Эрдэнийн Бат-Үүл

Чөлөөт нэвтэрхий толь — Википедиагаас
Харайх: Удирдах, Хайлт

Эрдэнийн Бат-Үүл (1957 оны долдугаар сарын 1-нд Улаанбаатар хотод төрсөн) Монголын Ардчилсан хувьсгалын анхны зүтгэлтнүүдийн нэг, нийслэлийн засаг дарга бөгөөд Улаанбаатар хотын захирагч, УИХ-ын гишүүн асан. Монгол улсын баатар цолтой. Ардын Уран Зохиолч С.Эрдэнийн хүү юм.

Боловсрол[засварлах | edit source]

1990 оноос өмнөх замнал[засварлах | edit source]

Тэрбээр 1981-1982 онд Барилгын техник мэргэжлийн сургуульд багшаар ажиллаж байгаад, 1982-1985 онд өөрийн хүсэлтээр Хөвсгөл аймгийн Рэнчинлхүмбэ сумын 10 жилийн дунд сургуульд багшаар томилогдон ажиллаж байв. 1985-1989 онд Шинжлэх ухааны академид эрдэм шинжилгээний ажилтнаар ажиллаж байлаа. Ийнхүү академид ажиллаж байхдаа 1988 оноос Шинэ Үе хэмээх нууц бүлгэмийг байгуулж ардчилсан үзэл санааг түгээх зорилготой ухуулах хуудас нааж эхэлснээр улс төрийн амьдралын гараагаа эхлүүлжээ.

Ардчилсан хувьсгалын үе ба түүнээс хойших улс төрийн амьдрал[засварлах | edit source]

Бат-Үүл 1990 онд Монголын Ардчилсан Намыг анх байгуулалцаж, анхных нь даргаар сонгогдон 1992 он хүртэл ажиллаж байлаа. Тэрбээр 1990-1992 онд Ардын Их Хурлын депутат, 1992-1996 онд Монголын Ардчилсан Намын улс төрийн судалгааны хүрээлэнгийн захирал, Монголын Үндэсний Ардчилсан Намын Ерөнхий нарийн бичгийн дарга, дэд даргаар ажиллаж байгаад 1996-2000 онд Монгол Улсын Их Хурлын гишүүнээр сонгогдон ажиллаж байв. Харин 1998 оны 10 сарын 2 нд амь үрэгдсэн Зоригийн хэрэгт нэр холбогдож сэжигтэнээр татагдаж байсан. 2000-2004 онд Чугу ХХК-д ажиллаж байгаад 2004, 2008 онд Монгол Улсын Их Хурлын гишүүнээр дахин сонгогдож 8 жил ажиллажээ.

2009 онд Ардчилсан хувьсгалын 20 жилийн ойгоор Монгол Улсын баатар цолоор шагнуулсан[1].

Тэрээр 2012 оны Нийслэлийн Иргэдийн Төлөөлөгчдийн Хурлын сонгуульд Ардчилсан Намын жагсаалтыг тэргүүлэн оролцож намдаа ялалт авчирсан бөгөөд 2012 оны 8 сарын 7-ноос нийслэлийн засаг дарга бөгөөд Улаанбаатар хотын захирагчийн албыг хашиж байна...

Худал хэлсэн баримтууд[засварлах | edit source]

  • Бат-Үүл нь Улаанбаатар хотын дарга болсоны дараа " ... зөвшөөрлгүй 64 барилгыг бариулахгүй..." гэсэн боловч ажил бололгүй хий хоосон үг болсон. [2].


Лавлах материал[засварлах | edit source]

Эшлэл[засварлах | edit source]

  1. "Э.Бат-Үүлд Улсын баатар цол олголоо", news.mn, 2009-12-10. 2009 оны 12 сарын 10-нд авсан. 
  2. http://www.photonews.mn/post/6362.html