Батдоржийн Баасанжав

Батдоржийн Баасанжав
Хувийн танилцуулга
Төрсөн он	1954 он (69–70 настай)
Төрсөн газар	Хятад, Шинжаан, Бортал
Яс үндэс	монгол үндэстэн (цахар ястан)
Улсын иргэн	Хятад (БНХАУ)
Ажил үйл	жүжигчин
Жүжигчний танилцуулга
Төрөл	дэлгэц (ОАК, УСК)
Танил үе	1984 он — өнөөдөр

Батдоржийн Баасанжав (1954 онд төрсөн) — Хятадын жүжигчин, монгол үндэстэн.

Бага нас

Баасанжав 1954 онд Хятад улсын Шинжаан орны Бортал тойргийн Хартулга гэдэг газарт малчин монгол айлын тавдугаар хүүхэд болон төрсөн. Эцэг Батдорж нь цахар, эх Мумгаа нь ойрад ястан. Баасанжав дээрээ хоёр ах, хоёр эгчтэй, доороо нэг дүүтэй боловч дүү нь айлд өргөгдсөнөөр гэртээ отгон нь болжээ.

Урлаг

Бүжигчин

Баасанжав 13 настайгаасаа Өвөр Монголын урлагийн сургуульд бүжигчин болсон. Томроод Бээжинд очиж Хятадын цэргийн дуу бүжгийн чуулгын бүжигчин болжээ.

Жүжигчин

1984 онд Өвөр Монголд ирж кино жүжигчин болсон. Анхны дүр нь "Хуан Жинхай" киноны малчин Сүхээгийн дүр байв. Баасанжав 2004 оны «Чингис хаан» олон ангит киноны Чингис хааны дүрээр алдаршсан. Түүний дараа «Монгол» УСК-ны Есүхэй, «Улаан хавцал» киноны Гуань Юя дүрийг бүтээжээ.

Гэр бүл

Баасанжав Өвөр Монголын дуучин монгол үндэстэн Сарангоотой гэрлэж, хоёр хүүхэдтэй болсон.

Уран бүтээл

Уран сайхны кино

Он	Киноны нэр	Дүрийн нэр	Найруулагч	Зохиолч
2005	Монгол	Есүхэй баатар	Сергей Бодров	Ариф Алиев Сергей Бодров
2012	Аравт	Цахар Аравт	У.Шагдарсүрэн	О.Эрдэнэ
2014	Чонон Сүлд	Билиг өвгөн	Жан-Жак Анно	Зян Рун

Олон ангит кино

Он	Киноны нэр	Дүрийн нэр	Найруулагч	Зохиолч
2004	Чингис хаан	Чингис хаан	Ван Вэньцзе	Юй Чжисянь Чжу Яотин
2012	Юан улсын үүсгэн байгуулагчийн домог	Өгөөдэй хаан