Очирбатын Цогтгэрэл нь 1967 онд Завхан аймгийн Дөрвөлжин суманд төрсөн. Монгол улсын гавьяат тамирчин. Бөхийн самбо барилдааны тамирчин, дасгалжуулагч. 1986 онд Улаанбаатарт Хөнгөн, хүнсний ТМС, 1994 онд БТДС-ийг төгссөн. Улсын шигшээ багт тамирчин, самбо бөхийн улсын шигшээ багийн дасгалжуулагчийн ажлыг хийж байсан. 1983 оноос самбо бөхөөр хичээллэж 1993 оны ДАШТ-ээс алт, 1988, 1990, 1994 оны ДАШТ-ээс хүрэл, Азийн АШТ-ээс алт, мөнгө, 1988 оны залуучуудын ДАШТ-ээс алт, дэлхийн цомын тэмцээнээс мөнгө, МБАТ-ий спартакиадын хошой мөнгөн медаль хүртсэн, улсын 6 удаагийн аварга ажээ. 1996 оноос дасгалжуулагчаар ажиллаж, анхны жилдээ Азийн аварга шалгаруулах тэмцээнд бэлтгэсэн өсвөрийн тамирчид нь багаараа нэгдүгээр байр эзэлж, 4 алт, 3 мөнгөн медаль, дараах жилүүдэд дасгалжуулсан баг тамирчид нь 1997, 1998, 1999 онд дэлхийн цомын тэмцээнээс багаараа 2 алт, 3 хүрэл медаль, 1998, 1999 оны ДАШТ-ээс 1 алт, 2 мөнгө, 6 хүрэл медаль тус тус хүртсэн байна.
