Википедиа — Чөлөөт нэвтэрхий толь
Сэр Стивен Жэффри Рэдгрэйв CBE (Англи: Steven Geoffrey Redgrave, 1962 оны 3 сарын 23-нд Бакинэмширийн Марлоуд төрсөн) нь Английн сэлүүрт завины тамирчин бөгөөд 1984 - 2000 оны хооронд 5 олимпоос дараалан алтан медаль хүртсэн алдартан юм. Түүнчлэн сэлүүрт завины дэлхийн аварга шалгаруулах тэмцээний 9, Британийн хамтын нөхөрлөлийн наадмын 3 алтан медальтай.
Рэдгрэйв таван олимп дараалан медаль хүртсэн дөрөвхөн тамирчны нэг бөгөөд уг амжилтаараа Их Британийн хамгийн шилдэг олимпч гэгддэг билээ.[1][2][3]
Рэдгрэйв 1988 онд Энн Коллэвэй (одоо Энн Рэдгрэйв)-тэй гэрлэжээ. Эхнэр Энн нь мөн 1984 оны Лос-Анжелесын олимпод Их Британийн эмэгтэйчүүдийн багт багтан өрсөлдөж байсан сэлүүрт завьчин бөгөөд1992 - 2001 онд Их Британийн шигшээ багийн эмнэлэг хариуцсан захирлаар ажиллаж байсан аж.
- "Стив Рэдгрэйв: Алтан үе" (Steve Redgrave: A Golden age) (2000) Ник Таунсэндтэй хамт. ISBN 0-563-55182-8
- "Стив Рэдгрэйвийн сэлүүрт завины бүрэн сурах бичиг" (Steve Redgrave's Complete Book of Rowing) (1992). ISBN 1-85225-124-7
- "Чи амьдралд ялж чадна!" (You Can Win At Life!) (2005) Ник Таунсэндтэй хамт. ISBN 0-563-48776-3.