Чулуунбаатарын Шархүүхэн

Чөлөөт нэвтэрхий толь — Википедиагаас
Jump to navigation Jump to search
Чулуунбаатарын Шархүүхэн
Төр. он 1940 он
Тө. газар Монгол улсын Сүхбаатар аймгийн Халзан сум
Үндэстэн Монгол үндэстэн
Иргэн Flag of Mongolia.svg Монгол
Ажил дуучин

Чулуунбаатарын Шархүүхэн - БНМАУ-ын Ардын Жүжигчин уртын дуучин.

Орон нутагтаа мал маллан аж төрж байгаад, 1958 онд Дорнод аймгийн ХДТ-т жүжигчнээр орж, 1962 оноос Хэнтий аймгийн “Хан Хэнтий” чуулгад гоцлол дуучнаар ажиллаж, хэдийгээр насны тэтгэвэрт гарсан ч уран бүтээлийн ажлаа хийсээр байна.

Монгол ардын дууны нэрт мастер түүний урын санд “Уяхан замбуу тивийн наран”, “Өвгөн шувуу”, “Уртын сайхан хүрэн”, “Алтан богдын шил”, “Жаахан шарга” гэхчилэн олон aйзам болон бэсрэг уртын дуу бий.

1978 онд Софид болсон ДЗО-ны их наадамд оролцож “Алтан богдын шил” дуугаараа алтан медаль хүртжээ. Мөн “Учиртай гурван толгой”-н Нансалмаа зэрэг нэлээд жүжгийн дүрийг бүтээжээ.

Хэнтий аймгийн Соёлын ордны жүжигчин байхдаа БНМАУ-ын Ардын Жүжигчин /1978-07-31. №179/, Гавьяат Жүжигчин /1973-07-10. №156/ цолыг хүртсэн нь аймгуудын театруудаас Ардын цол авсан эхний тохиолдол болжээ.