Минами Масаюки

Чөлөөт нэвтэрхий толь — Википедиагаас
Jump to navigation Jump to search
Минами Масаюки
Волейбол
Төлөөлдөг улс: ЯпонЯпон Япон
Хувийн мэдээлэл
Бүтэн нэр Минами Масаюки
Төрсөн огноо 1941 оны 7 сарын 8 (1941-07-08)
Төрсөн газар Фүкүока, Фүкүока
Нас барсан огноо 2000 оны 4 сарын 7 (58 насалсан)
Нас барсан газар Фүкүока, Фүкүока
 
Медалиуд
Зуны олимп
Хүрэл Токио 1964 Баг
Мөнгө Мехико 1968 Баг
Алт Мюнхен 1972 Баг

Минами Масаюки (япон. 南将之, 1941 оны 7 сарын 8 - 2000 оны 4 сарын 7) нь Японы волейболчин, дасгалжуулагч байв. Фүкүока мужийн Фүкүока хотод төрсөн.

Намтар[засварлах | edit source]

Минато Фүкүока ИС-ийн дэргэдэх Оохори ахлах сургуулийг төгсөөд 1960 онд Асахи Касэй компанид ажиллах болсон. 196 см өндөртэй тэрээр 1961 онд анх Японы шигшээ багт багтжээ. Шигшээ багтайгаа хамт 1964 оны Токиогийн олимпоос хүрэл, 1968 оны Мехикогийн олимпоос мөнгө, 1972 оны Мюнхений олимпоос алтан медаль хүртэж, медалийн цуглуулгатай болжээ.

Зодог тайлаад улсынхаа шигшээ багийн дасгалжуулагч, өсвөрийн шигшээ багийн ахлах дасгалжуулагчаар ажиллаж байгаад 1989-1990 онд шигшээ багийн ахлах дасгалжуулагчаар ажилласан. Мөн Асахи Касэй компанидаа волейболын багийн ахлах дасгалжуулагч, хэлтсийн дарга зэрэг ажил эрхэлж байв. Хожим хүү Кацүюки нь шигшээ багтаа багтсан сайн волейболчин болжээ. Бас нэг хүү Хироюки нь ч волейболчин юм.

Тэрээр амьдралынхаа сүүлийн жилүүдэд чихрийн шижин өвчнөөр өвчилж, 1999 онд гол судасны бүдүүрэл гэсэн оноштойгоор мэс засал хийлгэх зэргээр байнга эмчилгээ хийлгэж байсан ч 2000 оны 4 сарын 7-ны 23:24 цагт Фүкүока хотын нэгэн эмнэлэгт зүрхний шигдээсээр нас нөгчжээ.

Эшлэл[засварлах | edit source]