Шинин

Шинин хот
ᠰᠢᠨᠢᠩ ᠬᠣᠲᠠ
Шинин хот ; ᠰᠢᠨᠢᠩ ᠬᠣᠲᠠ
	аймгийн энтэй хот
	Аймгийн энтэй Шинин хот ; 西宁市 (Xīníng Shì) ; Xining / Синин ; ཟི་ལིང (Zi-ling)
	Skyline of Шинин хот ; ᠰᠢᠨᠢᠩ ᠬᠣᠲᠠ
	Location of {{{official_name}}}
Улс орон	Хятад (БНХАУ)
Муж, орон	Хөхнуур
Аймаг, хот	Шинин
Хошуу, шянь	4 дүүрэг, 2 шянь,; 1 өөртөө засах шянь
Газар нутаг	7,372 км²
– хот нь	– 343 км²
Хүн ам	2,208,708 хүн
– хотдоо	– 1,198,304 хүн
Цагийн бүс	Хятадын цаг (ГЦ+8)

Тийн ялгал
нэрлэх	Шинин	ᠰᠢᠨᠢᠩ ^[1]
харьяалах	Шинингийн	ᠰᠢᠨᠢᠩ ᠦᠨ
өгөх орших	Шининд	ᠰᠢᠨᠢᠩ ᠳᠥ
заах	Шининг	ᠰᠢᠨᠢᠩ ᠢ
гарах	Шинингээс	ᠰᠢᠨᠢᠩ ᠡᠴᠡ
үйлдэх	Шинингээр	ᠰᠢᠨᠢᠩ ᠶᠢᠡᠷ
хамтрах	Шининтэй	ᠰᠢᠨᠢᠩ ᠲᠡᠢ
чиглэх	Шинин уруу	ᠰᠢᠨᠢᠩ ᠤᠷᠤᠭᠤ

Шинин (西宁) бол засаг захиргаа, нутаг дэвсгэрийн хуваариар Хятад улсын Хөхнуур (Цинхай, Чинхай) мужийн хот хөдөө аль алиныг багтаасан 7,372 км² газар нутагтай, 2,208,708 хүнтэй аймгийн энтэй хот юм. Дотроо 4 дүүрэг, 3 шянь (хошуу)-ийг багтаадаг. Дөрвөн дүүргийг нь хамтад нь 1.2 сая хүнтэй Шинин хот гэж ойлгож болох боловч яг хот газар нь очьё гэвэл Чэнжун гэсэн нэртэй 3 буман хүнтэй ганцхан дүүрэгт нь л очиход болно.

Урьд нь Шинин яг Хятад нутаг болох Ганьсү мужид хамаардаг байж байгаад 1928 онд Хөхнуур нутагт хамаардаг болжээ. Хөхнуур мужийн зүүн хойд буланд байрладаг бөгөөд Хөхнуур–Төвөдийн өндөрлөгт, өөрөөр хэлбэл Төвөдийн ӨЗО, Хөхнуур муж хоёрын хамгийн том хот нь юм. Төмөр замаар аль 1959 онд Ланьжоу хоттой хэлхэгдсэн бол баруун зүгт Цайдамын хотгороор аялж Голмуудыг дайраад 2006 онд Төвөдийн Лхастай холбогдсон. Шининд Буддын шашны Гүмбүм хийд, Лалын шашны Дунгуань сүм хоёр байдаг. Хотын төвөөс баруунш 100 км явж байж Хөх нуурт хүрнэ. Хотын оршин суугчдын 74% нь хятад, 16% нь хотон (хуй, хотон хятад), 5.5% нь төвөд, 2.6% нь монгор (цагаан монгол) хүмүүс юм гэдэг.