Jump to content

Амухай

Википедиа — Чөлөөт нэвтэрхий толь

Амухай[1] (хятадаар: 唵木海, пиньинь: Ǎn mù hǎi) нь Их Монгол Улсын буут цэргийн даргач, цэргийн жанжин юм. Тэр бол баргуд овгийн Бөхчүгийн хөвүүн бөгөөд анх эцгээ дагаж Чингис хаанд дагаар ороод бууч цэрэг болжээ. 1214 онд Мухулай вангийн тушаалаар их буут цэргийн даргач болж, 500 гаруй цэргийг сурган бэлтгэж, Алтан улстай хийсэн олон удаагийн тулаанд амжилттай байлдсан тул ихээр шагнуулжээ.

Өгэдэй хааны үед Алтан улс, Сун улсын эсрэг хийсэн дайн байлдаанд буут цэргээ удирдан амжилттай байлдсан тул, цэргийн сургагч багш болжээ. Мөнх хааны үед тушаал дэвшиж цэргийн жанжин болсон. 1253 онд хан хөвүүн Хүлэгүгийн баруун зүгт хийх аян дайнд өөрийн захирсан их буут цэргээ удирдан явж байгаад зам зуурт өвчнөөр нас барсан.

Удам угсаа[засварлах | кодоор засварлах]

Амухайгийн хөвүүн Тэмүдайр нь монголын бууч цэргийн даргач байсан. Тэмүдайр нь Худудар гэх хөвүүнтэй. Тэрбээр Юань улсын үед буут цэргийн түмтийн ноён, даргач байсан.

Эшлэл[засварлах | кодоор засварлах]

  1. Түүний нэрийг монголын түүхийн олонх ном бүтээлд Ямухай гэж тэмдэглэх нь түгээмэл.