Рено

Чөлөөт нэвтэрхий толь — Википедиагаас
Харайх: Удирдах, Хайлт
Renault SA
Рено С.А.
Logo
Эрх зүйн хэлбэр Хувьцаат Компани
ISIN FR0000131906
Үүсгэн байгуулагдсан 1898
Төв байр Булонь-Бийанкур, Франц
Удирдлага Карлос Гон
Ажилчид 120.136 (2015-12-31)[1]
Эргэлтийн хөрөнгө 45,3 тэрбум EUR (2015)[1]
Салбар Автомашины аж үйлдвэр
Цахим хуудас www.renault.com

Рено (фр. Renault, [ʀəˈno]) нь францын автомашин үйлдвэрлэгч юм. 1999 онд Ниссан болон Реногийн хооронд стратегийн түншлэл үүсгэн Рено-Ниссаныг бий болгосоноор дэлхийн томоохон автомашин үйлдвэрлэгчдийн нэг болжээ. 2013 онд дэлхий даяар 121.807 ажилчинтайгаар нийт 2.628.208 тээврийн хэрэгсэл үйлдвэрлэсэн аж.[2]

Түүх[засварлах | edit source]

Үүсгэн байгуулагдсан болон эхний жилүүд[засварлах | edit source]

Рено тип А (1899 он)
Рено тип АГ "Такси де ла Марне"- Ландаулет загвар (1910 он)
Рено Селтакуатре (1936)

Société Renault Frères (Ах дүү Реногийн компани)-ийг Луис (1877-1944), Фернанд (1865-1909) болон Марсель Рено (1872-1903) нар 1899 оны хоёрдугаар сарын 25-нд албан ёсоор үүсгэн байгуулжээ.[3] Гэхдээ 1898 оны зул сарын баярын орой нь Реногийн үйлдвэрийн үүсгэн байгуулагдсан өдөр гэж үздэг. Энэ өдөр Луис Рено Булонь-Бийанкурт өөрийн үйлдвэрлэсэн модон хийцтэй автомашинаар Парис хотоор аялжээ. Яг энэ оройдоо тэрээр энэ загварыг үйлдвэрлэх 12 захиалгын гэрээ хийсэн бөгөөд сүүлд тус загвараа «Моделл А» гэж нэрлэжээ.

Луис Рено нь дүү нараа нас барсанаас хойш ганцаараа компаниа удирдаж явсаар 1944 онд нас нөгчсөн юм.

Удирдлагын ажлаас гадна тэрээр техникчийн ажлаа ч үргэлжлүүлэн хийж байв. Ингэж ажилласанаар тэр олон олон патентийн эрхтэй болсон нь дэлхийн автомашины хөгжилд ихээхэн тус үүрэг гүйцэтгэсэн байна. Түүний патентуудаас жишээ нэрлэвэл кардан гол, боох боломжтой очлуур, турбо компрессор (турбо цэнэглэгч), хамгаалалтын бүс болон анхны 8 цилиндрт салаа хэлбэртэй хөдөлгүүрийн нисэх онгоцонд зориулсан хийц мөн түүнчлэн хүрдэн тоормос гэх мэт.

Гэр бүлийн компаний хөгжил ихэд хурдацтай явж байсан ба 1900 он гэхэд зуу гаран ажилчинтай болсон байв. Рено нь томоохон аж үйлдвэрлэлийн концерн тооцогдох болсон нь 1906 он байсан ба учир нь парисын таксины үйлчилгээний компани Ренод 250 такси захиалсанаар эхэлжээ.

1910-1939: Хоёр дайны хоорондын үе[засварлах | edit source]

Рено хэрэглээний автомашины үйлдвэрлэлийг маш эрт эхэлжээ. 1909 он гэхэд гурав болон таван тонны даацтай ачааны автомашин, 1915 онд бүх дугуй хөтлөгчтэй болон -залагдах зүтгүүрийн машиныг үйлдвэрлэв. 1913 онд Рено арван мянга дахь автомашинаа үйлдвэрлэжээ. Энэ тоогоороо Фордын үйлдвэрлэж байсан автомашины үйлдвэрлэлийн тоотой бараг л ойролцоо байснаараа европод тодорч байв.

Дэлхийн 1-р дайны үед армид зориулан ачааны автомашин, нисэх онгоцны мотор болон сум үйлдвэрлэлээ. Рено техинкийн шинэ содон шийдэл гаргахдаа гарамгай байсан ба үүний жишээнд анх удаагаа үйлдвэрлэгдсэн өөрийгөө тээгч ванн болон эргэх цамхагтай Рено FT танк орно.

Дэлхийн 1-р дайны дараа Рено буцан автомашины үйлдвэрлэлд орсон бөгөөд дайны өмнө үйлдвэрлэлж байсан загваруудаа бага зэрэг сайжруулсан загварууд байв. Удалгүй Рено зөвхөн автомашины загвараа өргөтгөсөнөөс гадна өөр бүтээгдхүүнүүд болох моторт завьны хөдөлгүүр, уурын галт тэрэг, онгоцны үйлдвэрлэл зэрэгт хүчээ сорьсон байна.

Реногийн бэлгэдэл[засварлах | edit source]

Цахим хуудас[засварлах | edit source]

 Commons: Рено – Викимедиа зураг, бичлэг, дууны сан

Зүүлт, тайлбар[засварлах | edit source]

  1. 1.0 1.1 2015 Annual Report, Renault Group: Seite 10–11, 2016-09-03 PDF; 5,6 MB
  2. 2013 Annual Report s.10–11, 2015-03-10, Renault Group PDF; 5,6 MB
  3. vgl. Renault: ein Jahrhundert Tradition in der Spitzenklasse