаандаа тэрээр "Чамдаа дуулах дуу", "Нутгийн чулуу" зэрэг хит дуунуудаа бичсэн байдаг

Харанга хамтлаг[засварлах | edit source]

1989 онд УДБЭТ-ын дэргэд Манлай, Оогий, Пүүжээ нартай хамтран рок хамтлаг байгуулж аргил гитарчин, дуучнаар оржээ. Удалгүй уг хамтлагт дуучин хэрэгтэй болж, Цэргийн хөгжимд хамт тоглож байсан Х.Лхагвасүрэнг дуучнаар авчээ.

Ц.Чулуунбат Харанга хамтлагийн олон хит дуунуудыг зохиосон бөгөөд, жишээ дурдвал "Үгүйлэн санана", "Дөрвөн улирал", "Замд гаръя" зэрэг юм

Хувийн карьер[засварлах | edit source]

Монголын рок поп урлагт тэрээр хүндтэй байр суурь эзлэдэг бөгөөд Freezone ийг продюсерлэж, 2001 онд "Chuka and Freezone" нэртэй цомог хийсэн юм. Тэрээр 2005 онд Up Music продакшнийг байгуулжээ. Up music продакшн нь 2010 онд 25-р суваг телевизийн "Making the band" шоугаар "Энимон" хамтлагийг байгуулсан. Түүний дуулсан "Амьдралын бэлэг" дуу нь 2016 оны "Үндэсний шилдэг 21 дуу"-ы нэгээр шалгарсан. 2005 онд тэрээр бие даасан "My Street" цомгоо гаргасан нь Монголын CD борлуулалтын түүхэндэхь хамгийн амжилттай цомог болсон юм. Үүнийхээ дараа "Chuka's Songs", "Содон Аялгуу", "Амьдралын бэлэг" цомгуудыг гаргасан.

Бусад[засварлах | edit source]

Цэнхэр дэлгэц цувралуудад хамтлагтайгаа оролцсон. 2015 оноос "Авьяаслаг Монголчууд" шоуны шүүгчээр ажиллаж байна. Мөн 2016 онд Монгол телевизийн Гацуурхан кинонд оролцон тоглосон.

Цомгууд[засварлах | edit source]

  • 2003 онд "Chuka&Freezone" цомог
  • 2005 онд "My Street" цомог
  • 2005 онд Chuka&All Stars "Зуун зуун жил" цомог
  • 2005 онд Chuka's Songs "Толин хул" цомог
  • 2013 онд Chuka&Friends "Содон аялгуу" цомог
  • 2017 онд "Амьдралын бэлэг" цомог

Тоглолтууд[засварлах | edit source]

Шагнал[засварлах | edit source]

Холбоос[засварлах | edit source]

https://www.facebook.com/HarangaChuka https://www.upmusic.mn