Үлэмжийн Хярсан
Үлэмжийн Хярсан (Орос: Кирса́н Никола́евич Илюмжи́нов; хал. Үлмҗин Кирсән; Төрсөн өдөр: 1962 оны 4 сарын 5) нь Оросын Холбооны Улсын Бүгд Найрамдах Халимаг Улсын анхны ерөнхийлөгч (1993-2010), Олон Улсын Шатрын Холбоо （FIDE）-ны ерөнхийлөгч.
Намтар
[засварлах | кодоор засварлах]Кирсан Илюмжинов 1962 оны 4 сарын 5-нд Зөвлөлт Холбоот Улсын Бүгд Найрамдах Автономит Халимаг Улсын нийслэл Элистад төржээ. Аав Николай нь инженер, ээж нь малын эмч. Тэрээр дунд сургуулиа төгсөөд 1 жил үйлдвэрт ажиллаж, ажлын гараагаа эхэлжээ. 18 настайдаа цэрэгт татагдаж, 1980-1982 онд цэргийн алба хаав. Улмаар Москвагийн Олон Улсын Харилцааны Их Сургуулийг дүүргэжээ. Цэргээс халагдмагц бизнест хөл тавьсан байна.
1990 онд Оросын Ардын Төлөөлөгчдийн Хуралд гишүүнээр сонгогдон ажиллаж байгаад 1993 оны 4 сарын 11-нд Бүгд Найрамдах Халимаг Улсын ерөнхийлөгчөөр сонгогдсон байна. Мөн оны 12 сард Холбооны Зөвлөлийн сонгуульд ялж, парламентийн дээд танхимын гишүүн болжээ. 1995 оны 10 сарын 15-нд дахин Халимагийн ерөнхийлөгчөөр сонгогдсон байна. Мөн онд Олон Улсын Шатрын Холбооны ерөнхийлөгчийн албан тушаалд сонгогдон, өдийг хүртэл хашиж байна. 2010 оны 10 сарын 24-нд Халимагийн ерөнхийлөгчийн албан тушаалаас огцорсон.[1][2]
Эшлэл
[засварлах | кодоор засварлах]- Шатрын тэргүүн
- Оросын холбооны муж улсын төрийн тэргүүн
- Оросын улс төрч
- Оросын бизнесмен
- Москвагийн Олон Улсын Харилцааны Улсын Хүрээлэнгийн төгсөгч
- Алтан гадас одон шагналтан
- Найрамдлын одон шагналтан
- Оросын аугаа эх орны гавьяаны одон шагналтан
- Олон Улсын Шатрын Холбооны хүн
- Зөвлөлтийн иргэн
- Халимагийн хүн
- 1962 онд төрсөн