Нил Армстронг

Чөлөөт нэвтэрхий толь — Википедиагаас
Харайх: Удирдах, Хайлт
Нил Армстронг
Нил Армстронг сансрын нисэгчийн өмсгөлтэйгээ, 1969 оны 7 сар
Neil Armstrong Signature.svg
НАСА-гийн сансрын нисэгч
Бусад нэр Нил Алден Армстронг
Иргэншил Америк
Төрсөн 1930 оны 8 сарын 5 (1930-08-05)
АНУ, Охайо, Вапаконета
Нас барсан 2012 оны 8 сарын 25 (82 насалсан)
АНУ, Охайо, Колумбус
Өмнөх ажил Тэнгисийн Цэргийн Хүчний нисгэгч, туршин нисгэгч
Сансарт өнгөрүүлсэн хугацаа 8 өдөр 14 цаг 12 минут 31 секунд
Сонголт 1958 Сансарт удахгүй нисэх хүн
1960 Дина-Сөүр
1962 НАСА-гийн 2-р бүлэг
Задгай сансарт гарсан тоо 1
Задгай сансарт байсан хугацаа 2 цаг 31 минут
Даалгавар Жемини 8, Аполло 11
Даалгаврын тэмдэг Ge08Patch orig.png Apollo 11 insignia.png
Шагнал Ерөнхийлөгчийн Эрх Чөлөөний Медаль Конгрессийн Сансрын Алдрын медаль

Нил Алден Армстронг (англ. Neil Alden Armstrong, 1930 оны 8 сарын 5 - 2012 оны 8 сарын 25) нь АНУ-ын Охайо мужид төрсөн сансрын нисгэгч, туршин нисгэгч, их сургуулийн профессор бөгөөд тэрээр хүн төрөлхтний түүхэнд Саран дээр хөл тавьсан анхны хүн юм. Анх тэрээр 1966 онд Охины орд-8 (Gemini) хэмээх санрын хөлгөөр сансарт нисчээ. Энэ нислэгийн үеэр тэр анх удаагаа сансрын хоёр хөлгийг сансарт залгаж холбох үйл ажиллагааг нисгэгч Дэвид Скоттой хамтран хийсэн байна. Армстронг 2 дахь удаагаа буюу сүүлийнхээ нислэгээр Аполло-11 хөлгөөр нисэн 1969 оны 7 сарын 20-нд саран дээр хөл тавьжээ. Энэ аяллын үеэр Армстронг нисгэгч Базз Олдрины хамт саран дээр газардан 2 цаг хагасыг сарны гадаргуу дээр өнгөрөөсөн ба харин энэ үед тэдний багийн Майкл Коллинс Удирдлагын Модуль дотор үлдэж, тойрог замд тэднийг хүлээж байв. Энэ амжилттай аяллынхаа төлөө Армстронг Конгрессын Сансрын Гавъяаны Медаль хүртсэн. Сансрын нисгэгч болохоосоо өмнө Армстронг АНУ-ын Тэнгисийн хүчинд алба хааж, Солонгосын дайнд оролцож байжээ.