Стэйси Драгила

**Стэйси Драгила**
	Стэйси Драгила
	Хөнгөн атлетик
	Төлөөлдөг улс: Америкийн Нэгдсэн Улс
	Хувийн мэдээлэл
Бүтэн нэр	Стэйси Рэни Микэлсэн
Төрсөн огноо	3 сарын 25, 1971 (55 настай)
Төрсөн газар	Калифорни, Обурн
Медалиуд
Зуны олимп
Дэлхийн АШТ
Танхимын ДАШТ

Стэйси Рэни Микэлсэн (Англи: Stacy Renée Mikaelsen, 1971 оны 3 сарын 25-нд Калифорни муж улсын Обурн хотод төрсөн) нь Америкийн Нэгдсэн Улсын хөнгөн атлетикч, тулгууртай харайлтын тамирчин юм.

Тэрээр эмэгтэйчүүдийн тулгууртай харайлтын төрөл олимпын наадамд анх удаа багтсан 2000 оны зуны олимпод Дэйв Нилсэний удирдлага дор оролцож, алтан медаль хүртжээ. Түүнээс гадна дэлхийн хошой аварга (1999, 2001), 1997 оны танхимын дэлхийн аварга, дэлхийн дээд амжилтыг олон удаа шинэчлэн тогтоож, Жессе Оуэнсийн шагналыг 2 удаа хүртсэн (2000, 2001) тамирчин билээ. Тэрээр хувийн дээд амжилт 4.83 метрээ Острава хотноо 2004 онд тогтоож байв.

Драгила өдгөө Калифорни муж улсын Сан-Диего хотод оршин суудаг бөгөөд Альтиус хөнгөн атлетикийн клубийг үүсгэн байгуулжээ.

Тэрээр хамгийн сүүлд 2009 оны хөнгөн атлетикийн дэлхийн аварга шалгаруулах тэмцээнд оролцож, 4.25 м-ийн амжилт үзүүлэн шигшээ тэмцээнд шалгарч чадаагүй^[1]. Драгила нь эмэгтэйчүүдийн тулгууртай харайлтын спортын эхэн үеийн хамгийн хурц од байсан бөгөөд түүний хувийн дээд амжилт нь тэр үеийн бусад тамирчдынхаас хол тасархай байлаа^[2].

Драгила Америкийн зээрэнцэг шидэгч Иан Вальцтай гэрлэж, охин Алликс Жозефин Вальцаа 2010 оны 6 сарын 21-нд төрүүлжээ^[3].

Эх сурвалж

↑ Landells, Steve (2009-08-15). Event Report - Women's Pole Vault - Qualification (Memento 26. Есдүгээр сар 2009 цахим архивт). IAAF. Retrieved on 2009-08-16.
↑
↑ http://trackfield.teamusa.org/news/2010/09/27/a-decade-later-stacy-dragila/38733

Цахим холбоос

Албан ёсны цахим хуудас
ОУХАХ-ны цахим хуудсан дахь тамирчны танилцуулга: Стэйси Драгила
АНУ-ын Хөнгөн Атлетикийн Холбооны цахим хуудас дахь танилцуулга
Стэйси Драгилагийн зургууд^{[permanent dead link]}

Үзүүлэлт
Өмнөх Эмма Жорж	Эмэгтэйчүүдийн тулгууртай харайлтын дэлхийн дээд амжилтын эзэн 1999 оны 8 сарын 21 – 2003 оны 7 сарын 13	Дараах Елена Исинбаева
Шагнал
Өмнөх Марион Жонс	Оны шилдэг хөнгөн атлетикч эмэгтэй 2001	Дараах Пола Радклифф

[1] Landells, Steve (2009-08-15). Event Report - Women's Pole Vault - Qualification (Memento 26. Есдүгээр сар 2009 цахим архивт). IAAF. Retrieved on 2009-08-16.

[2] ↑

[3] ttp://trackfield.teamusa.org/news/2010/09/27/a-decade-later-stacy-dragila/38733

[1]

[2]

[3]