Гарри Каспаров

Чөлөөт нэвтэрхий толь — Википедиагаас
Харайх: Удирдах, Хайлт
Гарри Каспаров
Garri kasparow 20070318.jpg
Гарри Каспаров, 2007 он
Бүтэн нэр Гарри Кимович Каспаров
Улс Зөвлөлт Холбоот УлсЗөвлөлт Холбоот Улс ЗХУ, Оросын Холбооны УлсОросын Холбооны Улс Орос
Төрсөн 1963 оны 4 сарын 13,
ЗХУ, ЗСБНАзербайжан Улс, Баку
Цол Их мастер
Дэлхийн аварга 1985–1993 (үнэмлэхүй)
1993–2000 (сонгодог)
ОУШХ-ны чансаа 2812
Оргил чансаа 2851 (1999 оны 7 сар)

Гарри Кимович Каспаров бол дэлхийн шатрын 13-дахь аварга бөгөөд дэлхийн гарамгай шатарын их мастер билээ. Тэрээр 1963 оны 4-р сарын 13-нд Азербайжаны Баку хотод төржээ. Каспаров харьцангуй залуудаа буюу 1985 онд дэлхийн аварга болжээ. Ийнхүү хамгийн залуудаа дэлхийн шатрын аварга болсон дэлхийн шатрын 8 дахь аварга Михаил Талийн рекордыг шинэчилж чаджээ.

Каспаров нь шатрын түүхэнд маш олон гайхамшигт рекордуудыг тогтоосон ба тэдгээрийн нэг нь түүний 2005 онд тогтоосон оргил рейтинг болох 2851 юм. Тэрээр дэлхийн шатрын аваргаас гадна "Шатрын Оскар" хэмээх нэр хүндтэй шагналын эзэн юм.

Каспаров 1985-2000 оны хооронд дэлхийн шатрын аварга байсан бөгөөд 2000 онд дэлхийн 14-дэх шатрын аварга Крамникт хожигдсоноор шатрын хааны суудлаас буужээ. Гэсэн хэдий ч ийнхүү хожигдсоноор түүний шатрын ертөнц дэх ноёрхол дуусаагүй юм. Каспаров хэдий Крамникт аваргын титмээ алдсан ч гэсэн шатрын ертөнцөд шилдэг нь гэдгээ удаа дараа харуулж байсан бөгөөд 2000оноос хойш 2007онд зодог тайлах хүртлээ шилдэг их мастеруудын тэмцээнд үргэлж дээгүүр байранд орж байсан ба дийлэнхэд нь түрүүлж байв.

Дэлхийн аварга цолоо эргүүлэн олж авахаар Крамниктай халз тоглохоор санал тавьсан боловч Крамник зөвшөөрөөгүй байна. Каспаров 2014 оны 2 сарын 27-нд Хорват улсын иргэн болжээ.