1992 он

1992 он бол Григорийн тооллын манай эриний 1992 дахь, 2 дахь мянганы 992 дахь, 20-р зууны 92 дахь жил бөгөөд Лхагва гарагаар эхэлсэн, өндөр жил байв.

НҮБ 1992 оныг олон улсын сансрын жил болгон зарлажээ.

Онцлох үйл явдал

Нэгдүгээр сар

• 1-нд НҮБ-ын ерөнхий нарийн бичгийн даргаар Египетийн төлөөлөгч Бутрос Бутрос-Гали (1997 оны 1-р сарын 1 хүртэл) сонгогдсон.
• 3-нд Украины Ерөнхийлөгч Леонид Кравчук Украинд байрлаж байсан хуучин Зөвлөлт Холбоот Улсын цэргүүдийг өөрийн ерөнхий командлалд авсан байна.
  • БНХАУ, Казахстан хоёр улс дипломат харилцаа тогтоосон.
  • Украин, АНУ хоёр дипломат харилцаа тогтоосон.
• 10-нд Украин, Их Британи дипломат харилцаа тогтоосон.
• 12-нд Орос, Украин хоёр Хар далайн усан цэргийн флотыг хувааж авах тухай хэлэлцээрт гарын үсэг зурсан.
• 13 -нд Монгол Улсын шинэ Үндсэн хууль батлагдсан.
• 22-нд Монгол Улс, Казахстан хоёр улс хооронд дипломат харилцаа тогтоосон.

Хоёрдугаар сар

• 14-нд Орос, Украин хоёр дипломат харилцаа тогтоосон. Сүүлд 2022 оны 2-р сарын 24-нд Оросын Украин руу довтолсны дараа дипломат харилцаагаа тасалсан.
• 19-нд АНУ нь Узбекистан, Тажикистан болон Туркменистантай дипломат харилцаа тогтоосон.
  • Армени, Австри улсууд дипломат харилцаа тогтоосон.

Гуравдугаар сар

• 3-нд хуучин ЗХУ-ын цэргүүд Литва улсаас гарч эхэлсэн.
• 16-нд ОХУ-ын Батлан хамгаалах яам байгуулагдсан.

Дөрөвдүгээр сар

• 15-нд Вьетнам улсын Үндэсний Ассамблей шинэ Үндсэн хуулиа батлав.
• 27-нд ОХУ-ыг Олон улсын Валютын санд элсүүлэн авав.

Зургаадугаар сар

• 28 -нд Монгол Улс шинэ Үндсэн хуулийн дагуу анх удаа УИХ-ын сонгуулийг зохион байгуулав.

Долоодугаар сар

• 20-нд УИХ-ын анхны сонгуулиар МАХН олонхын санал авч, Пунцагийн Жасрайг ерөнхий сайдаар томилж, 15 яамтай засгийн газрыг байгуулсан.

Аравдугаар сар

• 1-нд Монгол улсын Анагаах ухааны дээд сургуулийн 50 жилийн ойг тэмдэглэв.
• 6-10-нд Тайландын гүнж Маха Чакри Сириндхорн анх удаа Монгол Улсад албан ёсоор айлчлав.